Lucas 4:42 - O Novo Testamento na língua Kaingáng

⁴² Tỹ vaj kỹ Jesus tóg ẽmã tũ ja ra tĩ mũ, vẽnh péju kỹ. Kỹ vẽnh kar tóg ti jãvãnh kãn mũ. Vãhã ag tóg ti vég mũ. Kỹ ag tóg ti mỹ: “ẽg ré kỹ tĩ tũg nĩ,” he mũ.

Lucas 4:42 Iomraidhean Croise

Marcos 1:45

Ge ra ũn kaga ja ẽn tóg vẽnh kar mỹ Jesus tỹ ti tỹ há' he tó mũ sir. Kỹ ti kãme ẽn vỹ vẽnh kar kri rũm mũ. Hã kỹ Jesus tóg ẽmã ũ ki vẽnh ven tũ nĩgtĩ. Ẽmã tũ mĩ tóg tĩgtĩ, hã ra ag tóg ẽmã kar tá ti to kãmũ tĩ.

Lucas 24:29

Kỹ ag tóg ti mỹ: “ẽg mré nĩm nĩ. Rãké tóg nỹ ha. Kutyg tóg rã ha,” he mũ. Kỹ tóg ag mré rã mũ.

Lucas 6:12

Ẽn kã tóg kejẽn pãnónh ra tĩ mũ, Topẽ mré vẽmén jé. Kuty ẽn kã tóg Topẽ mré vĩ nĩ ki kurãg mũ.

João 4:34

Hã ra tóg: “ijẽn to ken hã vẽ, hã vỹ: isỹ Topẽ rãnhrãj han kãn ke, he mũ. Isỹ ũ tỹ inh jẽnẽg mũ ẽn vĩ han ke vẽ.

João 4:40

Kỹ ag tóg Jesus tá junjun kỹ: “hẽ ra tĩ tũg nĩ. Ẽg mré nĩm nĩ,” he mũ. Kỹ tóg ag mré kurã régre tũg mũ.

João 6:24

Ag tỹ ti vég tũ nĩn kỹ ag tóg canoa tỹ tá junjun mũ ki ge kỹ mũ mũ sir, Cafarnaum ra, ti ve jé.