Lucas 5:10 - O Novo Testamento na língua Kaingáng

¹⁰ Zebedeu krẽ tỹ Tiago mré João mỹ ke gé. Simão mré ag tóg rãnhrãj mũgtĩ. Simão tỹ ti mỹ: “ã hỹn inh ré kỹ tĩg mũ ha,” hen kỹ tóg ti mỹ: “vó, mũmẽg tũg nĩ,” he mũ.“Pirã kugmĩ há ã tóg nĩ. Ã kanhrãn jé sóg ke mũ, ã tỹ ẽprã ke ag tỹ inh ki ge han jé,” he tóg.

Lucas 5:10 Iomraidhean Croise

Mateus 13:47

“Ẽg tỹ Topẽ tỹ tỹ ẽg pã'i nĩ venh ke kãme ũ vẽ gé, ha mẽ,” he tóg mũ gé. “Rede ri ke tóg nĩ, ẽg tỹ tỹ pirã kugmĩ jafã ẽn. Ti fón ẽg tóg tĩ, goj kã ki, ẽg tỹ pirã kugmĩ jé, kãkufár ke gé.

Mateus 14:27

Hã ra Jesus tóg ag mỹ: “inh kamẽg tũg nĩ, inh hã vẽ, jũrũn ke tũg nĩ,” he mũ.

Mateus 20:20

Kỹ Zebedeu krẽ ag mỹnh fi tóg Jesus venh kãtĩ mũ, fi krẽ ag mré. Kỹ fi tóg ti krẽm mũg ke mũ.

Mateus 4:19

Kỹ Jesus tóg ag mỹ: “inh mré kãmũjẽg,” he mũ. “Pirã kugmĩ há ãjag nỹtĩ. Ãjag kanhrãn jé sóg ke mũ, ãjag tỹ ẽprã ke ag tỹ inh ki ge han jé,” he tóg.

Mateus 4:21

Kỹ ag tóg mũ mũ, goj fyr jagma. Ag mũ sĩ han mũ ra tóg, ũn régre ũ ag ve mãn mũ gé, hã vỹ: Tiago mré ti jãvy tỹ João he mũ. Zebedeu krẽ ag vẽ. Canoa kã ki ag nỹtĩ, kur tỹ pirã kugmĩ jafã ki ag tóg han nỹtĩ nĩ. Ag panh vỹ, ag mré nĩ nĩ. Kỹ Jesus tóg, ag mỹ: “inh mré kãmũjẽg,” he mũ.

Marcos 1:17

Kỹ tóg ag mỹ: “inh mré kãmũjẽg,” he mũ. “Pirã kugmĩ há ãjag nỹtĩ. Ãjag kanhrãn jé sóg ke mũ, ãjag tỹ ẽprã ke ag tỹ inh ki ge han jé,” he tóg.

Lucas 5:7

Kỹ tóg ti régre ag mỹ: “kuri, ẽg mré ké!” he mũ, ti nĩgé tỹ ag mỹ ven kỹ. Kỹ ag tóg canoa régre ẽn fãn mũ, pirã tỹ. Hã kỹ tóg ki punpun ke kren mũ sir.

Lucas 5:9

Pirã e pẽ tỹ ge ve ja tũ ti nĩ. Hã kỹ Jesus jykre tóg ti mỹ e tĩ,

Lucas 6:14

Ag hã vẽ, ha mẽ: Simão, ti jiji ũ hã vỹ: Pedro, he mũ, ti jãvy tỹ André ke gé, Tiago ke gé, ti jãvy tỹ João mré, Filipe ke gé, Bartolomeu ke gé,

João 21:2

Simão Pedro vỹ tá nĩ, Tomé ti ke gé, ag tỹ ũ to: “ũn vẽgni,” he mũ ẽn ti, kar kỹ Natanael ti ke gé, ẽmã tỹ Caná tá ke ẽn, ga tỹ Galiléia tá ke ẽn, kar kỹ Zebedeu krẽ ag vỹ tá nỹtĩ gé, Jesus mré mũ tĩ régre ũ ag ke gé.

Han Kãme 2:4

Kỹ Topẽ kuprĩg tóg ag ki ge kãn mũ. Kỹ ag tóg vẽnh vĩ ũ tugtó mũ, Topẽ kuprĩg tỹ ag krĩn kỹ, ti tỹ tỹ ag jagrẽ nĩn kỹ.

2 Corinto 8:23

Kỹ Tito ne, ãjag venh kãtĩg ke mũ'. Inh mré rãnhrãj tĩ vẽ. Kỹ tóg inh mré ãjag to vãsãn tĩ. Ti mré kãmũ tag ag vỹ tỹ ũn há nỹtĩ gé. Ũ tỹ igreja krẽm vẽnhmãn tĩ ag vỹ ag jẽgnẽ ja nĩ, ãjag to.

2 Timóteo 2:26

Kỹ ag krĩ há nỹtĩnh mũ. Japo tũ vỹ tỹ ag nỹtĩ ja nĩgtĩ, ti tỹ ag sigse ja nĩn kỹ, ag tỹ ti rãnhrãj han jé. Ag tỹ ti tovãnh kỹ Topẽ tóg ag krenkren han ke mũ. Kỹ tóg ag tỹ Japo jykre tag to vẽnh nenh to ag tar han ke mũ, ẽg ke gé. Kỹ tóg há tĩ.