Lucas 7:19 - O Novo Testamento na língua Kaingáng

¹⁹ Kỹ tóg ti mỹ e tĩ. Kỹ tóg ti to: “Topẽ tỹ ũn jẽnẽg mũn hã mỹ vỹ?” he mũ. Hã kỹ tóg ti mré mũ tĩ régre ag jẽgnẽg mũ, ag tỹ Jesus mỹ: “ã hã mỹ'?” he jé.“ Ẽg mỹ ũ jãvãnh mãn ke tũ nĩ ha', ã pãte?” he sór ag tóg mũ.

Lucas 7:19 Iomraidhean Croise

Marcos 6:7

Kỹ tóg ũ tỹ 12 (ke) ag jé prẽr mũ. Kỹ tóg ag jẽgnẽg mũ, ũn régre tĩn', ũn régre tĩn' he tóg. Ag mỹ tóg vẽjykre nĩm mũ, ag tỹ vẽjagrẽ kórég pan jé.

Lucas 10:1

Kỹ Jesus tóg ũ tỹ 70 (ke) ag vin mũ gé sir, ag tỹ ti jo mũ jé. Ũn régre tĩn', ũn régre tĩn' he tóg. Ag mỹ tóg: “ẽmã kar mĩ Topẽ vĩ kãmén mũjẽg,” he mũ. Ag nón tóg ra tĩg sór mũ gé.

Lucas 11:1

Kejẽn tóg Topẽ mré vĩ mũ. Ti tỹ Topẽ mré vẽmén kar kỹ ti mré mũ tĩ ag tóg ti mỹ: “Senhor',” he mũ. “Ẽg kanhrãn nĩ, ẽg tỹ Topẽ mré vĩ há nỹtĩ jé, João tỹ ti mré mũ tĩ ag kanhrãn ri ke,” he ag tóg.

Lucas 11:39

Hã ra Jesus tóg ki kanhró nĩ, kỹ tóg ti mỹ: “Fariseu vỹ tỹ ãjag nỹtĩ,” he mũ. “Kỹ ãjag tóg kópa ven ja kupég tĩ, pénky ven ja ke gé, hã ra ti kã tá ke tóg kavéj nĩ. Kỹ ãjag jykre vỹ ge nĩ gé. Jykre há nỹtĩ ve ãjag tóg nĩ, hã ra ãjag tóg vẽjykre pãno kar han tĩ.

Lucas 12:42

Kỹ tóg: “kejẽn patrão tóg hẽn ra tĩg sór mũ. Kỹ tóg ti camarada ag kã ũ kuprẽg mũ, ti tỹ ti jo ag ki rĩr jé. Ũ tỹ ti rãnhrãj ki rĩr há han tĩ ẽn kuprẽg tóg mũ, ti tỹ ag mỹ vẽjẽn ven jé.

Lucas 13:15

Hã ra Jesus tóg ti vĩ kãfãn kỹ: “jykre régre ã nĩ mỹr,” he mũ. “Vẽnhkán ke kurã ki ãjag tóg ãjag mẽg ki rĩr tĩ gé, monh ki, kãvãru ki ke gé, ha mẽ. Ãjag mẽg kygvãg ãjag tóg tĩ, ag tỹ goj kron mũn jé, ti tỹ ĩn kã kã se kỹ jẽ kỹ, cocho to.

Lucas 17:5

Kỹ Jesus tỹ ũn vin mũ ag tóg ti mỹ: “ẽg tỹ Topẽ ki ge há han há tóg tĩ,” he mũ. “Kỹ to ẽg tar han nĩ,” he ag tóg.

Lucas 17:6

Kỹ tóg ag mỹ: “ãjag tỹ Topẽ ki ge kỹ tóg há tĩ,” he mũ. “Ka tỹ krén to jykrén nĩ,” he tóg. “Sĩ ti nĩ, ẽg tỹ ti krãn ve ki. Hã ra tóg mog há han tĩ. Tag ri ke han nĩ, Topẽ ki rã kỹ. Kỹ ãjag tóg nén ũ kar to tar nỹtĩnh mũ. Ka tag ve ra ha. Ãjag tỹ ti mỹ: “ã jẽgja ki kã kãkutẽ kỹ goj ki vẽnh krãn,” hen kỹ tóg kenh mũ, ãjag tỹ Topẽ ki rã há han kỹ,” he tóg, Jesus ti.

