Lucas 5:30 - O Novo Testamento na língua Kaingáng

³⁰ Kỹ tóg pã'i ag mỹ kórég nĩ. Hã kỹ ag tóg ti mré mũ tĩ ag mỹ: “ãjag ne tóg governo mỹ jãnkamy mãg tĩ ag mré jẽg mũ'. Topẽ vĩ mranh tĩ ag vẽ,” he mũ.

Lucas 5:30 Iomraidhean Croise

Mateus 5:46

“Ãjag mré ke ũ ag tóg, ãjag to há nỹtĩ. Ãjag tỹ tag ag hã to há nỹtĩn kỹ, fag hã to há nỹtĩn kỹ tóg, tỹ nén ũ tũ nĩ ver. Ũn jykre kórég ag vỹ ge nỹtĩgtĩ gé, governo mỹ jãnkamy mãg tĩ ag. Ũ tỹ ag to há nỹtĩ ẽn ag hã to ag tóg, há nỹtĩgtĩ, vẽnh kato. Há ti nĩ, hã ra tóg tỹ nén ũ tũ nĩ ver.

Mateus 9:11

Kỹ pã'i ag tóg vég mũ. Kỹ ag tóg ti mré mũ tĩ ag mỹ: “ãjag pã'i ne tóg ũn jykre pãno ag mré jẽg mũ',” he mũ.

Marcos 2:16

Hã ra Topẽ vĩ to ẽg kanhrãn tĩ ũ ag vỹ tỹ Fariseu nỹtĩ gé. Jesus vég ag tóg mũ, ti tỹ Topẽ vĩ mranh tĩ ag mré jẽn kỹ. Kỹ ag tóg ti mré mũ tĩ ag mỹ: “ti ne tóg ũn jykre pãno ag mré jẽg mũ',” he mũ.

Marcos 7:3

Fariseu ag tóg nĩgpe kar kỹ tỹ jẽg tĩ, ag tỹ Judeu ag si ag jykre han kỹ.

Marcos 9:16

Kỹ tóg ag mỹ: “ãjag tỹ ne tỹ vẽmén nẽ?“ he mũ.

Lucas 18:11

Kỹ Fariseu tóg: “Topẽ,” he mũ. “Inh mỹ tóg há tĩ, isỹ jykre kórég tũ nĩn kỹ. Ũ ag tóg nén ũ péju tĩ, ũ ag tóg nén ũ vẽnh mỹ han tĩ inhhã, jãvo inh pijé han tĩ'. Ag prũ tũ fag mré ag tóg nỹgnỹ tĩ. Kỹ governo mỹ jãnkamy mãg tĩ tag ti vỹ kórég nĩ gé, inhhã.

Lucas 19:7

Hã ra vẽnh e ẽn tóg Jesus to jũ kỹ ti mỹ: “Topẽ vĩ mranh tĩ vẽ, hã ra tóg ti ĩn krẽm nũr sór mũ,” he mũ.

Lucas 5:17

Kejẽn tóg ag kanhrãn nĩ nĩ. Pã'i tỹ hẽn ri ke ag tóg ti vĩ mẽg nỹtĩ, Fariseu ag, Topẽ vĩ to ẽg kanhrãn tĩ ag, kuvar há tá ke ag, ga tỹ Galiléia tá ke ag, ga tỹ Judéia tá ke ag, Jerusalém tá ke ag ke gé. Hã ra Topẽ tóg ti tar han, hã kỹ tóg ũn kaga tỹ hẽn ri ke tỹ há' he kãn mũ.

Lucas 5:21

Hã ra ti vĩ tóg pã'i ag mỹ e tĩ. Kỹ ag tóg ti to jykrén kónãn mũ. “Ti tỹ ne tó nẽ hỹn'? Topẽ to vĩ kónãn vẽ mỹr. Topẽ hã ne ti pir mỹ ũ tỹ ti vĩ mranh mũ ẽn mỹ tỹ tũ' he há nĩnh mũ',” he ag tóg mũ.

Lucas 7:34

Ti jãvo sóg vãkrég tũ nĩgtĩ. Jẽg sóg tĩ, kron sóg tĩ gé. Kỹ ãjag tóg iso: “ti hã ne jẽg tĩ'. Ti hã ne kron tĩ'. Ti hã ne Topẽ vĩ mranh tĩ ag to há nĩ',” he tĩ, ẽprã ke fi kósin to.

Lucas 7:39

Kỹ Fariseu ẽn tóg to jykrén mũ. “Ti tỹ tỹ Topẽ vĩ tó tĩ nĩ ra tóg fi ki kanhró nĩnh mũ vẽ,” he tóg.“Hã ra tóg ki kagtĩg nĩ ve nĩ. Topẽ vĩ mranh fi tóg tĩgtĩ mỹr. Hã ra tóg fi tỹ ti vóg kamẽg tũ nĩ,” he tóg.

Han Kãme 23:9

Kỹ ag tóg jagnẽ to jũgjũ kỹ prẽnprẽr mũ. Fariseu ag kã mĩ ũ ag tóg jẽgnẽgnẽ kỹ, Saduceu ag vĩ kafãn kỹ: “nén ũ kórég han tũ ti nĩ,” he mũ. “Hẽn ri ke mũn ti hỹn nén ũ vé, vẽnh kuprĩg, ke tũ nĩ kỹ Topẽ tỹ jẽnẽ jafã,” he ag tóg.