Lucas 5:35 - O Novo Testamento na língua Kaingáng

³⁵ “Hã ra tóg kejẽn jun mũ, inh kurã ti, ha vem nĩ. Kỹ ag tóg inh pére mũnh mũ. Ẽn kã hã ag tóg vãkrenh ke mũ,” he tóg.

Lucas 5:35 Iomraidhean Croise

Mateus 9:15

Kỹ tóg ag mỹ: “hỹ,” he mũ. “Vẽnh kyprũg venh kãmũ mũ ag pijé vãkrég tĩ',” he tóg. “Fénhta vẽ mỹr, kỹ ũn prũg mũ ẽn mré ke ag tóg ti venh kãmũ tĩ. Hã ra sóg, ũn prũg mũ ẽn ri ke nĩ, hã kỹ tóg inh mré mũ tĩ ag mỹ sér tĩ ver,” he tóg. “Vãhã tóg jun, inh kurã ti, ag tỹ inh pére mũnh ke ti. Ẽn kã hã ag tóg vãkrenh ke mũ,” he tóg.

Marcos 2:20

Hã ra tóg kejẽn jun mũ, inh kurã ti, kỹ ag tóg inh pére mũnh mũ. Ẽn kã hã ag tóg vãkrenh ke mũ,” he tóg.

Lucas 17:22

Kỹ tóg ti mré mũ tĩ ag mỹ: “kejẽn tóg ãjag tỹ Topẽ tỹ tỹ ẽg pã'i nĩ venh hapẽ tĩnh mũ,” he mũ. “Ti tỹ kurã pir ki ãjag mỹ vẽnh ven ra tóg ãjag mỹ há tĩnh mũ vẽ, hã ra ãjag tóg venh ke tũ nĩ ver,” he tóg.

Lucas 5:34

Kỹ tóg ag mỹ: “hỹ,” he mũ. “Vẽnh prũg venh kãmũ mũ ag pijé vãkrég tĩ'. Fénhta vẽ mỹr, kỹ tóg vẽnh kar mỹ sér tĩ. Tỹ sóg, ũn prũg mũ ẽn ri ke nĩ, hã kỹ tóg, inh mré mũ tĩ ag mỹ sér tĩ,” he tóg.

Lucas 5:36

Kỹ tóg fag mỹ: “inh jykre tãg vỹ, ge nỹnh mũ, ha mẽ,” he mũ. “Ẽg pijé, ẽg kur tãg kókég tĩ’, ẽg tỹ ẽg kur si jar kã nĩm jé. Ẽg tỹ jagnẽ mré ki sigse kỹ tóg ki par tũ nĩnh mũ,” he tóg.

João 12:8

Ũn jagãgtar ag vỹ ãjag mré nỹtĩ, tũ' henh ke tũ ag tóg nĩ. Ag jãvo sóg kãnhmar ãjag mré nĩ mãn ke tũ nĩ ha,” he tóg.

João 13:33

“Inh jãvy', ãjag mré sóg nĩ sĩ pẽ han mũ ver. Inh jãvãnh jé ãjag tóg ke mũ, hã ra ãjag tóg inh venh ke tũ nĩ. Tag tó inh, Judeu ag mỹ, hã ra sóg ãjag mỹ tag hã tó mũ gé, hã vỹ: ãjag pijé isỹ hẽn ra tĩg ke mũ ẽn ki kanhró nỹtĩ', he mũ.

João 16:28

Ti tỹ inh jẽnẽn hã kỹ sóg ga tag ki jun mũ. Hã ra sóg ũri inh mur ja ré kỹ tĩg ke mũ ha, inh panh kukãm,” he tóg.

Han Kãme 1:9

Ti tỹ tag tó kar kỹ tóg vãhã kynhmỹ tãpry mũ sir ag rĩnve, kỹ kanhkã góg vỹ ti kri rũm ke mũ sir, ti ve mãn tũ ag tóg nĩ sir.

Han Kãme 14:23

Kỹ ag tóg ag mỹ igreja to kófa ag kuprẽg mũ, ag tỹ Jesus ki ge kỹ nỹtĩ ag ki rĩr jé. Ag to ag tóg Topẽ mré vĩ mũ gé, nén ũ ko mẽ kã. Kỹ ag tóg: “Topẽ vỹ ãjag ki rĩr há han mũ,” he mũ. Kỹ ag tóg mũ mũ sir.

Han Kãme 3:21

Ti tỹ kanhkã tá nĩ vẽ ver. Ti tỹ ti kurã pétẽm kỹ tóg vãhã tá vỹn kenh ke mũ, Topẽ tỹ nén kar han mãn ke kurã ẽn kã. Hã kỹ Topẽ tóg vãsỹ ti vĩ tó tĩ ag mỹ tó ja nĩgtĩ, ag tỹ vẽnh kar mỹ ti vĩ tó jé, ti tũ ag kar mỹ.

1 Corinto 7:5

Hã kỹ jagnẽ mỹ vẽnh nenh tũg nĩ. Hẽn ri ke mũn ãjag kejẽn jagnẽ mré to jykrén sór mũ, ãjag tỹ kuty pipir ki jagnẽ mré nỹ tũ nĩ jé, ãjag tỹ Topẽ mré vẽmén jé vãsãnsãn jé. Kỹ tag pãte jagnẽ mré nỹ mãn nĩ sir, Satanás tỹ ãjag krĩn kónãn tũ nĩ jé. Ãjag tỹ ũ mré nỹ sór kỹ tóg inh mỹ to ãjag tỹ Topẽ vĩ mranh ha mẽ tĩ, Satanás tỹ ãjag krĩn kỹ. Hã kỹ tóg ãjag tỹ kãnhmar jagnẽ mré nỹ mãn kỹ há tĩ.

2 Corinto 11:27

Rãnhrãj mág to inh jagtar tĩ ja nĩgtĩ gé. To sóg ron tĩgtĩ. Kỹ sóg nũr tũ tỹ hẽn ri ke han tĩ ja nĩ gé. Kejẽn sóg kókĩr tĩ ja nĩ. Kejẽn sóg goj vég tũ nĩgtĩ. Kusa mẽg sóg tĩ. Kur tóg inh mỹ tũ' he tĩ gé.