Lucas 6:18 - O Novo Testamento na língua Kaingáng

¹⁸ Kỹ tóg ũn jagrẽ kórég ag tỹ há' he mũ, ag jagrẽ kórég pan kỹ, fag mré hã.

Lucas 6:18 Iomraidhean Croise

Mateus 15:22

Ti tỹ tá jun kỹ fóg ũ fi tóg ti venh kãtĩ mũ. Ga tỹ Canaã tá ke fi vẽ. Kỹ fi tóg Jesus tá jun kỹ prẽr mũ. “!..Senhor, Davi krẽ'krẽ..!“ he fi tóg. “!..Inh jagãgtãn ra..!“ he fi tóg. “!..Inh kósin fi vỹ jagrẽ kórég tãvĩ nĩ, inh mỹ tóg ã tỹ fi mỹ kutẽm há tĩ..!“ he fi tóg, prẽr kỹ.

Mateus 17:15

“Senhor,” he mũ. “Inh kósin jagãgtãn nĩ. Ter tĩ han tĩ tóg nĩgtĩ, to tóg jagtar tĩ. Kejẽn tóg pĩ ki kutẽ tĩ, ter tĩ ẽn han kỹ, kejẽn tóg goj ki kutẽ tĩ gé.

Lucas 6:17

Kỹ Jesus tóg ag mré pãnónh ẽn tá kãtére mũ sir, kỹ tóg kyjer tá jẽ nĩ. Ti mré mũ tĩ tỹ hẽn ri ke ag vỹ tá nỹtĩ gé, fag ke gé. Ũ tỹ hẽn ri ke ag vỹ ti ki junjun ja nĩgtĩ, ga tỹ Judéia tá kãmũ kỹ, ẽmã tỹ Jerusalém tá ke gé, ẽmã tỹ Tiro tá ke gé, Sidom tá, goj kafã tũ fyr tá kãmũ kỹ ke gé. Hã kỹ tóg fór pẽ tãvĩ nĩ.

Lucas 6:19

Kỹ vẽnh kar vỹ ti kã krỹ' he sór mũ sir, hã jé ag tóg ti ki junjun mũ. Kỹ ũ tỹ ti kã krỹ' he mũ ẽn ag vỹ há' he kãn mũ, ti tỹ ti jykre tar tỹ ag tỹ há' hen kỹ.

Han Kãme 5:16

Ũ tỹ hẽn ri ke ag tóg Jerusalém tá vẽnh mãn mũ, ẽmã kar tá kãmũ ẽn ag. Ũn kagyga ag gé ag tóg kãmũ mũ, ũn jagrẽ kórég ag ke gé. Kỹ ag tóg hághá' he kãn mũ sir.