Lucas 7:24 - O Novo Testamento na língua Kaingáng

²⁴ Kỹ ag tóg mũ mũ sir, João mỹ tó jé. Ag mũ kar kỹ Jesus tóg ũn e ẽn ag mỹ João kãmén mũ. “Ẽmã tũ ja ra ãjag tóg mũ ja nĩgtĩ, João ve jé,” he tóg. “Kỹ ti jykre hỹn ne ri ke nĩ, ãjag mỹ? Kejẽn kãka tóg goj jagma krã tỹ man man ke tĩ. João jykre mỹ ãjag mỹ tag ri ke tũ nĩ'? Hỹ, ri ke tũ ti nĩ.

Lucas 7:24 Iomraidhean Croise

Lucas 1:80

Zacarias fag tỹ João ve jan hã vẽ, fag tỹ kófa nỹtĩ ra. Kỹ tóg fag mỹ mog mũ sir. Tar tóg jẽ sir. Krĩ há tóg nĩ gé. Kỹ tóg ẽmã tũ mĩ tĩ mũ ver, ti tỹ povo tỹ Israel ag mỹ Topẽ vĩ kãmén ke jo.

Lucas 3:2

Ẽn kã Caifás vỹ tỹ Topẽ tũ ki rĩr tĩ ag pã'i mág nĩ, Anás mré. Kỹ vãhã Topẽ vỹ Zacarias kósin tỹ João mỹ: “ha Israel ag mỹ vẽnh ven tĩg,” he mũ, ti tỹ ẽmã tũ ja tá nĩn kỹ.

Lucas 7:23

Kỹ tóg ti tỹ iso jykrén kónãn tũ nĩn kỹ há tĩnh mũ. Kỹ Topẽ tóg ti ve há han mũ sir. Tag tóm nĩ, João mỹ,” he tóg.

Lucas 7:25

Ti mỹ ãjag mỹ ũn kur sĩnvĩ ag jykre ri ke nĩ'? Vó. Ũn kur sĩnvĩ ag vỹ ẽmã mág tá nỹtĩ, pã'i mág ĩn krẽm, ũn jẽn mág tĩ ag. Ag pijé ẽmã tũ ja mĩ mũ tĩ'.

João 1:23

Kỹ tóg ag mỹ Isaías tỹ rá tó mũ, hã vỹ: “ũ tỹ ẽmã tũ ja tá jẽ kỹ vẽnh kar mỹ Topẽ jykre kãmén mũ ẽn vỹ tỹ inh nĩ,” he mũ. “Ũ tỹ vẽnh kar mỹ: “ẽg Senhor japry kure ra, ti jamĩn kurynh ra,” he tĩ ẽn vỹ tỹ inh nĩ,” he tóg.

Éfeso 4:14

Ẽg tỹ gĩr ri ke nỹtĩn kỹ tóg ti mỹ há tũ nĩ. Gĩr ag tóg, ag tỹ nén ũ mẽ kỹ kãnhmar nén ũ nón tĩ', nén ũ nón tĩ', he tĩ. Ẽg tỹ ti vĩ to gĩr tỹ ki kagtĩg ẽn ri ke nỹtĩn kỹ tóg ẽg tỹ ũn ón mũ vĩ kri nĩm ja há tĩ, ẽg tỹ ki kagtĩg nỹtĩn kỹ. Ũ ag tóg Topẽ vĩ to ón tĩ. Ag tỹ ẽg tỹ ag mré kygnẽ han sór vẽ.

2 Pedro 2:17

Ón kỹ Topẽ vĩ tó tĩ ag vỹ goj nĩhỹg ja ki goj tũ ẽn ri ke nỹtĩ. Kanhkã góg ri ke ag tóg nỹtĩ gé. Kãka tỹ vẽjo vóg kỹ tỹ tũ' he ẽn ri ke ag nỹtĩ, ũ tỹ ón kỹ Topẽ vĩ tó tĩ ag. Topẽ vỹ kuty tãvĩ tá ag vin ke mũ.

2 Pedro 3:17

Inh kanhkã', ãjag mỹ sóg rán kãn huri. Hã kỹ vẽnh ki rĩr há han nĩ. Ker ũ tỹ ãjag mỹ ón kỹ kri nĩm hẽ'. Ke tũ nĩ mũ ra ag tóg ãjag lograr henh ke mũ, ũ tỹ ãjag fe kavénh sór mũ ag, ũn jykre pãno ag. Ãjag tỹ ag vĩ kri fi tugrĩn ãjag tóg vãgfor ke mũ, ha vem nĩ. Ẽg tỹ kãgnó ki tĩr ri ke han jé ãjag tóg ke mũ, ha vem nĩ.