Lucas 5:38 - O Novo Testamento na língua Kaingáng

³⁸ Vinho tãg tỹ sako tãg ki kujẽn ke vẽ mỹr,” he tóg. Ti tỹ ti jykre tãg tón hã vẽ. Hã ra tóg vinho kãjãg mũ ri ke nĩ.

Lucas 5:38 Iomraidhean Croise

Mateus 9:17

Kỹ tóg ag mỹ: “kỹ vinho vỹ ge nĩgtĩ gé,” he mũ gé. “Ẽg pijé uva me kajãg mũ tỹ nén ũ fár tỹ sako há si ki kujẽg tĩ'. Ke tũ nĩ mũ ra tóg, kunãnh kỹ jaran kenh mũ. Kỹ vinho ẽn tóg tũ' henh mũ, sako ke gé. Vinho kajãg mũ tỹ nén ũ fár tãg ki kujẽn ke vẽ mỹr',” he tóg. Ti tỹ ti jykre tãg tón hã vẽ gé.

Lucas 5:37

Kỹ tóg ag mỹ: “vinho vỹ ge nĩgtĩ gé,” he mũ gé. “Ẽg pijé vinho tãg tỹ nén fár si tỹ sako há ki kujẽg tĩ'. Kunãnh kỹ tóg jar ke mũ, sako ti, kỹ vinho ẽn tóg tũ' henh ke mũ.

Lucas 5:39

Kỹ tóg ag mỹ: “ẽg pijé vinho si kron kar kỹ ũn tãg kron sór tĩ',” he mũ gé. “Ti si hã tóg inh mỹ kron há nĩ, he ẽg tóg tĩ,” he tóg, ti jykre tãg tó kỹ. Hã ra ag jykre si tóg ag mỹ há nĩ, ũ tỹ ti vĩ mẽg mũ ag mỹ.

2 Corinto 5:17

Hẽ ri ken kỹ? Cristo tỹ ẽg han mãn kỹ mỹr. Ti ki ge kỹ ẽg nỹtĩ, hã kỹ tóg ẽg han mãn ja nĩ. Ẽg jykre pãno tóg tũ tĩ ha. Ũri ẽg tóg tỹ ũn tãg nỹtĩ ha, ẽg krĩ, ẽg jykre ti ke gé.

Galácia 2:4

Hã ra ón kỹ Jesus ki ge kỹ nỹtĩ ag tóg ti kym sór ja nĩ. “Paulo mỹ Moisés jykre tovãnh tũ'?“ he ag tóg iso. Ag tỹ ẽg tỹ Moisés jykre han mãn ẽn han sór ja vẽ.

1 Timóteo 4:8

Kejẽn ẽg tóg vãkrég tĩ. Ẽg tỹ vãkre to tar nỹtĩn kỹ tóg há sĩ nĩ. Ẽg tỹ jãvo vẽjykre kuryj kar to tar nỹtĩ tag vỹ há tãvĩ nĩ sir. Tag to ẽg tóg mũ há han tĩ, tag ki. Kar ẽg tóg kanhkã tá mũ há han ke mũ gé.

Nén Venh Ke 21:5

Kỹ ũ tỹ nĩgja kupri kri nĩ ẽn tóg: “nén ũ kar han mãn jé sóg ke mũ ha,” he mũ. Kỹ tóg inh mỹ: “inh vĩ tag rán nĩ,” he mũ gé. “Sỹ ki hã tó vẽ. Vẽnh ven kãn jé tóg ke mũ, sỹ ã mỹ nén tó mũ tag ti,” he tóg.