Lucas 4:34 - O Novo Testamento na língua Kaingáng

³⁴ “ha mẽ, ã tỹ ẽg tỹ hẽ ri kenh ke nẽ, Nazaré tá Jesus'?” he mũ. “Ã mỹ ẽg tũg sór mũ'? Ã ki kanhró sóg nĩ. Ã pir mỹ ã tóg tỹ Topẽ mré ke nĩ. Ti tũ pẽ vỹ tỹ ã nĩ,” he tóg.

Lucas 4:34 Iomraidhean Croise

Mateus 8:29

Jesus kato ag tóg kãmũ mũ. Ti ve kỹ ag tóg prẽnprẽr mũ sir, ha mẽ. “!..Ã hỹn ẽg tỹ hẽ ri kenh mũ, Topẽ kósin'..!“ he ag tóg mũ. “!..Ã mỹ ẽg vóg kónãn sór mũ ha, ẽg kurã to hã..!“ he ag tóg.

Marcos 1:24

Kỹ tóg prẽr mũ. “Ã tỹ ẽg tỹ hẽ ri ke nẽ, Nazaré tá Jesus'?“ he tóg. “Ã mỹ ẽg kókén sór tũ'? Ã ki sóg kanhró nĩ. Tỹ ã tóg ã pir mỹ Topẽ mré ke nĩ. Ti tũ pẽ vỹ tỹ ã nĩ,” he tóg.

Marcos 1:34

Kỹ Jesus tóg ag tỹ há' há' he kãn mũ sir, fag tỹ ke gé. Vẽjagrẽ kórég pan kãn tóg mũ gé. Kỹ vẽjagrẽ kórég ag tóg ti mỹ vĩ sór mũ, ag tỹ ti ki kanhró nỹtĩn kỹ. Hã ra tóg ag mỹ: “vĩ tũg ra!“ he mũ.

Marcos 5:7

Prẽr tóg mũ, kỹ tóg: “!..Jesus'..!“ he mũ, “!..kynhmỹ Topẽ kósin'..! Ã isỹ hẽ ri kenh mũ,” he tóg. “!..Topẽ jiji tó kỹ sóg ã mỹ to vĩ mũ, ã tỹ inh vóg kónãn tũ nĩ jé..!” he tóg.

Lucas 1:35

Kỹ tóg fi mỹ: “Topẽ kuprĩg vỹ ã kri tĩnh ke mũ, ti kãnhvég ti,” he mũ, “kỹ tóg ti jykre tỹ ã kósin ti han ke mũ. Hã kỹ ag tóg ti to: Topẽ kósin vẽ, henh ke mũ.

Lucas 4:33

Hã ra ũn jagrẽ kórég tóg tá nĩ nĩ. Kỹ tóg prẽr kỹ:

Lucas 4:41

Vẽjagrẽ kórég pan kãn tóg mũ gé, ag to jũ kỹ. Ag panh ke to hã ag tóg prẽr tĩ, kỹ ag tóg: “Topẽ kósin vỹ tỹ ã nĩ,” he tĩ. Ti ki kanhró ag tóg nỹtĩ, ti tỹ tỹ Cristo nĩ ti. Hã ra tóg ag mỹ: “vĩ tũg ra,” he mũ.

Lucas 8:28

Ẽn tóg ti kato tẽ kỹ ti krẽm mũg ke mũ. Prẽr kỹ tóg: “!..ã isỹ hẽ ri kenh mũ, Jesus’..!” he mũ. “!..Kynhmỹ Topẽ kósin'..!” he tóg. “!..Ã mỹ sóg to vĩnh mũ, ã tỹ inh vóg kónãn tũ nĩ jé..!” he tóg.

Lucas 8:37

Gerasa tá ke kar ag tóg kanẽ jur nỹtĩ. Hã kỹ ag tóg ti mỹ: “ã tĩg kỹ tóg ẽg mỹ há tĩnh mũ,” he mũ. Kỹ tóg canoa kã ra rã kỹ tĩ mũ, ti mré mũ tĩ ag mré.

Han Kãme 16:39

“Ẽg mỹ vẽnh pãte fón nĩ, ẽg tỹ ãjag sigse ja ti,” he ag tóg mũ. Kỹ ag tóg ag tatĩ mũ mũ. “Ãjag tỹ ẽg jamã ki pa kỹ tóg há tĩ,” he ag tóg mũ sir ag mỹ.