Lucas 18:6

Kỹ tóg ag mỹ: “ti vĩ jẽmẽ ra,” he mũ. “Jykre pãno ti nĩ, hã ra tóg fi tỹ ti mỹ vĩ e ẽn to fi kren han sór mũ,” he tóg.

Lucas 19:8

Kỹ tóg ti ĩn krẽm nĩ nĩ. Kỹ Zaqueu tóg vẽso jykrén kỹ ti mỹ vẽnh kãmén mũ. “Ha vé, isũ kuju vin jé sóg ke mũ, ũn jagtar ag mỹ. Ũ ag lograr he ja sóg nĩgtĩ, ag tũ ki, hã ra sóg ag mỹ ti kãfór nĩm sór mũ ha. Sỹ jãnkamy pir ki ũ lograr he jan ki sóg ti mỹ ũ tỹ 4 (ke) vin sór mũ,” he tóg mũ.

Lucas 22:61

Kỹ ẽg Senhor vỹ vẽsỹjãm Pedro ki ẽvãnh mũ. Kỹ Pedro vỹ to jykrén mũ, ẽg Senhor tỹ ti mỹ: “iso ã tóg: “ti ki kagtĩg sóg nĩ,” he tãgtũ han ke mũ, galo kyr ke to hã,” he ja ẽn mĩ.

Lucas 24:34

Hã ra ẽn ag tóg ag mỹ: “ẽg Senhor vỹ rĩr mãn,” he vén mũ. “Simão Pedro mỹ tóg vẽnh ven, mỹr, ha mẽ,” he ag tóg mũ sir.

Lucas 7:13

Kỹ Jesus tóg fi vég mũ, kỹ fi tóg ti mỹ jagtar nĩ. Kỹ tóg fi mỹ: “fỹ tũg nĩ,” he mũ.

Lucas 7:20

Kỹ ag tóg ti mỹ: “João Batista vỹ ẽg jẽgnẽ, ẽg tỹ ã ki jẽmẽ jé,” he mũ. “Ã hã mỹ'? he tóg. Ẽg mỹ ũ jãvãnh mãn ke tũ nĩ ha', ã pãte? he tóg, João ti,” he ag tóg mũ.

João 11:2

Maria ẽn fi vỹ kar kỹ kejẽn Jesus pẽn kri nén ger há kujẽg mũ, kỹ fi tóg fi gãnh tỹ ti pẽn kykũg mũ gé. Ẽn fi mré pafa mũ vỹ kaga nỹ nĩ.

João 4:1

Kỹ Fariseu ag vỹ mẽg mũ, ũn tỹ hẽn ri ke ag tỹ Jesus mré mũ mũ ẽn ti. Ũn e ag kygpég tóg mũ gé, Jesus ti, João tỹ ũn kygpe ja ag kãfór.

João 4:25

Kỹ fi tóg: “hỹ, Messias ẽn vỹ kãtĩg ke mũ, ẽg tỹ ũ to: Cristo, he mũ ẽn. Ti hã vỹ ẽg mỹ tag kar kãmén kãn ke mũ,” he mũ.

João 6:23

Kỹ canoa ũ tóg ag ki junjun mũ, ẽmã tỹ Tiberíades tá kãmũ ũ. Jesus tỹ tá ẽmĩ to Topẽ mré vĩ ja ẽn tá ag tóg junjun mũ, vẽnh e tỹ ko tá ja ẽn tá.

Nén Venh Ke 11:3

Ũ tỹ inh vĩ tó tĩ régre ag jẽgnẽ jé sóg ke mũ. Kur kórég rĩnh kỹ ag tóg isỹ ag mỹ nén tónh ke mũ ẽn tónh ke mũ, kurã tỹ 1260 (ke) ẽn ki,” he tóg inh mỹ, ag kã mĩ ũ ti.