Lucas 6:15 - O Novo Testamento na língua Kaingáng

¹⁵ Mateus ke gé, Tomé ke gé, Tiago ke gé, Alfeu kósin tag ti, Simão ke gé, ag tỹ ũ to: Zelote, he mũ tag ti,

Lucas 6:15 Iomraidhean Croise

Mateus 9:9

Kỹ Jesus tóg ti jamã tá kã kutẽ kỹ tĩ mũ sir. Kỹ tóg Mateus vég mũ. Governo mỹ tóg jãnkamy mãg tĩ, imposto kaja ti, kỹ tóg ti rãnhrãj han nĩ nĩ. Kỹ tóg ti mỹ: “inh mré kãtĩg,” he mũ. Kỹ tóg jẽgnẽ kỹ ti mré tĩ mũ sir.

Marcos 2:14

Ti tĩg mãn kỹ tóg Levi vég mũ, Alfeu kósin. Hã ra tóg ti rãnhrãj han nĩ nĩ. Governo mỹ tóg imposto kaja mãg tĩ. Kỹ Jesus tóg ti mỹ: “inh mré kãtĩg,” he mũ. Kỹ tóg jẽgnẽ kỹ ti mré tĩ mũ sir.

Marcos 3:18

André ke gé, Filipe ke gé, Bartolomeu ke gé, Mateus ke gé, Tomé ke gé, Tiago ke gé, Alfeu kósin tag ti, Tadeu ke gé, Simão ke gé, ag tỹ ũ to: Zelote, he mũ tag ti,

Lucas 5:27

Kar kỹ tóg tĩg mãn mũ. Kỹ tóg ũ tỹ governo mỹ imposto kaja mãg tĩ vég mũ, ti jiji hã vỹ: Levi, he mũ. Ti rãnhrãj han tóg nĩ nĩ. Kỹ tóg ti mỹ: “inh mré kãtĩg,” he mũ.

Lucas 6:14

Ag hã vẽ, ha mẽ: Simão, ti jiji ũ hã vỹ: Pedro, he mũ, ti jãvy tỹ André ke gé, Tiago ke gé, ti jãvy tỹ João mré, Filipe ke gé, Bartolomeu ke gé,

Lucas 6:16

Judas ke gé, Tiago kósin tag ti, Judas Iscariotes ke gé, ũ tỹ Jesus vatánh tá pã'i ag mỹ ti kãmén ke mũ tag ti.

João 11:16

Kỹ Tomé he mũ ẽn, ag tỹ ũ to: “ũn vẽgni,” he tĩ ẽn vỹ ti mré mũ tĩ ag mỹ: “mũ jé ha, ti mré, ẽg tỹ ti mré kãgter jé,” he mũ. Kỹ ag tóg mũ mũ sir.

João 20:24

Hã ra Tomé vỹ ag mré nĩ ja tũ nĩ, ag tỹ Jesus vég mũ ẽn kã. Tomé ẽn vẽ, ag tỹ ũ to: “ũn vẽgni,” he mũ ẽn, Jesus mré tĩ tĩ ũ ẽn ti.

Han Kãme 1:13

Ũ tỹ tá kãmũ mũ ag hã vẽ, hã vỹ: Pedro, João, Tiago, André, Filipe, Tomé, Bartolomeu, Mateus, Tiago ũ, Alfeu kósin ẽn, Simão, Judas ũ, Tiago kósin ẽn, he mũ, Jesus tỹ ũn vin mũ ẽn ag.

Han Kãme 15:13

Ag tỹ tó kãn kỹ Tiago tóg sir ag mỹ: “ha mẽ, inh kanhkã',” he mũ.

Galácia 1:19

Ẽn kã inh pijé apóstolo ũ ag vé'. Tiago hã ve inh, ẽg Senhor jãvy ẽn, isỹ Pedro mré vĩn kỹ.

Galácia 2:9

Tag ve ag, Tiago ti, Pedro ti, João ti ke gé. Igreja to kófa vỹ tỹ ag nỹtĩ. Ẽn ag ne inh nĩgé mẽ', Barnabé nĩgé ke gé: “há ti nĩ, ãjag rãnhrãj ti,” hen kỹ. “Ha fóg ag mỹ tónh mũjẽg, kanhgág ag mỹ, jãvo ẽg tóg ũ tỹ Judeu jykre han mũ ag hã mỹ tónh ke mũ,” he ag tóg mũ, kófa ag.

Tiago 1:1

Tiago tỹ rá vẽ. Isỹ Israel ag mỹ rán hã vẽ. Ẽg povo tỹ 12 (ke) vỹ tỹ ãjag nỹtĩ. Povo kar mĩ ãjag tóg mũgtĩ, fóg ag kar mĩ, kanhgág ag mĩ ke gé. Tỹ sóg Topẽ mỹ rãnhrãj tĩ nĩ, ẽg Senhor tỹ Jesus Cristo mỹ. Hã kỹ sóg ãjag mỹ rán kỹ jẽnẽg mũ sir. Ãjag mĩ sóg ẽkrég tĩ.