Lucas 7:12 - O Novo Testamento na língua Kaingáng

¹² Ag tỹ ẽmã jy ró jãnkã tá junjun mũ ra ag tóg tá vẽser va kãmũ nĩ. Ag tỹ vẽnh kej tá ti péjunh mũ vẽ. Ti mỹnh fi tóg ag mré tĩ nĩ. Fi kósin pir vẽ. Ti panh tóg ter ja nĩ. Kỹ ũ tỹ hẽn ri ke ag vỹ fi mré mũ nĩ, fag ke gé.

Lucas 7:12 Iomraidhean Croise

Lucas 7:11

Kỹ Jesus tóg tĩ mũ gé sir, ẽmã tỹ Naim ra. Ti mré mũ tĩ ag tóg mũ mũ gé, fag mré hã. Kỹ vẽnh e ag tóg ti nón mũ mũ gé.

Lucas 7:13

Kỹ Jesus tóg fi vég mũ, kỹ fi tóg ti mỹ jagtar nĩ. Kỹ tóg fi mỹ: “fỹ tũg nĩ,” he mũ.

Lucas 8:42

Ti kósin pir fi vỹ kaga jagy nỹ, kỹ fi kaga ẽn vỹ fi tén sór mũ. Kri prỹg tỹ 12 (ke) fi nĩ. Kỹ tóg ti mré tĩ mũ. Ti tĩg kỹ ũn e ag tóg ti nón mũ mũ.

Lucas 8:52

Hã ra ũn e fag vỹ tá nỹtĩ gé. Kygfỹ fag tóg mũ. Kỹ Jesus tóg fag mỹ: “kygfỹ tũg ra,” he mũ. “Fi pijé ter mũ'. Fi nũr vẽ,” he tóg.

João 11:19

Judeu tỹ hẽn ri ke fag vỹ Marta fi venh kãmũ ja nĩ, Maria fi ke gé, fag mré kygfỹ jé, vẽser kri.

Han Kãme 9:39

Kỹ tóg vẽsỹmér tĩ mũ. Kỹ tóg tá jun mũ. Hã ra Dorcas fi tóg ĩn to jãpry jafã tá nỹ nĩ. Pedro jun kỹ ag tóg ĩn to jãpry jafã to jãpry mũ, ti mré. Kỹ ũn mén ter ja ẽn fag kar vỹ ti to kãmũ mũ. Kygfỹ kỹ fag tóg ti mỹ fag kur venven mũ, camisa, vestido ke gé, Dorcas fi tỹ fag mỹ kugrỹn ja ẽn ti.

Han Kãme 9:41

Kỹ tóg fi nĩgé kãgmĩ kỹ fi fẽg mũ. Kỹ tóg vẽnh kar jé prẽr mũ, Topẽ tũ kar, ũn mén ter ja ẽn fag mré hã. Kỹ tóg fag mỹ fi ven mũ.

Tiago 1:27

Ẽg tỹ ẽg jóg tỹ Topẽ to há nỹtĩn kỹ, kỹ ẽg tóg tag han ke mũ, ha mẽ: ũn panh ter mũ kar jagãgtãn kãn jé ẽg tóg ke mũ, ũn mén ter ja fag ke gé, ũn jagtar fag. Kỹ ẽg tóg nén ũ vẽnhmỹ han ke tũ nĩ gé sir. Topẽ kato tẽ mũ ag jykre han ke tũ ẽg tóg nĩ gé. Kỹ ẽg tóg ti mỹ kavéj tũ nỹtĩ sir.