Lucas 7:16 - O Novo Testamento na língua Kaingáng

¹⁶ Kỹ tóg vẽnh kar mỹ e tĩ, kỹ ag tóg Topẽ to vĩ há han mũ sir. “Topẽ vĩ tó tĩ kãfór vỹ ẽg ki jun,” he ag tóg mũ. “Topẽ vỹ ẽg ve há han, hã kỹ tóg ti jẽnẽ,” he ag tóg mũ.

Lucas 7:16 Iomraidhean Croise

Mateus 15:31

Kỹ tóg vẽnh kar ẽn mỹ e tĩ. Ũn vĩ vãnh ag tóg vĩ há nỹtĩ, ũn kãnhgrĩ ag tóg mũ há nỹtĩ, ũn kyvó ag tóg ẽvãnh há nỹtĩ gé. Kỹ ag tóg Topẽ mỹ vĩ há han mũ sir.

Mateus 21:11

Kỹ ag tóg ag mỹ: “Topẽ vĩ tó tĩ ẽn vẽ,” he mũ. “Jesus vẽ, Nazaré tá ke ẽn vẽ, Galiléia tá ke ẽn,” he ag tóg mũ sir.

Mateus 28:8

Kỹ fag tóg, ti kej tá kãpa kỹ fũrũrũn mũ mũ sir. Fag mỹ tóg e tĩ. Ge ra tóg fag mỹ sér pẽ tĩ, hã kỹ fag tóg pétẽ mũ sir, fag tỹ Jesus mré mũ tĩ ag mỹ tó jé.

Mateus 9:8

Kỹ vẽnh kar ẽn ag tóg vég mũ. Kỹ tóg ag mỹ e tãvĩ tĩ. Topẽ mỹ ag tóg vĩ há han mũ, ti tỹ Jesus mỹ vẽjykre há nĩm kỹ, ti tỹ tỹ ẽprã ke nĩ ra.

Lucas 1:65

Kỹ fag rã nỹtĩ kar vỹ kamẽg mũ. Vẽnh kar tỹ vẽnh vĩ ẽn tỹ vẽmén kỹ tóg, ga tỹ Judéia mĩ vẽnh kar kri rũm mũ.

Lucas 1:68

“tỹ ti ũn mág jẽ, ẽg povo tỹ Israel kri, ẽg Senhor ti, hã vỹ: Topẽ, he mũ. Ẽg ki tóg ẽvãnh nĩgtĩ, ti tỹ ti tũ ag krenkren han jé. Ẽg hã vỹ tỹ ti tũ nỹtĩ,” he tóg.

Lucas 19:44

Ãjag tỹ tũ' he kãn jé ag tóg ke mũ, ãjag krẽ ke gé. Ãjag ĩn kókén kãn jé ag tóg ke mũ gé. Kỹ ĩn tỹ pó pijé jagnẽ kri nỹtĩnh mũ'. Kurã há ki ãjag tóg Topẽ vĩ mẽ jãvãnh nỹtĩ, ũri. Hã kỹ ãjag tóg ti kórég venh ke mũ,” he tóg. Fỹ pẽ han kỹ tóg tó mũ, ẽmã mĩ tĩg kỹ.

Lucas 2:20

Kỹ ag tóg sir ag mẽg to vỹnvỹn ke mũ gé. Topẽ mỹ ag tóg vĩ há han mũ. “Ti hã ne tóg ẽg mỹ ti tỹ jẽgnẽ jafã ag tỹ vẽnh vĩ jẽnẽ ja nĩ', hã kỹ ẽg tóg vé,” he ag tóg mũ sir.

Lucas 24:19

“Ne nẽ?“ he tóg. Kỹ ag tóg: “Jesus ti, Nazaré tá ke ẽn,” he mũ. “Topẽ vĩ tó tĩ vẽ. Ẽg tỹ nén han vãnh hynhan ja tóg nĩgtĩ. Topẽ vĩ tó há han ja tóg nĩgtĩ, kỹ Topẽ vỹ ti mré han tĩ, milagre kar ti. Kỹ povo kar ag vỹ vég tĩ, kỹ tóg ẽg kar mỹ e tĩ.

Lucas 5:26

Kỹ tóg vẽnh kar mỹ e tãvĩ tĩ. Topẽ mỹ ag tóg vĩ há han mũ gé, “ẽg kãfór ti nĩ,” hen kỹ. “Ge ve ja tũ ẽg nỹtĩ,” he ag tóg mũ sir.