Han Kãme 2:27

Inh kuprĩg vỹ vẽnh kuprĩg jamã tá nĩg mág han ke tũ nĩ. Inh fár vỹ vag ke tũ nĩ gé, sỹ tỹ ã tỹ kuprẽg ja nĩn kỹ.

Han Kãme 3:14

Hã ra ãjag tóg ũ tỹ vẽjykre kuryj han mũ to, nejé, he ja nĩgtĩ, Topẽ tỹ ũn kuprẽg mũ ẽn to, Jesus ẽn to. Hã ra ãjag tóg ũ tỹ ũn tén mũ to: ti kava ra, he ja nĩgtĩ.

Han Kãme 4:27

Hã ra tóg ki hã tó ja nĩ. Ẽmã tag ki ag tóg vẽnh génh kỹ nỹtĩ, ã kósin tỹ Jesus kato, ũn kuryj nĩ ẽn kato. Pã'i mág tỹ Herodes vỹ ti kato tẽ mũ gé, pã'i tỹ Pilatos ke gé, fóg ag kar, Judeu ag kar ke gé.

Hebreu 2:14

Jesus mré ke ẽn ag hã vỹ tỹ ẽprã ke ag nỹtĩ, fag ke gé. Hã kỹ tóg ag mré tỹ ẽprã ke nĩ ja nĩ gé. Hã kỹ tóg ẽg jagfy ter ja nĩ. Ti tỹ Japo tũg ke vẽ, ti ter tugrĩn. Japo vỹ ẽg tén sór to tar nĩ, hã ra Jesus vỹ ti tỹ tũ' henh ke mũ.

Tiago 2:19

“Topẽ vỹ tỹ ũn pir nĩ,” he ãjag tóg tĩ gé. Ãjag tỹ ki hã tó vẽ. Kỹ Japo ag vỹ tag tó tĩ gé. “Pir tóg nĩ, Topẽ ti,” he ag tóg tĩ gé. Ag tỹ ti pir ki kanhró hã ra ag tóg krenkren ke tũ nĩ, ag tỹ ti jykre han tũ nĩn kỹ. Hã kỹ ẽg tóg ẽg tỹ Topẽ vĩ kãmén há ra krenkren ke tũ nĩ gé, ẽg tỹ ti jykre han tũ nĩn kỹ.

1 João 3:8

Ũ tỹ Topẽ vĩ mranh mũ ẽn vỹ tỹ Japo mré ke nĩ. Japo hã ne ti vĩ mranh tĩgtĩ'. Topẽ tỹ nén ũ kar han mũ ẽn kã Japo ne ti vĩ mranh vén'. Kỹ tóg ũri mranh tĩ nĩ gé. Hã ra Topẽ kósin vỹ Japo tỹ nén han mũ kókén ja nĩ. Hã jé tóg mur ja nĩ.

Nén Venh Ke 20:2

Ẽn vỹ mĩg fẽr ẽn ség mũ, hã vỹ: pỹn ve tỹ ũn ve fag krĩn kónãn mũ, he mũ, hã vỹ: Japo, he mũ, hã vỹ: Satanás, he mũ. Ẽn se kỹ tóg ferro tỹ ti mrĩnh mũ sir. Kỹ tóg se kỹ jẽ nĩ, prỹg tỹ mil (ke) ki.

Nén Venh Ke 3:7

Kỹ tóg: “ũ tỹ ẽmã tỹ Filadélfia tá inh ki ge kỹ nỹtĩ ag ki rĩr mũ ẽn mỹ tag rán nĩ, ha mẽ,” he mũ gé. “Ũ tỹ ã mỹ vẽnh vĩ jẽnẽg mũ vỹ Davi tỹ jãnkã nón jafã vyn kỹ jẽ nĩ, chave ẽn ti, hem nĩ. Ti tỹ jãnkã ũ nón kỹ ũ tóg nĩfénh mãn ke tũ nĩ. Kỹ ti tỹ jãnkã ũ nĩfénh kỹ ũ tóg nón mãn ke tũ nĩ gé, hem nĩ, iso,” he tóg.