Lucas 6:13 - O Novo Testamento na língua Kaingáng

¹³ Tỹ vaj kỹ tóg ti mré mũ tĩ ag jé prẽr kãn mũ, kỹ tóg ag kã mĩ ũ tỹ 12 (ke) ag hã kuprẽg mũ. Ag to tóg: “sỹ ũn vin mũ ag,” he mũ, hã vỹ: apóstolo, he mũ.

Lucas 6:13 Iomraidhean Croise

Mateus 10:2

Jesus tỹ ũn vin mũ ag jijin hã vẽ, ha mẽ. Ũn ve vỹ tỹ Simão nĩ, kỹ ti jiji ũ hã vỹ: Pedro, he mũ. Kar kỹ ti jãvy vỹ nĩ gé, hã vỹ: André, he mũ, Tiago ke gé, Zebedeu kósin tag ti, ti jãvy tỹ João ke gé,

Mateus 19:28

Kỹ Jesus tóg: “sỹ ke há vẽ,” he mũ. “Inh mré ãjag tóg mũ mũ. Tỹ sóg ẽprã ke fi kósin nĩ. Kejẽn sóg inh nĩgja kri nĩnh mũ, isỹ vẽnh kar jykre tugnỹm jé. Sĩnvĩ inh nĩnh mũ, kurã ẽn kã. Kỹ ãjag tóg ãjag nĩgja kri nĩgnĩ kỹ nỹtĩnh mũ gé, nĩgja tỹ 12 (ke) kri, ãjag tỹ povo tỹ Israel tỹ 12 (ke) ag jykre tugnỹm jé,” he tóg.

Mateus 9:36

Vẽnh e ẽn tóg ti mỹ jagtar nỹtĩ. Ũ tỹ ag ki rĩr há han ke tóg tũ tĩ, jo ag tóg vẽnh ki rĩr há han ki kagtĩg nỹtĩ gé. Kỹ tóg carneiro tỹ mẽg mĩ ẽkrég mũ sir. Ũ tỹ ki rĩr tũ nĩn kỹ ag tóg véké mũgtĩ. Tag ri ke ag tóg nỹtĩ, Jesus mỹ, ũn e ẽn ag.

Marcos 6:30

Jesus tóg ti tỹ ũn vin mũ ag jẽgnẽ ja nĩgtĩ, ag tỹ vẽnh kar mỹ ti kãmén jé, ũn kagyga ag tỹ há' he jé ke gé. Hã ra ag tóg kejẽn ti to vỹnvỹn ke mũ sir, ti mỹ ag tỹ nén han ja ẽn kãmén jé.

Marcos 6:7

Kỹ tóg ũ tỹ 12 (ke) ag jé prẽr mũ. Kỹ tóg ag jẽgnẽg mũ, ũn régre tĩn', ũn régre tĩn' he tóg. Ag mỹ tóg vẽjykre nĩm mũ, ag tỹ vẽjagrẽ kórég pan jé.

Lucas 11:49

Hã kỹ Topẽ vỹ ãjag to vĩ ja nĩ. Ki kanhró ti nĩ, hã kỹ tóg ãjag to vĩ kónãn ja nĩ, ha mẽ. “Inh vĩ tó tĩ ag jẽgnẽ jé sóg ke mũ, isỹ ũn vin mũ ag ke gé, ag tỹ ag mỹ inh vĩ tó jé. Hã ra ag tóg ag vóg kónãn ke mũ, ag kãgtén jé ag tóg ke mũ,” he ja tóg nĩ, Topẽ ti.

Lucas 22:30

ãjag tỹ inh mré jẽn jé tá. Kỹ ãjag tóg ãjag nĩgja kri nĩgnĩ kỹ nỹtĩnh mũ, ãjag tỹ povo tỹ Israel ag jykre tugnỹm jé, povo tỹ 12 (ke) ẽn ag,” he tóg, Jesus ti.

