Lucas 6:44 - O Novo Testamento na língua Kaingáng

⁴⁴ Ẽg tỹ ti kanẽ ve kỹ ẽg tóg: ũn kanẽ ko há ja vẽ, henh ke mũ. Ke tũ nĩn kỹ ẽg tóg: ũn kanẽ ko vãnh ja vẽ, henh ke mũ. Sónh to ẽg tóg, pẽnva vég tũ nĩgtĩ mỹr', kar ẽg tóg, vãnh tỹ jóhó to uva vég tũ nĩgtĩ gé.

Lucas 6:44 Iomraidhean Croise

Mateus 12:33

“Ẽg tỹ ka kanẽ ko há krãn kỹ ti kanẽ vỹ, ko há nĩ, ẽg tỹ ka kanẽ ko vãnh krãn kỹ ti kanẽ vỹ, ko kórég nĩ gé. Ẽg tỹ ti kanẽ ve kỹ ẽg tóg: “ũn kanẽ ko vãnh ja vẽ,” he tĩ. Ge ti nĩgtĩ, ẽg jykre ti. Ũn jykre há tóg há nĩ, jãvo ũn jykre kórég tóg kórég nĩ gé.

Mateus 7:16

Ãjag tỹ ag jykre tugnỹm kỹ ãjag tóg, ag tỹ Topẽ vĩ mranh mũ ẽn ki kanhró nỹtĩ, fag ke gé. Ha vé, vãnh tỹ jóhó ki ẽg tóg, uva vég tũ nĩgtĩ mỹr. Kỹ ẽg tóg sónh ki pẽnva vég tũ nĩgtĩ gé.

Mateus 7:20

Ge ag nỹtĩ, ón kỹ Topẽ vĩ tó tĩ ag. Ag tỹ Topẽ vĩ mranh mũ ra ag tóg, ón kỹ Topẽ vĩ tó tĩ. Ag tỹ nén han mũ ki ẽg tóg, ag jykre kórég vég mũ, fag ke gé“ he tóg, Jesus ti.

Tiago 3:12

Kỹ ka kanẽ to jykrén nĩ gé. Ka tỹ pẽnva ki ẽg tóg jymi vég tũ nĩgtĩ mỹr. Pir ti nĩ, ka kanẽ ti. Ge ti nĩ gé, goj ti. Ti kajã nĩn kỹ tóg kajã nĩ gé. Kỹ gem nĩ gé, ãjag nũnẽ tỹ. Vĩ pir han nĩ.

Judas 1:12

Ãjag tỹ Jesus ki ge kỹ jagnẽ to há nỹtĩn kỹ ãjag tóg igreja krẽm fénhta han tĩ. Ẽn kã ag tóg ãjag mré jẽg tĩ gé, ũ tỹ Topẽ to ón tĩ ag. Hã ra ag tóg ki ãjag kavénh tĩ gé. Jatun mỹ ag tóg jẽn mág tĩ. Mỹ'ãg vãnh ag nỹtĩ. Ũ to jykrén vãnh ag tóg nỹtĩ gé. Ãjag jẽn mág hã mĩ ag tóg ẽkrég tĩ. Kejẽn kãka tóg kanhkã góg sá tatĩn kãtĩ tĩ. Hã ra tóg kutẽ tũ nĩgtĩ, ta ti. Tag ri ke ag nỹtĩ. Véké ag tóg vĩ tĩ. Ka ũ tóg kanẽn vãnh nỹtĩ. Ẽn kunũg ẽg tóg tĩ, ti jãre mré hã. Kỹ tóg kanẽn mãn ke tũ pẽ nĩ sir. Tag ri ke ag tóg nỹtĩ gé, ũ tỹ Topẽ to ón mũ ag.