Lucas 4:25 - O Novo Testamento na língua Kaingáng

²⁵ Ha mẽ. Elias to jykrén nĩ. Ti tỹ ga kri tĩ mũn kã Topẽ tóg ti mỹ ta kutẽ vãnh han ke tó ja nĩgtĩ. Kỹ ta tóg kutẽ vãnh han mũ, prỹg tãgtũ kri kysã tỹ 6 (ke) ki. Kỹ tóg prỹg tĩ sir, ga ẽn mĩ, vẽjẽn tóg tũ' he mũ sir.

Lucas 4:25 Iomraidhean Croise

Mateus 20:15

Isũ vẽ mỹr, jãnkamy ti, kỹ sóg sỹ tỹ nén han sór mũ ẽn han mũ. Hã ra ã tóg jũ mũ, isỹ ag mỹ vĩ há han to,” he tóg ti mỹ, patrão ti.

Lucas 10:21

Kỹ tóg ti mỹ sér tĩ, óra ẽn kã. Topẽ kuprĩg tỹ ti krĩn kỹ tóg: “jóg',” he mũ. “Tỹ ã tóg kanhkã tãn ag kãfór kar nĩ, kar ã tóg tỹ ẽprã ke ag kãfór nĩ gé,” he tóg. “Inh mỹ tóg há tĩ, ã tỹ nén han mũ ti. Ũ tỹ: “ki kanhró mág inh nĩ,” he mũ ag mỹ ã tóg ã jykre ven ja tũ nĩ. Ũ tỹ ki kagtĩg ag hã mỹ ã tóg ã jykre nĩm ja nĩ. Kỹ tóg há tãvĩ nĩ, jóg',” he tóg.

Roma 9:15

Hã kỹ tóg Moisés mỹ: “isỹ ũn jagãgtãn sór mũ ẽn hã jagãgtãn jé sóg ke mũ,” he ja nĩ.

Roma 9:20

Ha vé, ẽprã ke vỹ tỹ ẽg nỹtĩ. Ti vĩ kafãn ke tũ pẽ ẽg tóg nĩ. Ti kamẽg jé ẽg tóg ke mũ. Ti tỹ nén han sór mũ ẽn han ti tĩ. Kejẽn ẽg tóg nén ũ han tĩ, go'or tỹ. Kỹ go'or tóg ẽg mỹ: “isỹ kukrũ kórég han tũg nĩ, isỹ kukrũ sĩnvĩ han nĩ,” he tũ nĩgtĩ.

Éfeso 1:11

Ẽg tỹ Cristo ki ge kỹ nỹtĩn kỹ ẽg tóg tag venh ke mũ gé. Hã jé Topẽ tóg ẽg kuprẽg ja nĩ. Nén kar to tóg jykrén há han tĩ, vẽsóg ki, kỹ tóg ẽg kuprẽg to jykrén ja nĩ gé.

Éfeso 1:9

Vãsỹ tóg to jykrén ja nĩgtĩ, kỹ tóg ũri ẽg mỹ tó mũ sir, ti tỹ Cristo tugrĩn nén han sór mũ ti.

Tiago 5:17

Topẽ mré ke tỹ Elias mĩ ẽkrén nĩ. Ẽg mré tóg tỹ ẽprã ke nĩ ja nĩgtĩ. Hã ra tóg Topẽ mré vĩ', vĩ' he ja nĩgtĩ, ta kutẽ tũ nĩ jé. Kỹ tóg kutẽ ja tũ nĩgtĩ, prỹg tãgtũ kri kysã tỹ 6 (ke) ki.

Nén Venh Ke 11:6

Ag tỹ Topẽ vĩ tón kỹ ag tóg, ag tỹ ta kutẽ kamẽg sór kỹ ti kutẽ kamẽg tĩ, kỹ tóg kutẽ tũ nĩgtĩ. Ag tỹ goj tỹ vẽnh kyvénh ri ke han sór kỹ ag tóg tỹ han tĩ gé. Ag tỹ ga kri ke ag vóg kónãn sór kỹ ag tóg ag vóg kónãn tĩ gé. Nén ũ jagy tỹ hẽn ri ke hynhan ag tóg tĩ, Topẽ vĩ tó tĩ régre ẽn ag.