Lucas 6:47 - O Novo Testamento na língua Kaingáng

⁴⁷ Ãjag tỹ inh ki ge kỹ, inh vĩ ki króm kỹ ãjag tóg sir, tag ri ke nỹtĩ, ha mẽ.

Lucas 6:47 Iomraidhean Croise

Mateus 12:50

“Ũ tỹ inh panh tỹ kanhkã tá nĩ ẽn vĩ ki króm mũ ag hã vỹ tỹ, inh jãvy pẽ nỹtĩnh mũ, inh ve pẽ fag ke gé, inh mỹnh pẽ fi ke gé,” he tóg, Jesus ti.

Mateus 17:5

Pedro tỹ ver vẽmén jẽ ra kanhkã góg kókov tóg ag kri rũm ke mũ. Kỹ vãhã vẽnh vĩ tóg mẽ há tĩ', kanhkã góg ẽn kã tá, kỹ tóg: “inh kósin pir hã vẽ,” he mũ. “Ti vĩ jẽmẽ ra,” he tóg, Topẽ ti.

Lucas 11:28

Kỹ Jesus tóg fi mỹ: “hỹ,” he mũ. “Hã ra Topẽ vỹ ã ve há han ke mũ gé, ã tỹ ti vĩ mẽ kỹ ki króm kỹ,” he tóg.

Lucas 14:26

“ũ tỹ inh mré tĩg pẽ han sór mũ jé inh hã to há kãfór nĩ, ti han mũ fag kri, ti prũ fi kri, ti krẽ kri, ti kãke ag kri, ti jãvy ag kri, ti ve fag kri, vẽnh kri ke gé, mỹr, ha mẽ,” he mũ. “Ke tũ nĩ mũ ra tóg inh mré kãtĩg ke tũ nĩ, kỹ tóg tỹ inh mré ke nĩnh ke tũ nĩ gé.

Lucas 6:48

Ũ tóg, ti tỹ ĩn han jé kũm tĩ, ga kã há tá. Kỹ tóg ti nũna gunh gunh mũ sir. Kỹ vãhã goj tóg var mũ, kỹ tóg, ĩn kri rũm ke mũ. Hã ra tóg kókég tũ nĩ, goj ti.

Lucas 8:13

Kar ũ ag tóg tỹ pãró kri krãn kỹ nỹtĩ ẽn ri ke nỹtĩ gé. Mẽg ag tóg tĩ vẽ. Kỹ ag tóg: he, he tĩ. Ag mỹ tóg sér tĩ sir. Hã ra ag tóg tỹ, ẽkré jãre tũ ri ke nỹtĩ mỹr, ha mẽ. Mũ sĩ han ag tóg mũ, Topẽ mré. Nén ũ jagy kutẽ kỹ ag tóg, vãhã tovãnh mũ sir.

Lucas 8:8

Ti fy ũ tỹ tóg ga há ki krãn mũ. Kỹ tóg mur há han mũ. Kanẽn há han tóg mũ. Kanẽ tỹ 100 (ke) han tóg mũ sir, ga há ẽn ki,” he tóg. Kỹ tóg prẽr mũ. “!..Ũ nĩgrẽg nỹtĩ tỹ tỹ jẽmẽ jé..!” he tóg, prẽr kỹ, Jesus ti.

João 10:27

Inh mẽg fag vỹ inh vĩ mẽg tĩ, fag ki kanhró sóg nĩ, hã kỹ fag tóg inh mré mũgtĩ.

João 13:17

Tag ki kanhró ãjag nỹtĩ, kỹ tóg há tĩ, ãjag tỹ inh ri ke han kỹ.

João 14:15

“Ãjag tỹ iso há nỹtĩn kỹ isỹ ãjag mỹ nén tó mũ han nĩ.

João 5:40

Hã ra ãjag tóg inh ki ge sór tũ nĩ. Ãjag tỹ inh ki ge kỹ nỹtĩ ra ãjag rĩnrĩr kỹ nỹtĩnh mũ vẽ,” he tóg.

