Lucas 6:21 - O Novo Testamento na língua Kaingáng

²¹ “Topẽ vỹ ãjag ve há han mũ, ãjag tỹ: inh kókĩr ri ke tóg tĩ, sỹ vẽjykre kuryj ve sór tĩ ẽn ti, hen kỹ. Kỹ ãjag tóg venh ke mũ,” he tóg. “Topẽ vỹ ãjag ve há han mũ, ãjag vẽsỹrénh mũn kỹ, ẽprã. Ãjag mỹ tóg sér tĩnh mũ, tá,” he tóg.

Lucas 6:21 Iomraidhean Croise

Mateus 5:4

“Topẽ vỹ ãjag ve há han mũ, ãjag fỹn kỹ. Kỹ tóg ãjag fỹ ẽn tỹ tũ' henh ke mũ,” he tóg.

Mateus 5:6

“Topẽ vỹ ãjag ve há han mũ, ãjag tỹ vẽjykre kuryj ve sór nỹtĩn kỹ, ti tỹ ãjag mỹ ãjag kókĩr ri ke nĩn kỹ. Kỹ ãjag tóg venh ke mũ,” he tóg.

Lucas 1:53

Ũn jagtar ag mỹ tóg nén ũ há kar vin tĩ, ũ tỹ ti vĩ mẽ sór mũ ẽn ag kar mỹ. Ũn riko ag mỹ tóg: ha mũ jẽg, he tĩ. Kỹ tóg ag mỹ nén ũ nĩm tũ nĩgtĩ, kỹ ag tóg jagtar nỹtĩ ha, ũ tỹ ti vĩ mẽ jãvãnh ẽn ag, fag ke gé.

Lucas 6:20

Kỹ tóg ti mré mũ tĩ ag ki ẽvãnh mũ, kỹ tóg ag mỹ: “Topẽ vỹ ãjag ve há han mũ, ãjag tỹ: “kórég ẽg tóg nỹtĩ,” hen kỹ,” he mũ. “Kỹ ãjag tóg Topẽ tỹ tỹ ẽg pã'i nĩ venh ke mũ,” he tóg.

Lucas 6:22

“Topẽ vỹ ãjag ve há han mũ, ag tỹ isugrĩn ãjag to kórég nỹtĩn kỹ, ãjag mỹ: “ha mũ jẽg, hen kỹ. Ag tỹ isugrĩn ãjag mỹ vĩ kónãn kỹ tóg há tĩ, ag tỹ ón kỹ ãjag jykre kórég tó kỹ. Tỹ sóg ẽprã ke fi kósin nĩ mỹr,” he tóg.

Lucas 6:25

“Topẽ vỹ ãjag ve kónãn mũ, ti tỹ ón kỹ ãjag mỹ sér tĩn kỹ, ẽprã, ãjag tỹ vẽjykre kuryj ve sór tũ nỹtĩn kỹ, ti tỹ ãjag mỹ ãjag kókĩnkĩr ri ke tũ nĩ kỹ, ẽprã. Kỹ ãjag tóg venh ke tũ nĩ. Vẽsỹrénh jé ãjag tóg ke mũ. Kỹ tóg ãjag kókĩnkĩr ri ke tĩnh mũ, tá. Kygfỹ jé ãjag tóg ke mũ,” he tóg.

João 11:35

Kỹ Jesus tóg fỹ mũ.

João 4:10

Kỹ tóg fi mỹ: “Topẽ tỹ ã mỹ nén han sór mũ tag ki kagtĩg ã nĩ ver,” he mũ. “Kỹ ã tóg inh ki kagtĩg nĩ gé. Ã tỹ inh mỹ: “inh mỹ goj nĩm,” henh ke vẽ vẽ, kỹ sóg ã mỹ goj ror tỹ goj nĩm ke mũ vẽ,” he tóg mũ.

João 6:35

Kỹ tóg: “inh hã vỹ tỹ ẽmĩ ẽn ri ke?? nĩ. Inh hã vỹ ãjag rĩnrĩr han ke mũ,” he mũ. “Ũ tỹ iso kãtĩ mũ ẽn vỹ kókĩr mãn ke tũ nĩ. Ũ tỹ inh ke rã mũ vỹ goj kron mãn sór ke tũ nĩ gé,” he tóg.

1 Corinto 4:11

Hã kỹ sóg kókĩr mũ, ũri. Kur tũ sóg nĩ gé. Iso kry ag tóg ke gé. Jamã tũ sóg nĩ gé.

2 Corinto 11:27

Rãnhrãj mág to inh jagtar tĩ ja nĩgtĩ gé. To sóg ron tĩgtĩ. Kỹ sóg nũr tũ tỹ hẽn ri ke han tĩ ja nĩ gé. Kejẽn sóg kókĩr tĩ ja nĩ. Kejẽn sóg goj vég tũ nĩgtĩ. Kusa mẽg sóg tĩ. Kur tóg inh mỹ tũ' he tĩ gé.

2 Corinto 12:10

Hã kỹ inh krój nĩ tóg inh mỹ sér tĩ, ag tỹ iso vĩ kónãn ti ke gé, inh jagtar nĩ ti ke gé, ag tỹ inh vóg kónãn ti ke gé, inh kanẽ jur ti ke gé. Inh mỹ tóg sér kar tĩ, sỹ Cristo hã tỹ fe nĩn kỹ. Inh krój nĩ ẽn kã sóg tar nĩ, mỹr, ha mẽ.

2 Corinto 6:10

Inh fe kaj tóg tĩ. Ge ra tóg inh mỹ sér tĩ. Jagtar sóg tĩ. Hã ra sóg ũ tỹ hẽn ri ke ag jagãgtãn tĩ, ag mỹ Topẽ vĩ tón kỹ. Nén ũ tỹ isóg tũ tũ nĩ. Hã ra Topẽ tỹ ẽg mỹ nén nĩm mũ ẽn kar vỹ tỹ isũ nỹtĩ.

Tiago 1:12

Kejẽn ũ tóg Jesus tugrĩn ẽg to jũ nĩ. Ẽg tỹ hã ra Topẽ tovãnh tũ nĩn kỹ tóg há tĩ. Kỹ ẽg Senhor tóg ẽg mỹ ẽg rĩr krỹg ja tũ ven ke mũ. Kỹ tóg ũ tỹ carreira ki ka féj tỹ coroa gỹjỹ he mũ ẽn ri ke nĩ sir. Ẽg Senhor vỹ ẽg mỹ: “rĩr krỹg ja tũ ve jé ãjag tóg ke mũ, ãjag tỹ iso há nỹtĩn kỹ,” he ja nĩgtĩ.

Nén Venh Ke 21:3

Nĩgja kupri ẽn tá vẽnh vĩ tóg mẽ há tĩ, kỹ tóg: “Topẽ tỹ ẽprã ke ag mré ẽmãn hã vẽ,” he mũ. “Ag mré tóg nĩ nĩ ha. Ti tũ vỹ tỹ ag nỹtĩnh ke mũ ha. Topẽ vỹ ag mré nĩnh mũ ha, kỹ tóg tỹ ag Topẽ nĩ sir.

Nén Venh Ke 7:16

Ag pijé kókir mãn ke mũ'. Ag pijé og'og sór mãn mũ'. Rã vỹ ag pũn mãn ke tũ nĩ ha, nén ũ gru ke gé,