Lucas 5:25 - O Novo Testamento na língua Kaingáng

²⁵ Kỹ tóg vãhã jẽgnẽ mũ sir. Ti kur gég tóg mũ, ag rĩnve. Ti ĩn ra tóg tĩ mũ, Topẽ mỹ vĩ há han kỹ, ũn kãnhgrĩ ja ẽn ti.

Lucas 5:25 Iomraidhean Croise

Mateus 9:8

Kỹ vẽnh kar ẽn ag tóg vég mũ. Kỹ tóg ag mỹ e tãvĩ tĩ. Topẽ mỹ ag tóg vĩ há han mũ, ti tỹ Jesus mỹ vẽjykre há nĩm kỹ, ti tỹ tỹ ẽprã ke nĩ ra.

Marcos 2:12

Kỹ tóg vãhã jẽgnẽ mũ sir. Ti kur gég tóg mũ sir, kỹ tóg ag rĩnve tĩg há han mũ sir, ũn kãnhgrĩn kỹ nỹ ja ẽn ti. Vẽnh kar mỹ tóg e tĩ, kỹ ag tóg Topẽ to: “ẽg jykre kãfór ti nĩ,” he mũ. “Ge ve ja tũ ẽg nỹtĩ,” he ag tóg mũ sir.

Lucas 13:13

Kỹ tóg ti nĩgé tỹ fi kri fig mũ. Kỹ fi tóg vẽnh ra hã jẽg há' he mũ, ha mẽ. Kỹ fi tóg Topẽ mỹ vĩ há han mũ sir.

Lucas 18:43

Kỹ tóg vẽsỹmér ẽvãnh há' he mũ sir. Ti hã mré tóg tĩ mũ sir. Topẽ mỹ tóg vĩ há han mũ. Kỹ tóg vẽnh kar mỹ há tĩ. Topẽ mỹ ag tóg vĩ há han mũ gé sir.

Lucas 5:13

Kỹ tóg ti nĩgé tỹ ti mẽg kỹ: “he,” he mũ. Kỹ ti kaga kren vãnh ẽn tóg há’ he mũ sir vẽsỹmér.

João 9:24

Kỹ ag tóg ũn kyvó ja ẽn jé ke mãn mũ. Kỹ ag tóg ti mỹ: “ker ón hẽ', Topẽ vỹ ã vĩ mẽg mũ,” he mũ. “Ũ tỹ ã tỹ há' he mũ ẽn vỹ kórég nĩ. Topẽ vĩ mranh ti tĩ,” he ag tóg mũ ti mỹ.