Lucas 5:17 - O Novo Testamento na língua Kaingáng

¹⁷ Kejẽn tóg ag kanhrãn nĩ nĩ. Pã'i tỹ hẽn ri ke ag tóg ti vĩ mẽg nỹtĩ, Fariseu ag, Topẽ vĩ to ẽg kanhrãn tĩ ag, kuvar há tá ke ag, ga tỹ Galiléia tá ke ag, ga tỹ Judéia tá ke ag, Jerusalém tá ke ag ke gé. Hã ra Topẽ tóg ti tar han, hã kỹ tóg ũn kaga tỹ hẽn ri ke tỹ há' he kãn mũ.

Lucas 5:17 Iomraidhean Croise

Mateus 11:5

“Tag han inh tĩ, ha mẽ: ũn kyvó ag vỹ, isugrĩn ẽvãnh há nỹtĩ. Ũn kãnhgrĩ ag vỹ mũ há nỹtĩ, ũ tỹ vẽnh kaga kren vãnh han mũ ẽn ag krenkren han inh tĩ. Ũn kutu ag vỹ ẽmẽ há nỹtĩ ha, ũn kãgter mũ ag vỹ rĩnrĩr mãn kỹ nỹtĩ. Ũn jagtar ag vỹ Topẽ vĩ mẽg tĩ, ũ tỹ kanhkã tá nĩ ẽn tỹ tỹ ẽg pã'i nĩnh ke to.

Mateus 15:1

Kỹ kejẽn pã'i ũ ag tóg Jerusalém tá junjun mũ, Jesus tá, Topẽ vĩ to ẽg kanhrãn tĩ ag mré hã. Jesus mỹ ag tóg:

Marcos 1:45

Ge ra ũn kaga ja ẽn tóg vẽnh kar mỹ Jesus tỹ ti tỹ há' he tó mũ sir. Kỹ ti kãme ẽn vỹ vẽnh kar kri rũm mũ. Hã kỹ Jesus tóg ẽmã ũ ki vẽnh ven tũ nĩgtĩ. Ẽmã tũ mĩ tóg tĩgtĩ, hã ra ag tóg ẽmã kar tá ti to kãmũ tĩ.

Marcos 16:18

“Ag tỹ kejẽn pỹn kãgmĩg mũ ra, veneno kron mũ ra tóg, ag tỹ hẽ ri kenh ke tũ nĩ,” he tóg. “Ũn kagyga ag mẽgmẽ jé ag tóg ke mũ gé, ag nĩgé tỹ, kỹ ag tóg sir krenkren ke mũ, fag ke gé“ he tóg.

Marcos 3:22

Kỹ Topẽ vĩ to ẽg kanhrãn tĩ ag tóg tá junjun mũ gé, ti ve jé. Jerusalém tá ag tóg kãmũ jẽg. Ag tỹ ti to: “Japo tỹ tóg jagrẽ nĩ. Hã kỹ tóg vẽjagrẽ kórég ag pan tĩ,” hen kỹ. “Belzebu jykre han tóg tĩ, Nén-Kórég ag pã'i mág ẽn jykre ti,” he ag tóg.

Marcos 5:30

Hã ra Jesus tóg ti fe tỹ ki kanhró nĩ gé. Kỹ tóg vẽnh e kã ki vĩrĩn ke kỹ: “ũ nỹ inh kur mẽ'?“ he mũ.

Marcos 7:1

Kejẽn Fariseu ag tóg Jesus to vẽnhmãn mũ, Topẽ vĩ to ẽg kanhrãn tĩ ag mré. Jerusalém tá ag kãmũ ja nĩ.

Lucas 15:2

Kỹ tóg Fariseu ag mỹ kórég nỹ, Topẽ vĩ to ẽg kanhrãn tĩ ag mỹ ke gé. Kỹ ag tóg ti to vĩ vĩ he mũ sir. “Topẽ vĩ mranh tĩ ag to tóg há nĩgtĩ. Ag mré tóg jẽg tĩ mỹr,” he ag tóg mũ.

