Lucas 6:49 - O Novo Testamento na língua Kaingáng

⁴⁹ Ãjag tỹ inh vĩ ki króm tũ nĩn kỹ tóg sir, tag ri ke nĩ, ha mẽ. Ũ tóg, ti tỹ ĩn han mũ ra krĩgmỹ ti nũna kafẽg mũ. Kỹ vãhã goj var ẽn vỹ, ti ĩn kri rũm ke mũ sir, kỹ tóg kutẽ mũ sir. Mráj kãn tóg mũ sir, ti nũna tỹ krĩgmỹ nỹtĩn kỹ. Ge ti nĩ, ũ tỹ inh vĩ jẽmẽ jãvãnh ẽn ti,” he tóg.

Lucas 6:49 Iomraidhean Croise

Mateus 23:3

Ag vĩ ki króm nĩ. Ag tỹ nén han mũ ri ke han tũg nĩ jãvo, ag jykre kórég ẽn han tũg nĩ. Ãjag kanhrãn há han ag tóg tĩ, hã ra ag tóg ki króm sór tũ nĩgtĩ.

Mateus 24:10

Kỹ ũ tỹ hẽn ri ke vỹ, isogvãnh ke mũ sir, ẽn kã. Ãjag mré ke fag tó jé ag tóg ke mũ, inh kato vãsãnsãn mũ ag mỹ, kỹ ag tóg jagnẽ to vĩ kónãn ke mũ gé.

Marcos 4:17

Hã ra ag tóg nén fy kré jãre tũ ri ke nỹtĩ, kỹ ag tóg mũ sĩ han mũ, Topẽ mré. Nén ũ jagy kutẽ kỹ ag tóg sir tovãnh mũ vẽsỹmér, ũ tỹ Topẽ tugrĩn ag kato tẽ kỹ.

Lucas 12:47

“Ti camarada ũ vỹ ti patrão kãtĩg ke jo ki rĩr há han tũ nĩgtĩ, ti patrão tỹ ti mỹ tó mũ ra. Ti vĩ ki tóg króm tũ nĩgtĩ. Kỹ tóg ti mrãnmrãn mág ke mũ.

Lucas 19:14

Hã ra ti krẽm ke ũ ag vỹ ti to há tũ nỹtĩ. Kỹ ag tóg ti nón vẽnh vĩ jẽnẽg mũ. “Ã tỹ ẽg kri tỹ pã'i nĩn kỹ tóg vẽnh mỹ nĩ. Ẽg tỹ tag ve jãvãnh tóg tĩ,” he ja ag tóg nĩgtĩ.

Lucas 19:27

“Kỹ inh kato tẽ mũ ag tatĩ kãmũm nĩ, ũ tỹ iso: “ti tỹ ẽg kri tỹ pã'i jẽn kỹ tóg ẽg mỹ kórég nĩ,” he mũ ẽn ag. Ag kãgtén ra, inh rĩnve,” he tóg, pã'i ti,” he tóg.

Lucas 6:46

“Ãjag ne tóg inh mỹ: Senhor', he tĩ'. Hã ra ãjag tóg isỹ ãjag mỹ nén tó mũ ẽn han vãnh nỹtĩgtĩ. Kỹ tóg vẽnh mỹ nỹ.

Lucas 6:48

Ũ tóg, ti tỹ ĩn han jé kũm tĩ, ga kã há tá. Kỹ tóg ti nũna gunh gunh mũ sir. Kỹ vãhã goj tóg var mũ, kỹ tóg, ĩn kri rũm ke mũ. Hã ra tóg kókég tũ nĩ, goj ti.

Lucas 7:1

Jesus tỹ vẽnh kar kanhrãn kãn kar tóg ẽmã tỹ Cafarnaum ra tĩ mũ.

João 15:2

Kỹ ãjag uva tóg pẽ ri ke nỹtĩ. Ũ tỹ inh vĩ han sór tũ ẽn ag hã vỹ tỹ uva pẽ kanẽn vãnh ẽn ri ke nỹtĩ. Ẽn kym kỹ tóg fón tĩ, inh panh ti. Kỹ tóg ũn kanẽn há han mũ ẽn ki rĩr há han tĩ, ẽn féj rógrãm tóg tĩ, ti tỹ kanẽ e han jé.

Han Kãme 20:29

Isĩg kỹ ũ ag tóg ãjag ki junjun ke mũ, kỹ ag tóg mĩg ri ke nỹtĩ, ti mẽg mãn sór kỹ, hã vỹ: Jesus ki ge kỹ nỹtĩ ag kókén sór mũ, he mũ.

Han Kãme 26:11

Ẽg vẽnh kanhrãn jafã krẽm isóg ag vóg kónãn ja nĩgtĩ gé, ag tỹ Jesus tovãnh jé, ag tỹ ti mỹ vĩ kónãn jé. Ag to sóg jũ tãvĩ ja nĩgtĩ gé, inh fe tỹ gỹm ken kỹ. Kỹ sóg ẽmã ũ ra ag nón tĩg ja nĩgtĩ gé, ag vóg kónãn jé,” he tóg, Paulo ti.

1 Tessalônica 3:5

Hã kỹ sóg Timóteo jẽnẽ, isỹ ãjag to krĩ kufy ja nĩn kỹ. “Ag mỹ Topẽ tovãnh tũ nĩ vỹ?“ he ja sóg nĩ. “Ẽg krĩn kónãn tĩ ẽn mỹ ag krĩn tũ nĩ vỹ? Ti tỹ ag krĩn kónãn kỹ sóg fagrĩnh mỹ ag mỹ tó ja nĩ mỹr',” he ja sóg nĩ.

2 Pedro 2:20

Ẽg Senhor tỹ Jesus Cristo ki kanhró ja ag tóg nỹtĩ vẽ, ẽg kren han mũ ẽn ti. Ti tugrĩn ag tóg ẽprã vẽjykre kavéj kar tovãnh ja nĩgtĩ vẽ. Hã ra ag tóg ag tỹ nén tovãnh mũ ẽn han mãn mũ, kỹ tóg tỹ ag jagrẽ nĩ mãn mũ sir. Kỹ tóg ũri kórég kãfór nĩ, ag mỹ.

1 João 2:19

Ẽg mré ke ag vẽ vẽ, hã ra ag tóg ón kỹ tỹ ẽg mré ke ja nỹtĩgtĩ. Ag tỹ tỹ ẽg mré ke pẽ nỹtĩ ra ag tóg ver ẽg mré mũnh ke mũ vẽ. Hã ra ag tóg ti tovãnh kỹ ti kato tẽ mũ ha. Hã ki tóg ve há tĩ, ag tỹ tỹ ẽg mré ke tũ nỹtĩ ti.