Lucas 6:28 - O Novo Testamento na língua Kaingáng

²⁸ Ũ tỹ ãjag mỹ vĩ kónãn mũ ag mỹ vĩ há han nĩ gé. Ũ tỹ ãjag mỹ féfén mũ ag to Topẽ mré vĩm nĩ gé.

Lucas 6:28 Iomraidhean Croise

Mateus 5:44

Isỹ ũri ãjag jyvẽn hã vẽ, ha mẽ: ũ tỹ ãjag kato vãsãnsãn mũ ag to há nỹtĩm nĩ, ũ tỹ ãjag vóg kónãn mũ ra ag to Topẽ mré vĩm nĩ, fag to ke gé.

Lucas 23:34

Kỹ Jesus vỹ: “panh', ag mỹ vẽnh pãte fón nĩ,” he mũ. “Ag pijé ki kanhró nỹtĩ', ag tỹ nén han mũ tag ki,” he tóg. Kỹ soldado ag tóg ti kur tỹ jagnẽ mỹ vẽnh ken mũ, to ag tóg joga he mũ sir.

Lucas 6:27

“Ũ tỹ ãjag kato vãsãnsãn mũ ẽn ag to fe nỹtĩm nĩ, inhhã. Ũ tỹ ãjag to jũ mũ ag mỹ nén ũ há han nĩ jãvo.

Lucas 6:35

Ag jãvo ũ tỹ ãjag kato vãsãnsãn mũ ag to há nỹtĩm nĩ, ha mẽ. Vẽnh kar mỹ prestar hem nĩ, ag tỹ ãjag mỹ ãjag tũ nĩm tũ hã ra. Kỹ ãjag tóg kanhkã tá venh ke mũ, ãjag tỹ ũri nén han mũ tag ri ke ti. Hã ki ãjag tóg tỹ Topẽ krẽ nỹtĩ, ãjag tỹ ti ri ke han kỹ. Ti hã ne vẽnh kar mỹ vĩ há han kãn tĩ ver', ũn jykre kórég kar ag mré hã.

Han Kãme 14:5

Kỹ Judeu ag tóg fóg ag mré jykrén mũ, fóg tỹ pã'i ag mré, ag tỹ Paulo ag vóg kónãn jé, ag tỹ pó tỹ ag pin jé.

Han Kãme 7:60

Kỹ tóg ti jakrĩ tỹ jẽ kỹ prẽr mũ: “!..inh Senhor'..! !..Ag tỹ inh pin tỹ ag mỹ vẽnh pãte fón ne..!“ he tóg mũ. Kar kỹ tóg hun ke kỹ ter mũ sir.

Roma 12:14

Kejẽn ũ tóg ãjag vóg kónãn sór mũ. Ẽn to Topẽ mỹ: “ti jagãgtãn nĩ,” hem nĩ. Ti to: “ti vóg kónãn nĩ,” he tũg nĩ.

1 Corinto 4:12

Ron sóg tĩ gé, sỹ inh rãnhrãj ki ijẽn ven jé. Ag tỹ iso é he mũ ra sóg ag mỹ nén ũ há tó tĩ, Topẽ tỹ ag mỹ han jé. Ag tỹ inh vóg kónãn kỹ sóg ag mỹ vẽnh nenh tũ nĩgtĩ.

Tiago 3:10

Ẽg jẽn kã tá tóg kãkutẽ tĩ, ẽg vĩ há ti, ẽg vĩ kónãn ti ke gé. Pir ti nĩ, ẽg jẽnky ti, hã ra ẽg tóg tỹ vĩ régre han tĩ. Tag vỹ kórég tãvĩ nĩ, inh kanhkã'.

1 Pedro 3:9

Ũ tỹ ãjag mỹ nén ũ kórég han mũ ra ti mỹ nén ũ kórég han tũg nĩ. Ũ tỹ ãjag mỹ vĩ kónãn mũ ra ti mỹ vĩ kónãn tũg nĩ gé. Vẽnh kajãm sór tũg nĩ. Vẽnh kar to Topẽ mỹ: “ag ve há han nĩ,” hem nĩ. Topẽ vỹ ãjag ve há han sór mũ, hã jé tóg ãjag kuprẽg.