João 6:35

Kỹ tóg: “inh hã vỹ tỹ ẽmĩ ẽn ri ke?? nĩ. Inh hã vỹ ãjag rĩnrĩr han ke mũ,” he mũ. “Ũ tỹ iso kãtĩ mũ ẽn vỹ kókĩr mãn ke tũ nĩ. Ũ tỹ inh ke rã mũ vỹ goj kron mãn sór ke tũ nĩ gé,” he tóg.

João 6:37

Inh panh vỹ ũ ag kuprẽg mũ, ag tỹ tỹ isũ nỹtĩ jé. Ũ tỹ iso kãmũ kar vỹ inh mỹ há nỹtĩ. Inh pijé ũ mỹ: “inh mré kãtĩ tũg,” henh ke mũ'.

João 8:52

Kỹ Judeu ag tóg ti mỹ: “jagrẽ kórég ã nĩ,” he mũ. “Vãhã tóg ve há tĩ, ã jagrẽ kórég ti. Abraão vỹ ter, kỹ Topẽ vĩ tó tĩ ag kar vỹ kãgter. Hã ra ã tóg ón kỹ: “ãjag tỹ inh vĩ kri fi kỹ ãjag kãgter ke tũ pẽ nĩ,” he mũ.

Hebreu 5:9

Ti tỹ vẽnh kanhrãn kãn kỹ tóg ẽg kren han ki kanhró nĩ gé sir. Ẽg jagfy tóg ter ja nĩ, kỹ tóg ẽg kren han mũ, ẽg tỹ ti vĩ ki króm kỹ.

Tiago 4:17

Kỹ tag tóg vẽnhmỹ nỹ gé, sỹ tónh ke mũ tag, ha mẽ. Kejẽn ẽg tóg nén ũ há to jykrén tĩ, ẽg tỹ han jé. Hã ra ẽg tóg han tũ nĩgtĩ. Kỹ ẽg tỹ Topẽ vĩ mranh ũ vẽ gé sir, ẽg tỹ nén ũ há han sór mũ ra han tũ nĩn kỹ.

1 Pedro 2:4

Ẽg Senhor to kãmũ jẽg. Pó ri ke ti nĩ. Ðn han mũ ag tỹ pó fón mũ ẽn ri ke ti nĩ. Hã ra tóg rĩr jẽ, ẽg Senhor ti. Ag tỹ ti fón mũ ra tóg Topẽ mỹ há tãvĩ nĩ, pó kar ag há kãfór.

2 Pedro 1:10

Inh kanhkã', Topẽ vỹ ãjag kuprẽg. Kỹ vãsãnsãn, vẽnh kar tỹ ãjag jykre há tugrĩn ki kanhró nỹtĩ jé, ti tỹ ãjag kuprẽg mũ ẽn ti. Kỹ ãjag tóg tỹ prãnh kenh ke tũ nĩ, ha vem nĩ.

1 João 2:29

Ti hã ne vẽjykre kuryj hã mĩ tĩg ja nĩgtĩ'. Kỹ ũ tỹ vẽjykre kuryj han mũ vỹ tỹ ti kósin nĩ.

1 João 3:7

Inh krẽ', ker ũ tỹ ãjag krĩn kónãn sór mũ vĩ jẽmẽ hẽ'. Ũ tỹ vẽjykre kuryj han mũ ẽn hã vỹ kuryj nĩ, Topẽ kuryj nĩ ẽn ri ke.

Nén Venh Ke 22:14

“Ũ ag tóg ag jykre kugrynh sór tĩ. Hã kỹ ag tóg ẽg tỹ ẽg kur kygfa ri ke han tĩ. Ẽn ag mỹ tóg vĩ há han ke mũ, Topẽ ti. Ka kanẽ tỹ ẽg rĩnrĩr han tĩ ẽn ko jé ag tóg ke mũ. Kỹ ag tóg ẽmã ẽn jãnkã ra genh ke mũ gé.