Lucas 6:30 - O Novo Testamento na língua Kaingáng

³⁰ Ũ tỹ ãjag mỹ nén ũ to: “inh mỹ nĩm, hen kỹ ti mỹ nĩm nĩ. Ũ tỹ ãjag tỹ nén ũ mãn kỹ ti mỹ: “inh mỹ isũ nĩm,” he tũg nĩ.

Lucas 6:30 Iomraidhean Croise

Mateus 18:35

“Hã han jé tóg ke mũ, inh jóg tỹ kanhkã tá nĩ ti, ãjag tỹ ãjag régre ag mỹ vẽnh pãte fón pẽ han sór tũ nĩn kỹ, ag tỹ kygnẽ ja ti,” he tóg.

Mateus 5:39

Sỹ ũri ãjag jyvẽn mũn hã vẽ, ha mẽ: ũ tỹ ã to jũ mũ ra ti to jũ tũg nĩ, fi to jũ tũg nĩ gé. Ti tỹ ã jamẽ ki tãnh kỹ ti mỹ ã jamẽ ũ ven nĩ gé, ti tỹ ã mỹ ki tãnh jé gé, fi ke gé.

Mateus 6:12

Kỹ ẽg mỹ vẽnh pãte fón nĩ, ẽg tỹ ã vĩ mranh ja ti. Hã jé ẽg tóg, ẽg tỹ jagnẽ to jũ tỹ jagnẽ mỹ vẽnh pãte fón ke mũ gé.

Lucas 11:41

Ũ jagãgtãn ra, ãjag tỹ nén ũ tỹ. Vẽjykre há kar han ra, kỹ tóg ãjag tỹ nén ũ kar jãnhkri nĩ ri ke nĩ sir,” he tóg.

Lucas 12:33

Ãjag tỹ nén kar vin nĩ, ũn vẽsỹrénh mũ ag mỹ. Kỹ ãjag tóg kanhkã tỹ tỹ nén ũ mág nỹtĩnh mũ. Tá ãjag kuge tóg tũ' he mãn ke tũ nĩ. Tag ki ẽg tóg ẽg jãnkamy fón tĩ, nén ũ kar to. Tá tóg tũ' he jãvãnh nĩ, ẽg kuge ti. Tá ũ tóg péjunh kãtĩg ke tũ nĩ gé, tá ti ga tóg kagranh ke tũ nĩ gé.

Lucas 18:22

Kỹ tóg ti mỹ: “nén ũ pir vỹ tũ nĩ ver,” he mũ. “Ã tũ vãm kãn nĩ, ã tỹ ũn jagtar ag mỹ vin jé, jãnkamy ti. Kỹ ã tóg kanhkã tá tũ mág nĩnh mũ sir. Kar kãtĩg nĩ, ã tỹ inh mré tĩg jé,” he tóg.

Lucas 6:29

Ũ tỹ ãjag jamẽ ki tãnh kỹ ti mỹ ãjag jamẽ ũ ven nĩ gé, ti tỹ ãjag mỹ ki tãnh jé gé. Ũ tỹ ãjag pãritó mãn sór kỹ ti mỹ ãjag camisa mré nĩm nĩ gé.

Lucas 6:31

Ãjag tỹ ũ to: “ti tỹ inh mỹ tag han ra tóg há tĩ vẽ,” hen kỹ inhhã ti mỹ han nĩ, fi mỹ ke gé,” he tóg.

Lucas 6:38

Ag mỹ nén ũ há kar nĩm nĩ, kỹ Topẽ vỹ ãjag mỹ nén ũ há kar nĩm ke mũ gé sir, hã ra tóg ãjag mỹ ẽn kãfór nĩm ke mũ, nén ũ há kar tỹ. Hỹ, ge ti nĩ. Ãjag tỹ ũ mỹ nén ũ há han kỹ Topẽ vỹ ãjag mỹ nén ũ há han ke mũ gé. Ãjag tỹ ũ mỹ nén ũ kórég han kỹ tóg ãjag mỹ hã ri ke han ke mũ gé,” he tóg.

Han Kãme 20:35

Hã ki sóg ãjag mỹ Jesus jykre ti ven mũ. Ẽg tỹ ẽg rãnhrãj ki ẽg tũ ven kỹ ẽg tóg ũn krónhkrój ag mỹ nén ũ vin ke mũ gé, ẽg tỹ ti jykre han kỹ. Ẽg Senhor tỹ Jesus vĩ mĩ sóg ẽkrég tĩ. Ti hã tóg ẽg mỹ tag tó ja nĩgtĩ, kỹ tóg: “ũ tỹ ẽg mỹ nén ũ nĩm kỹ tóg pãgsĩ nĩ. Ẽg tỹ ũ mỹ ẽg tũ nĩm kỹ tóg hã ra há nĩ,” he ja nĩgtĩ, Jesus ti,” he tóg, Paulo ti.

2 Corinto 8:9

Ha vé, ẽg Senhor tỹ Jesus Cristo vỹ ẽg jagãgtãn ja nĩ gé. Kanhkã tá ti riko nĩ ja nĩgtĩ, hã ra tóg ti tỹ nén ũ ẽn tovãnh kãn. Ti tỹ ẽg jagfy jagtar tĩ jé tóg kãtĩg. Kỹ ẽg tóg ti jagtar tugrĩn riko nỹtĩ sir.

Éfeso 4:28

Vãsỹ ãjag kã mĩ ũ vỹ ũ tỹ nén ũ pigju mẽ ja nĩgtĩ. Kỹ ẽn han mãn tũg nĩ. Ãjag rãnhrãj nón ãjag mũnh ke mũ ũri, ãjag tỹ ãjag rãnhrãj to nén ũ kar ve jé. To vãsãn nĩ, ti tỹ ãjag mỹ kén jé, ãjag tỹ tỹ ũn jagãgtar ag jagãgtãn jé.