Lucas 6:45 - O Novo Testamento na língua Kaingáng

⁴⁵ Ge tóg nỹgtĩ, ẽg jykre ti. Ẽg jykre há nĩn kỹ ẽg tóg, nén ũ há kar to jykrén tĩ. Kỹ ẽg tóg, jagnẽ krĩn há han tĩ gé sir. Jãvo ẽg tỹ jykre kórég nĩn kỹ ẽg tóg, nén ũ kórég kar to jykrén tĩ. Kỹ ẽg tóg, jagnẽ krĩn kónãn tĩ gé sir. Hỹ, ge ti nĩgtĩ. Ẽg tỹ nén to jykrén tĩ ẽn hã kãmén ẽg tóg tĩ, jagnẽ mỹ,” he tóg.

Lucas 6:45 Iomraidhean Croise

João 7:38

“!..Topẽ vĩ ki tag vỹ rán kỹ nĩ, ha mẽ: !..ãjag tỹ inh ki ge kỹ tóg ãjag kã ki goj ror han ke mũ, isỹ ãjag mỹ goj nĩm ke ti.. !..kỹ goj tag vỹ ãjag rĩnrĩr pẽ han ke mo..!“ he tóg.

Han Kãme 5:3

Kỹ Pedro tóg ti mỹ: “Satanás hã ne tóg ã krĩn ja nĩ', hã ra ã tóg ti mỹ: nejé, he ja tũ nĩ,“ he mũ. “Hã kỹ ã tóg Topẽ kuprĩg mỹ ón. Hã kỹ ã tóg ti kaja vẽnh kãpóv péju kỹ nĩm ja nĩ',” he tóg.

Éfeso 3:8

Topẽ tũ kãsir ag kar jakrẽm inh nĩ, hã ra tóg isar han, sỹ fóg ag mỹ, kanhgág ag mỹ Cristo kãmén jé. Cristo tugrĩn tóg ẽg mỹ nén ũ há tãvĩ han ke mũ. Hã tó sóg tĩ, vẽnh kar mỹ.

Éfeso 4:29

Vẽnh vĩ kórég tó sór tũg nĩ. Nén ũ há hã tỹ vẽmén nĩ, ãjag tỹ ãjag vĩ tỹ jagnẽ tar han jé, ãjag tỹ jagnẽ jykre kurynh jé.

Éfeso 5:19

Jagnẽ mré Topẽ tỹ jãn nĩ. Ẽg Senhor jé tóm nĩ. Ti kuprĩg vỹ ẽg kanhrãn tĩ gé, ẽg tỹ ẽg Senhor mỹ nén tó sór mũ to, ẽg tỹ ti tỹ jãn há han jé. Ẽg tỹ ti mỹ: “há kar ti nĩ,” henh ke vẽ gé.

Colossos 3:16

Cristo vĩ hã tỹ jagnẽ mỹ tóm nĩ, hã ki kanhrãn sórm nĩ. Tag tỹ jagnẽ jyvẽn nĩ, tag hã to krĩ há han nĩ. Ti mỹ jãn nĩ. Ti jé hã tóm nĩ, ti kuprĩg tỹ ãjag mỹ nén tó mũ ti. Ti hã mỹ vĩ há han nĩ. Ti mỹ: “inh mỹ tóg há tĩ, ã tỹ inh mỹ nén han mũ ti,” hem nĩ.

Colossos 4:6

Nén ũ há tỹ vẽmén nĩ, vẽnh kar mỹ sér tĩ jé, ag tỹ ãjag vĩ mẽn kỹ. Kỹ ãjag tóg vẽnh kar mỹ kãmén há han ki kanhró nỹtĩnh mũ.

Hebreu 8:10

“Hã ra sóg vãhã ag mỹ vẽjykre tãg han sór mũ, povo tỹ Israel ag mỹ, ha mẽ,” he tóg. “Ag krĩ tỹ ag tóg isỹ ag jyvẽn mũ ẽn ki kanhrãn ke mũ. Kỹ ag tóg han sór ke mũ gé, ti tỹ ag fe kã kã nĩn kỹ. Ag Topẽ vỹ tỹ inh nĩnh mũ. Kỹ ag tóg tỹ inh krẽ nỹtĩnh ke mũ gé.

Judas 1:15

Ti kãtĩg kỹ tóg ẽprã ke ag jykre tugnỹm kãn ke mũ. Kỹ tóg ũn jykre pãno ag vóg kónãn ke mũ, ag jykre pãno to, ag tỹ Topẽ kato tẽ to, ag tỹ ti to vĩ kónãn to. Ũ tỹ ti vĩ mranh tĩ ag vỹ ti mỹ vĩ kónãn pẽ han tĩ, hã kỹ tóg ag vóg kónãn ke mũ,” he ja tóg nĩ, Enoque ti.