Lucas 5:8

Kỹ tóg Simão mỹ e tĩ. Kỹ tóg Jesus krẽm grĩnh kỹ ti mỹ: “ã hỹn inh ré kỹ tĩg mũ ha. Topẽ vĩ mranh ja inh nĩgtĩ. Kórég inh nĩ,” he mũ.

Lucas 7:15

Kỹ vẽser ẽn tóg nĩ mũ sir, ha mẽ. Kỹ tóg vĩ mũ sir. Kỹ tóg ti mỹnh fi mỹ ti fẽg mũ.

Lucas 7:39

Kỹ Fariseu ẽn tóg to jykrén mũ. “Ti tỹ tỹ Topẽ vĩ tó tĩ nĩ ra tóg fi ki kanhró nĩnh mũ vẽ,” he tóg.“Hã ra tóg ki kagtĩg nĩ ve nĩ. Topẽ vĩ mranh fi tóg tĩgtĩ mỹr. Hã ra tóg fi tỹ ti vóg kamẽg tũ nĩ,” he tóg.

Lucas 8:37

Gerasa tá ke kar ag tóg kanẽ jur nỹtĩ. Hã kỹ ag tóg ti mỹ: “ã tĩg kỹ tóg ẽg mỹ há tĩnh mũ,” he mũ. Kỹ tóg canoa kã ra rã kỹ tĩ mũ, ti mré mũ tĩ ag mré.

Lucas 9:19

Kỹ ag tóg ti mỹ: “ũ ag vỹ: João Batista vẽ, he tĩ, jãvo ũ ag vỹ: Elias vẽ, he tĩ gé, jãvo ũ ag vỹ: vãsỹ Topẽ vĩ tó tĩ ũ vỹ rĩr mãn, he tĩ gé, ã to,” he mũ.

João 1:21

Kỹ ag tóg ti mỹ: “kỹ ã hỹn tỹ ũ nĩ? Ã mỹ tỹ Elias nĩ'?“ he mũ. Hã ra tóg: “vó“ he mũ gé. Kỹ ag tóg ti mỹ: “Topẽ vĩ tó tĩ ũ nẽji kãtĩg ke mũ gé. Ti hã mỹ tỹ ã nĩ?“ he mũ. Hã ra tóg: “vó,” he mũ gé.

João 1:25

Kỹ ag tóg: “ã tỹ hẽ ri ken kỹ ag kygpe sór nẽ, ã tỹ tỹ Cristo tũ hã ra?“ he mũ. “Inh pijé tỹ Elias nĩ'. Inh pijé tỹ Topẽ vĩ tó tĩ ẽn nĩ',” he ã tóg tĩ, hã ra ã tóg ag kygpég tĩ,” he ag tóg.

João 4:19

Kỹ fi tóg: “Topẽ vĩ tó tĩ vỹ tỹ ã nĩ, vég isóg nĩ nĩ,” he mũ. “Kỹ inh mỹ tag tó, ha mẽ. Ẽg jógjóg ve ag vỹ tag ki Topẽ mré vẽmén' he ja nĩgtĩ, pãnónh tag kri, kỹ ẽg tóg ũri ke tĩ gé.

João 6:14

Kỹ tóg ag mỹ e tĩ, ag tỹ milagre tag ven kỹ. Kỹ ag tóg ti to: “Topẽ vĩ tó tĩ ẽn hã vẽ, ẽg tỹ ũn jãvãnh mũ ẽn,” he mũ.

João 9:17

Kỹ ag tóg ũn kyvó ja ẽn ki jẽmẽ mãn mũ. “Ti mỹ tỹ ũn há nĩ', ũn kórég mỹ vó?“ he ag tóg mũ. “Ã tỹ tóg há' hé mỹr,” he ag tóg. Kỹ tóg: “inh mỹ tóg tỹ Topẽ vĩ tó tĩ pẽ nĩ,” he mũ.

Han Kãme 5:5

Ananias tỹ ti vĩ mẽ kỹ tóg kutẽ mũ. Ti ter vẽ sir. Kỹ tóg ũ tỹ mẽg mũ ag kar mỹ e tĩ. Ag fe tóg jũrũn ke mũ.

Han Kãme 7:37

“Moisés tóg povo tỹ Israel ag mỹ: Topẽ vỹ ãjag mỹ ti vĩ tó tĩ ũ jẽnẽnh mũ, ãjag mré ke ũ, ti tỹ ãjag mỹ Topẽ vĩ tó jé, inh ri kén, he ja nĩgtĩ.

Galácia 1:24

Kỹ ag tóg isugrĩn Topẽ to vĩ há han ja nĩgtĩ, ag tỹ mẽ kỹ.