Lucas 7:13 - O Novo Testamento na língua Kaingáng

¹³ Kỹ Jesus tóg fi vég mũ, kỹ fi tóg ti mỹ jagtar nĩ. Kỹ tóg fi mỹ: “fỹ tũg nĩ,” he mũ.

Lucas 7:13 Iomraidhean Croise

Marcos 8:2

“inh mỹ ag tóg jagtar nỹtĩ,” he mũ. “Kurã tãgtũ han ag tóg huri, ẽg mré, hã ra ag tóg vẽjẽn ve ja tũ nĩgtĩ.

Lucas 10:1

Kỹ Jesus tóg ũ tỹ 70 (ke) ag vin mũ gé sir, ag tỹ ti jo mũ jé. Ũn régre tĩn', ũn régre tĩn' he tóg. Ag mỹ tóg: “ẽmã kar mĩ Topẽ vĩ kãmén mũjẽg,” he mũ. Ag nón tóg ra tĩg sór mũ gé.

Lucas 11:1

Kejẽn tóg Topẽ mré vĩ mũ. Ti tỹ Topẽ mré vẽmén kar kỹ ti mré mũ tĩ ag tóg ti mỹ: “Senhor',” he mũ. “Ẽg kanhrãn nĩ, ẽg tỹ Topẽ mré vĩ há nỹtĩ jé, João tỹ ti mré mũ tĩ ag kanhrãn ri ke,” he ag tóg.

Lucas 11:39

Hã ra Jesus tóg ki kanhró nĩ, kỹ tóg ti mỹ: “Fariseu vỹ tỹ ãjag nỹtĩ,” he mũ. “Kỹ ãjag tóg kópa ven ja kupég tĩ, pénky ven ja ke gé, hã ra ti kã tá ke tóg kavéj nĩ. Kỹ ãjag jykre vỹ ge nĩ gé. Jykre há nỹtĩ ve ãjag tóg nĩ, hã ra ãjag tóg vẽjykre pãno kar han tĩ.

Lucas 12:42

Kỹ tóg: “kejẽn patrão tóg hẽn ra tĩg sór mũ. Kỹ tóg ti camarada ag kã ũ kuprẽg mũ, ti tỹ ti jo ag ki rĩr jé. Ũ tỹ ti rãnhrãj ki rĩr há han tĩ ẽn kuprẽg tóg mũ, ti tỹ ag mỹ vẽjẽn ven jé.

Lucas 13:15

Hã ra Jesus tóg ti vĩ kãfãn kỹ: “jykre régre ã nĩ mỹr,” he mũ. “Vẽnhkán ke kurã ki ãjag tóg ãjag mẽg ki rĩr tĩ gé, monh ki, kãvãru ki ke gé, ha mẽ. Ãjag mẽg kygvãg ãjag tóg tĩ, ag tỹ goj kron mũn jé, ti tỹ ĩn kã kã se kỹ jẽ kỹ, cocho to.

Lucas 17:5

Kỹ Jesus tỹ ũn vin mũ ag tóg ti mỹ: “ẽg tỹ Topẽ ki ge há han há tóg tĩ,” he mũ. “Kỹ to ẽg tar han nĩ,” he ag tóg.

Lucas 17:6

Kỹ tóg ag mỹ: “ãjag tỹ Topẽ ki ge kỹ tóg há tĩ,” he mũ. “Ka tỹ krén to jykrén nĩ,” he tóg. “Sĩ ti nĩ, ẽg tỹ ti krãn ve ki. Hã ra tóg mog há han tĩ. Tag ri ke han nĩ, Topẽ ki rã kỹ. Kỹ ãjag tóg nén ũ kar to tar nỹtĩnh mũ. Ka tag ve ra ha. Ãjag tỹ ti mỹ: “ã jẽgja ki kã kãkutẽ kỹ goj ki vẽnh krãn,” hen kỹ tóg kenh mũ, ãjag tỹ Topẽ ki rã há han kỹ,” he tóg, Jesus ti.

Lucas 18:6

Kỹ tóg ag mỹ: “ti vĩ jẽmẽ ra,” he mũ. “Jykre pãno ti nĩ, hã ra tóg fi tỹ ti mỹ vĩ e ẽn to fi kren han sór mũ,” he tóg.

Lucas 19:8

Kỹ tóg ti ĩn krẽm nĩ nĩ. Kỹ Zaqueu tóg vẽso jykrén kỹ ti mỹ vẽnh kãmén mũ. “Ha vé, isũ kuju vin jé sóg ke mũ, ũn jagtar ag mỹ. Ũ ag lograr he ja sóg nĩgtĩ, ag tũ ki, hã ra sóg ag mỹ ti kãfór nĩm sór mũ ha. Sỹ jãnkamy pir ki ũ lograr he jan ki sóg ti mỹ ũ tỹ 4 (ke) vin sór mũ,” he tóg mũ.

Lucas 22:61

Kỹ ẽg Senhor vỹ vẽsỹjãm Pedro ki ẽvãnh mũ. Kỹ Pedro vỹ to jykrén mũ, ẽg Senhor tỹ ti mỹ: “iso ã tóg: “ti ki kagtĩg sóg nĩ,” he tãgtũ han ke mũ, galo kyr ke to hã,” he ja ẽn mĩ.

Lucas 24:3

Kỹ fag tóg ti kej tá junjun kỹ kã ra ge mũ. Hã ra fag tóg vẽser vég tũ nĩ, ẽg Senhor ti.