Lucas 6:14

Ag hã vẽ, ha mẽ: Simão, ti jiji ũ hã vỹ: Pedro, he mũ, ti jãvy tỹ André ke gé, Tiago ke gé, ti jãvy tỹ João mré, Filipe ke gé, Bartolomeu ke gé,

João 4:33

Kỹ ag tóg jagnẽ mỹ: “ũ nỹ ti mỹ vẽjẽn nĩm hỹn?“ he mũ.

Han Kãme 1:13

Ũ tỹ tá kãmũ mũ ag hã vẽ, hã vỹ: Pedro, João, Tiago, André, Filipe, Tomé, Bartolomeu, Mateus, Tiago ũ, Alfeu kósin ẽn, Simão, Judas ũ, Tiago kósin ẽn, he mũ, Jesus tỹ ũn vin mũ ẽn ag.

Éfeso 2:20

Topẽ ĩn ri ke vỹ tỹ ẽg nỹtĩ. Ti nũna runrur ri ke vỹ tỹ apóstolo nỹtĩ, Topẽ vĩ tó tĩ ag mré. Ti nũna téj ri ke vỹ tỹ Jesus Cristo nĩ. Ti kuge ri ke vỹ tỹ ãjag nỹtĩ, ẽg mré.

Éfeso 4:11

Ti hã ne ti rãnhrãj kar to ẽg tar han tĩ'. Ũ ag vin kỹ tóg ag tỹ apóstolo hynhan. Ũ mỹ tóg: “ũ tỹ inh vĩ mẽ ja tũ ag mỹ inh vĩ tónh tĩg nĩ,” he mũ. Ũ tỹ tóg igreja to kófa han. Ũ mỹ tóg: “ũ tỹ igreja krẽm vẽnh mãn tĩ ag mỹ inh vĩ kãmén nĩ,” he mũ gé.

Hebreu 3:1

Inh kanhkã', Topẽ tũ vỹ tỹ ãjag nỹtĩ. Kỹ tóg ãjag kuprẽg, ãjag tỹ kanhkã tá ve jé. Hã kỹ Jesus mĩ ẽkrén nĩ. Topẽ vỹ ti fẽg. Kỹ tóg ẽg mỹ tỹ Topẽ tũ to pã'i mág ẽn ri ke nĩ, ẽg tỹ ti ki rã kỹ.

2 Pedro 3:2

Topẽ vĩ tó tĩ ag vỹ vãsỹ Topẽ vĩ tó ja nĩgtĩ. Ẽn mĩ ẽkrén nĩ. Kỹ apóstolo ag vỹ ãjag mỹ tó ja nĩgtĩ gé, ẽg Senhor tỹ nén to ẽg jyvẽn mũ ti, ẽg kren han tĩ ẽn vĩ ti. Ẽn mĩ ẽkrén nĩ gé.

Nén Venh Ke 12:1

Kỹ kanhkã tá nén ũ vẽnh mỹ tóg vẽnh ven mũ. Ũn tỹtá fi vỹ tóg vẽnh ven mũ. Kỹ rã tóg fi mỹ tỹ fi kur nĩ. Kysã sãn kỹ fi tóg jẽ nĩ. Fi krĩ tógfĩ vỹ krĩg tỹ 12 (ke) tỹ há nĩ.

Nén Venh Ke 18:20

“Kanhkã tá nỹtĩ kar'. Mỹ sér nỹtĩm nĩ. Topẽ ki ge kỹ nỹtĩ kar', apóstolo kar', Topẽ vĩ tó tĩ kar', mỹ sér nỹtĩm nĩ. Tũ' he kãn ag huri, ẽmã ẽn tá ke kar ag. Topẽ vỹ hur ag vóg kónãn, ag tỹ ãjag vóg kónãn ja tugrĩn.“

Nén Venh Ke 21:14

Pó tỹ 12 (ke) kri tóg hynhan kỹ nĩ nĩ, ẽmã ti. Pó ẽn ki vẽnh jygji tóg ránrán kỹ nỹtĩ gé, apóstolo tỹ 12 (ke) ẽn ag jygji ti, cordeiro tũ ẽn ag jygji ti.