Lucas 2:46

Vãhã fag tóg tá ti vég mũ. Topẽ ĩn krẽm tóg nĩ nĩ, ẽg kanhrãn tĩ ag mré. Ag vĩ mẽg tóg nĩ nĩ, kỹ tóg ag ki jẽmẽg mũ gé.

Lucas 5:21

Hã ra ti vĩ tóg pã'i ag mỹ e tĩ. Kỹ ag tóg ti to jykrén kónãn mũ. “Ti tỹ ne tó nẽ hỹn'? Topẽ to vĩ kónãn vẽ mỹr. Topẽ hã ne ti pir mỹ ũ tỹ ti vĩ mranh mũ ẽn mỹ tỹ tũ' he há nĩnh mũ',” he ag tóg mũ.

Lucas 5:30

Kỹ tóg pã'i ag mỹ kórég nĩ. Hã kỹ ag tóg ti mré mũ tĩ ag mỹ: “ãjag ne tóg governo mỹ jãnkamy mãg tĩ ag mré jẽg mũ'. Topẽ vĩ mranh tĩ ag vẽ,” he mũ.

Lucas 6:19

Kỹ vẽnh kar vỹ ti kã krỹ' he sór mũ sir, hã jé ag tóg ti ki junjun mũ. Kỹ ũ tỹ ti kã krỹ' he mũ ẽn ag vỹ há' he kãn mũ, ti tỹ ti jykre tar tỹ ag tỹ há' hen kỹ.

Lucas 7:30

Hã ra Fariseu ag tóg João vĩ jẽmẽ jãvãnh ja nỹtĩgtĩ, Topẽ vĩ to ẽg kanhrãn tĩ ag ke gé. Hã kỹ ag tóg Topẽ tỹ ag mỹ nén han sór mũ ẽn tỹ ti mỹ nenh ja nĩgtĩ gé. Hã kỹ João tóg ag kygpe ja tũ nĩgtĩ gé,” he tóg.

Lucas 8:46

Hã ra tóg: “vó, ũ tóg inh kur mẽ,” he mũ.“Inh kuprĩg vỹ inh mỹ tó, hã kỹ sóg ki kanhrãn mũ,” he tóg.

João 3:10

Kỹ tóg: “Israel ag kanhrãn ã tóg tĩ, hã ra ã tóg sỹ ã mỹ nén tó mũ tag ki kagtĩg nĩ',” he mũ.

João 3:21

Ũ tỹ Topẽ vĩ ki króm mũ ag vỹ kurã ki vẽnh ven sór tĩ. Kurã tóg ag mỹ sér tĩ, vẽnh kar tỹ ag jykre há ven jé. Topẽ vỹ ag tar han tĩ, ag tỹ nén ũ há han jé. Hã ve jé ag tóg ke mũ, vẽnh kar,” he tóg, Jesus ti.

Han Kãme 19:11

Kỹ Topẽ tóg Paulo mỹ vẽjykre nĩm mũ gé. Kỹ tóg ẽg tỹ nén han vãnh tỹ hẽn ri ke han mũ.

Han Kãme 4:30

Kỹ ẽg mré milagre hynhan nĩ gé. Ũn kaga ag tỹ há' hem nĩ, ẽg tỹ nén han vãnh han nĩ, ẽg tỹ ã mỹ to vĩn kỹ, ẽg tỹ ã kósin jiji tó kỹ, ũn kuryj nĩ ẽn,” he ag tóg, Topẽ mỹ.

Han Kãme 5:34

Kỹ vãhã ũ tóg jẽgnẽ mũ, ti jiji hã vỹ: Gamaliel, he mũ. Vẽnh kar mỹ tóg tỹ ũn jykre há nĩ. Kỹ tóg: “ver ag kãpan nĩ,” he mũ.