Lucas 24:34

Hã ra ẽn ag tóg ag mỹ: “ẽg Senhor vỹ rĩr mãn,” he vén mũ. “Simão Pedro mỹ tóg vẽnh ven, mỹr, ha mẽ,” he ag tóg mũ sir.

Lucas 7:12

Ag tỹ ẽmã jy ró jãnkã tá junjun mũ ra ag tóg tá vẽser va kãmũ nĩ. Ag tỹ vẽnh kej tá ti péjunh mũ vẽ. Ti mỹnh fi tóg ag mré tĩ nĩ. Fi kósin pir vẽ. Ti panh tóg ter ja nĩ. Kỹ ũ tỹ hẽn ri ke ag vỹ fi mré mũ nĩ, fag ke gé.

Lucas 7:14

Kỹ tóg vẽser ti mẽg mũ. Kỹ ũ tỹ ti va mũ ẽn ag vỹ krỹg' krỹg' he mũ. Kỹ tóg vẽser mỹ: “kyrũ', nĩ ra, he sóg mũ ã mỹ,” he mũ.

Lucas 7:19

Kỹ tóg ti mỹ e tĩ. Kỹ tóg ti to: “Topẽ tỹ ũn jẽnẽg mũn hã mỹ vỹ?” he mũ. Hã kỹ tóg ti mré mũ tĩ régre ag jẽgnẽg mũ, ag tỹ Jesus mỹ: “ã hã mỹ'?” he jé.“ Ẽg mỹ ũ jãvãnh mãn ke tũ nĩ ha', ã pãte?” he sór ag tóg mũ.

Lucas 8:52

Hã ra ũn e fag vỹ tá nỹtĩ gé. Kygfỹ fag tóg mũ. Kỹ Jesus tóg fag mỹ: “kygfỹ tũg ra,” he mũ. “Fi pijé ter mũ'. Fi nũr vẽ,” he tóg.

João 11:2

Maria ẽn fi vỹ kar kỹ kejẽn Jesus pẽn kri nén ger há kujẽg mũ, kỹ fi tóg fi gãnh tỹ ti pẽn kykũg mũ gé. Ẽn fi mré pafa mũ vỹ kaga nỹ nĩ.

João 11:3

Kỹ ti ve fag vỹ Jesus mỹ vẽnh vĩ jẽnẽg mũ. “Ã tỹ ũ to há nĩ ẽn vỹ kaga nỹ nĩ,” he fag tóg.

João 20:13

Kỹ ag tóg fi mỹ: “ã tỹ ũ jãvãnh kỹ fỹ nẽ, jỹ?“ he mũ. Kỹ fi tóg ag mỹ: “inh Senhor va ag tóg mũ ja nĩ,” he mũ.

João 20:15

Kỹ tóg fi mỹ: “ã tỹ ũ jãvãnh kỹ fỹ nẽ, jỹ?“ he mũ gé. Hã ra fi tóg ti to: “ti hỹn tỹ ka kré tag ki rĩr tĩ jẽ,” he mũ. Hã kỹ fi tóg ti mỹ: “ã mỹ ag tỹ hẽn kã tá ti va mũ vég tũ, vỹ?“ he mũ.

João 4:1

Kỹ Fariseu ag vỹ mẽg mũ, ũn tỹ hẽn ri ke ag tỹ Jesus mré mũ mũ ẽn ti. Ũn e ag kygpég tóg mũ gé, Jesus ti, João tỹ ũn kygpe ja ag kãfór.

João 6:23

Kỹ canoa ũ tóg ag ki junjun mũ, ẽmã tỹ Tiberíades tá kãmũ ũ. Jesus tỹ tá ẽmĩ to Topẽ mré vĩ ja ẽn tá ag tóg junjun mũ, vẽnh e tỹ ko tá ja ẽn tá.

1 Corinto 7:30

Hã kỹ ũ tỹ tag ki fỹ mũ jé ũn fỹ tũ ri ke nĩ. Ũ tỹ tag ki mỹ sér nĩ jé ũn mỹ sér vãnh ri ke nĩ.

1 Tessalônica 4:13

Inh kanhkã', sỹ nén ũ ki ãjag kanhrãn há tóg tĩ gé, ha mẽ. Ẽg mré ke ũ ag tóg hur kãgter. Kỹ fỹ mág tũg nĩ, ag jé. Jesus ki ge tũ ag ri ke han tũg nĩ. Ag ter kỹ ag tóg nén ũ há venh ke tũ nĩ. Hã kỹ ag tóg fỹ mág tĩ. Hã ra tóg ẽg mỹ ge tũ nĩ.

Hebreu 2:17

Hã jé tóg ti jãvy ag ri ke nĩ ja nĩgtĩ, Jesus ti. Tỹ tóg ẽg hã pẽ ja nĩgtĩ. Ẽg tỹ nén han mũ kar ve kãn ja ti nĩgtĩ, ẽg jagtar mré hã. Hã kỹ tóg ẽg jagfy vẽnh fẽg, kỹ tóg ẽg tỹ Topẽ vĩ mranh tỹ tũ' he ja nĩ. Topẽ tũ ki rĩr tĩ to pã'i mág vỹ tỹ ti nĩ, hã kỹ tóg ẽg jagãgtãn tĩ.

Hebreu 4:15

Ti pijé ẽg krój nỹtĩ tag ki kagtĩg nĩ'. Ki kanhró tóg nĩ mỹr. Ẽg ri ke tóg jagtar nĩ ja nĩgtĩ gé, kỹ Japo vỹ ti tỹ Topẽ vĩ mranh han sór ja nĩgtĩ gé. Hã ra tóg inhhã mranh ja tũ nĩgtĩ.