Lucas 4:23 - O Novo Testamento na língua Kaingáng

²³ Kỹ Jesus tóg ag mỹ: “ãjag hỹn iso jykrén kónãn sór mũ,” he mũ. “Médico mỹ ẽg tóg: kur vẽsỹ há' hé,” he tũ nĩgtĩ. Ãjag hỹn inh mỹ: ẽmã tỹ Cafarnaum tá ã tóg ũn kagyga ag tỹ há' hé, kỹ kur tag ki ẽg tỹ há' he gé, ã tỹ vẽnh kar tỹ há' he sór nĩn kỹ, he sór mũ,” he tóg.

Lucas 4:23 Iomraidhean Croise

Mateus 13:54

Kỹ tóg ti jamã ra tĩ mũ sir. Tá jun kỹ tóg, vẽnh kanhrãn jafã krẽm ag kanhrãn mũ. Kỹ tóg ag mỹ e tĩ, ti vĩ ti. Kỹ ag tóg ti to vĩ kónãn mũ. “Hẽn tán hỹn ki kanhrãn, vẽjykre tag ki? Ũ nỹ hỹn ti kanhrãn, ti tỹ nén han vãnh tag hynhan jé?

Mateus 4:13

Ẽmã tỹ Nazaré tá kãkutẽ kỹ tóg, ẽmã tỹ Cafarnaum ra tĩ mũ, tá nĩ jé, goj nig mág ẽn tá, Zebulom ag jamã tá, Naftali ag jamã tá.

Mateus 4:23

Kỹ Jesus tóg, ga tỹ Galiléia kar mĩ tĩ mũ sir, ag mré. Judeu ag vẽnh kanhrãn jafã krẽm tóg ag kanhrãn mũ. Ag mỹ tóg Topẽ vĩ sér tó mũ, ũ tỹ kanhkã tá nĩ ẽn tỹ tỹ ẽg pã'i nĩ tĩ. Ũn kagyga kar ag hynhan tóg, fag kar ke gé, gĩr kar ke gé.

Marcos 6:1

Kỹ Jesus tóg ti mré mũ tĩ ag mré ẽmã tỹ Nazaré tá jun mũ sir, ti jamã tá.

Lucas 2:39

Kỹ fag tóg Moisés tỹ vẽnh kykũnh to nén rán ja ẽn han kãn mũ sir. Kar kỹ fag tóg sir fag jamã ra vỹnvỹn ke mũ, Nazaré ra.

Lucas 2:51

Kỹ tóg fag mré Nazaré ra tĩ mũ. Tá tóg jatun mỹ fag mré nĩ nĩ sir. Fag tỹ ti mỹ nén tó mũ han tóg mũ. Hã ra ti mỹnh fi pijé nén kar ẽn kã jatun mũ'.

Lucas 4:16

Kỹ tóg Nazaré tá jun mũ gé, ti tỹ hẽ tá mog ja ẽn tá. Kỹ tóg ti tỹ nén han tĩ ẽn han mũ. Vẽnh kán ke kurã ki tóg culto venh tĩ mũ. Tá tóg sir jẽgnẽ mũ, Topẽ vĩ rá to ke jé.

Lucas 4:31

Kỹ tóg Cafarnaum ra tĩ mũ. Tá jun kỹ tóg vẽnh kán ke kurã ki ag kanhrãn mũ.

Lucas 4:35

Hã ra tóg vĩ tar han kỹ: “vĩ tũg ra!” he mũ. “Ti tovãnh ra!” he tóg. Kỹ ti jagrẽ kórég ẽn tóg ti ter tĩ han kỹ ti ki kutẽ mũ sir. Ti kókég tũ tóg nĩ.

Lucas 6:42

Kỹ ãjag tóg ti mỹ: “sỹ ã mỹ ã jykre kórég kurynh há tóg tĩ,” he tĩ', ãjag tỹ ãjag jykre pãno tãvĩ ẽn kurynh jãvãnh hã ra. Ke tũg ra. Ke tũ nĩ mũ ra ãjag tóg jykre régre nỹtĩ. Ãjag jykre kurynh vén nĩ, kar ãjag tóg ãjag régre ag jykre kurynh há han mũ,” he tóg.

João 4:28

Hã ra fi tóg fi runja ré kỹ tĩ mũ, fi jamã ra. Kỹ fi tóg tá ke ag mỹ, fag mỹ:

2 Corinto 5:16

Vãsỹ ẽg tóg, ẽg tỹ vẽsóg ki nén ũ to jykrén kỹ ẽprã ke jykre to: “tag vỹ há nĩ, tag vỹ kórég nĩ,” he ja nĩgtĩ. Ũri ẽg tóg, vẽsóg ki tag to jykrén mãn ke tũ nĩ ha. Cristo to ẽg vẽsóg ki jykrén mãn ke tũ nĩ gé.