Lucas 6:25 - O Novo Testamento na língua Kaingáng

²⁵ “Topẽ vỹ ãjag ve kónãn mũ, ti tỹ ón kỹ ãjag mỹ sér tĩn kỹ, ẽprã, ãjag tỹ vẽjykre kuryj ve sór tũ nỹtĩn kỹ, ti tỹ ãjag mỹ ãjag kókĩnkĩr ri ke tũ nĩ kỹ, ẽprã. Kỹ ãjag tóg venh ke tũ nĩ. Vẽsỹrénh jé ãjag tóg ke mũ. Kỹ tóg ãjag kókĩnkĩr ri ke tĩnh mũ, tá. Kygfỹ jé ãjag tóg ke mũ,” he tóg.

Lucas 6:25 Iomraidhean Croise

Lucas 12:20

Hã ra Topẽ tóg ti mỹ: “krĩ tũ ã nĩ,” he mũ. “Kuty tag kã ã tóg ter ke mũ ha. Kỹ ã tũ mág tag vỹ tỹ, ũ tũ nĩnh ke mũ ha? Ma tĩg ke tũ ã tóg nĩ,” he tóg ti mỹ, Topẽ ti,” he tóg.

Lucas 13:28

Ãjag tỹ ra mũnh ke tá ãjag tóg vẽsỹrénh ke mũ, tá ãjag tóg ãjag jã tỹ gángán kenh ke mũ. Kór há tá ãjag tóg Abraão venh ke mũ, tá, Isaque ke gé, Jacó ke gé, Topẽ vĩ tó tĩ ag kar ke gé. Ẽn ag kar vỹ, Topẽ tỹ tỹ ẽg pã'i nĩ venh mũ sir, ãjag jãvo.

Lucas 6:24

“Hã ra Topẽ vỹ ãjag ve kónãn mũ, ãjag tỹ: “há ẽg tóg nỹtĩ,” hen kỹ. Ga kri mũn kỹ ãjag tóg nén ũ há vég tĩ, kỹ ãjag tóg kanhkã tá jun ke tũ nĩ,” he tóg.

Lucas 6:26

“Topẽ vỹ ãjag ve kónãn mũ, vẽnh kar tỹ ãjag to vĩ há han mũn kỹ. Ãjag mỹ ti há tĩ, hã ra tóg Topẽ mỹ kórég nĩ. Ge ja ag tóg nĩgtĩ, ũ tỹ ãjag mỹ vĩ há han mũ ag jógjóg ag, ón kỹ Topẽ vĩ tó tĩ ẽn ag mỹ, vãsỹ. Ag mỹ ag tóg vĩ há han ja nĩgtĩ gé. Ag ri ke ãjag tóg nỹtĩ, vẽnh kar tỹ ãjag mỹ vĩ há han kỹ. Hã kỹ tóg ãjag ve kónãn mũ, Topẽ ti,” he tóg.

Lucas 8:53

Hã ra fag tóg ti to é he mũ. Fi ter ki kanhró fag tóg nỹtĩ, hã kỹ fag tóg ti nyg mũ. Hã ra tóg fag mỹ: “re ra pajẽg,” he mũ.

Éfeso 5:4

Kỹ jagnẽ mỹ vĩ kónãn tũg nĩ. Jagnẽ to vĩ kónãn tũg nĩ gé. Fagrĩnh mỹ vĩ tũg nĩ gé. Nén ũ kavéj tỹ vẽmén tũg nĩ gé. Ẽg tỹ tag tó kỹn pijé há nĩ', ẽg tỹ tỹ Topẽ krẽ nỹtĩn kỹ. Ẽg tỹ nén tónh ken hã vẽ, ha mẽ: “ã tỹ inh mỹ nén jẽnẽg mũ tóg inh mỹ há kar nỹtĩ,” he jé ẽg tóg ke mũ, Topẽ mỹ vĩ há han kỹ.

1 Tessalônica 5:3

Ti to há tũ ag vỹ: “jatun mỹ ẽg nỹtĩ. Ũ vỹ ẽg vóg ke tũ nĩ,” henh ke mũ. Ag tỹ tag tó mũ ra tóg vãhã kãtĩg mũ. Kỹ ag tóg nũgme ki vár ke mũ sir. Ag tỹ to jykrén tũ hã ra ti kãtĩg kỹ ag tóg krenkren ke tũ pẽ nĩ, ha vem nĩ.

Tiago 4:9

Ãjag tỹ Topẽ vĩ mranh kỹ mỹ jagy nỹtĩm nĩ. Vẽsỹrénh nĩ, fỹm nĩ, ny mãn tũg nĩ. Fe kaj nỹtĩm nĩ. To krĩ kufy nỹtĩm nĩ. Mỹ sér tũ nỹtĩm nĩ, ãjag tỹ Topẽ vĩ mranh kỹ.

Nén Venh Ke 3:17

Vẽso ãjag tóg: “riko ẽg nỹtĩ, há ẽg nỹtĩ, nén ũ tóg ẽg mỹ tũ' he tũ pẽ nĩ,” he tĩ. Hã tũ tó ãjag tóg tĩ. Jagtar ãjag tóg nỹtĩ, mỹr, ha mẽ. Tỹ nén tũ ãjag tóg nỹtĩ. Jykre kórég ãjag tóg nỹtĩ. Kur tũ ãjag tóg nỹtĩ. Kyvó ãjag tóg nỹtĩ. Hã ra ãjag tóg ki kagtĩg nỹtĩ, ãjag kórég nỹtĩ tag ki.