Lucas 4:18 - O Novo Testamento na língua Kaingáng

¹⁸ “Topẽ kuprĩg vỹ inh krĩn mũ. Inh jagrẽ vẽ mỹr. “Ũn jagtar ag mỹ inh vĩ tóm nĩ,” he tóg inh mỹ. Inh jẽnẽg tóg mũ, isỹ ũn sigse kỹ nỹtĩ ag kygvãn jé, isỹ ũn kyvó ag tỹ ẽvãnh há han jé, isỹ ag tỹ ũn vóg kónãn mũ ag ki rĩr há han jé, ag jatu nỹtĩ jé,

Lucas 4:18 Iomraidhean Croise

Mateus 11:5

“Tag han inh tĩ, ha mẽ: ũn kyvó ag vỹ, isugrĩn ẽvãnh há nỹtĩ. Ũn kãnhgrĩ ag vỹ mũ há nỹtĩ, ũ tỹ vẽnh kaga kren vãnh han mũ ẽn ag krenkren han inh tĩ. Ũn kutu ag vỹ ẽmẽ há nỹtĩ ha, ũn kãgter mũ ag vỹ rĩnrĩr mãn kỹ nỹtĩ. Ũn jagtar ag vỹ Topẽ vĩ mẽg tĩ, ũ tỹ kanhkã tá nĩ ẽn tỹ tỹ ẽg pã'i nĩnh ke to.

Mateus 12:18

ha mẽ: “sỹ ũn kuprẽg mũ ẽn, he tóg, Topẽ ti. Inh mỹ rãnhrãj tĩn hã vẽ. Inh fe pẽ vẽgtĩ, sỹ ti ve kỹ tóg inh mỹ sér tĩ. Ti hã mỹ sóg inh kuprĩg jẽnẽnh ke mũ, kỹ tóg inh vĩ tónh ke mũ sir, fóg ag mỹ, kanhgág ag mỹ ke gé, isỹ ag jykre tugnỹm ke ti, he tóg, Topẽ ti.

Mateus 12:20

Ẽprã ke ag tỹ inh vĩ mranh kỹ ag tóg vãn tóg tỹ kamkam ke ẽn ri ke nỹtĩ. Hã ra ti pijé ag tỹ kamkam ke kãn ke mũ', isỹ ũ to: inh fe, he mũ ẽn ti. Néj gru tỹ nhyn ke sór ẽn ri ke ag nỹtĩ gé. Ti pijé ag tỹ nhyn kenh ke mũ'. Ag mỹ tóg vĩ há han ke mũ. Tag kar kỹ sóg kejẽn vẽnh kar jykre tugnỹm ke mũ.

Mateus 4:16

Tá ag tóg Topẽ ki kagtĩg nỹtĩ, hã kỹ tóg tá ag kri kuty ri ke nĩ. Ti tỹ tá jun kỹ tóg ag kri kurã ẽn ri ke nĩ. Ag kãgter ke vẽ vẽ, hã ra tóg ag kanhrãn mũ, ag krenkren jé,” he tóg, Topẽ vĩ rán ki.

Mateus 5:3

“Topẽ vỹ ãjag ve há han mũ, ãjag tỹ: “kórég inh nĩ,” hen kỹ. “Sỹ Topẽ kuprĩg tỹ jagrẽn kỹ nĩ tũ nĩ ra sóg tỹ, ũn kórég nĩnh mũ vẽ,” hem nĩ. Kỹ ãjag tóg, ti tỹ tỹ ẽg pã'i nĩ venh ke mũ, kanhkã tá,” he tóg.

Lucas 4:17

Kỹ ag tóg ti mỹ Isaías tỹ rá jun mũ. Kỹ tóg livro kavãn kỹ to ke kỹ tag tó mũ, ha mẽ:

Lucas 6:20

Kỹ tóg ti mré mũ tĩ ag ki ẽvãnh mũ, kỹ tóg ag mỹ: “Topẽ vỹ ãjag ve há han mũ, ãjag tỹ: “kórég ẽg tóg nỹtĩ,” hen kỹ,” he mũ. “Kỹ ãjag tóg Topẽ tỹ tỹ ẽg pã'i nĩ venh ke mũ,” he tóg.

Lucas 7:22

Kỹ tóg ag mỹ: “João mỹ ãjag tỹ nén vég mũ tag tónh mũ jẽg,” he mũ. “Tag han inh tĩ, ha mẽ: ũn kyvó ag vỹ isugrĩn ẽvãnh há nỹtĩ ha. Ũn kãnhgrĩ ag vỹ mũ há han mũ ha, ũ tỹ lepra han mũ ag vỹ há nỹtĩ. Ũn kutu ag vỹ ẽmẽ há nỹtĩ ha. Ũn kãgter mũ ag vỹ rĩnrĩr mãn gé. Ũn jagtar e ja ag vỹ Topẽ vĩ sér mẽg mũ ha ke gé, Topẽ tỹ tỹ ẽg pã'i nĩnh ke to.

João 1:41

Kỹ tóg vẽsỹmér ti kãke venh tĩ kỹ ti mỹ: “Messias ve inh,” he mũ. Messias to ken hã vẽ, hã vỹ: Cristo, he mũ, hã vỹ: Topẽ tỹ ũn jẽnẽg mũ, he mũ.

João 12:46

Sỹ ãjag mỹ kurã han hã jé sóg kãtĩg. Ãjag tỹ inh ki ge kỹ sóg ãjag mỹ kuty ẽn tỹ tũ' he mũ.

João 3:34

Topẽ tỹ ũn jẽnẽg mũ ẽn vỹ ti vĩ kãmén mũ. Topẽ kuprĩg vỹ Jesus tar han mũ, ti tỹ tỹ ti jagrẽ pẽ nĩn kỹ, ti tỹ ti ve mág han kỹ.

Han Kãme 10:38

Kỹ Topẽ tóg Jesus mỹ ti kuprĩg jẽnẽ ja nĩ. Kỹ tóg ti mỹ vẽjykre nĩm ja nĩ. Ga kar mĩ tóg tĩg ja nĩgtĩ. Nén há kar han ja tóg nĩgtĩ. Japo tỹ ũn vóg kónãn mũ ag tỹ tóg há' he ja nĩgtĩ gé. Topẽ hã ne ti mré han ja nĩgtĩ hã ra'.

Han Kãme 26:18

“Ag kanẽ nugnón sór inh mũ. Ag tỹ vẽjykre pãno han kỹ tóg ag kã ki kuty nĩ sir, hã ra sóg ag kã ki jẽngrẽ han sór mũ. Japo krẽm ag nỹtĩ. Hã ra sóg ag kygvãn sór mũ. Ag tỹ inh vĩ mranh tỹ sóg vẽnh pãte fón sór mũ, ag tỹ ũ tỹ inh ki ge kỹ nỹtĩ ag mré kanhkã tá junjun jé, he tóg inh mỹ, Jesus ti,” he tóg, Paulo ti.

Han Kãme 4:26

Nação kar ag pã'i ag vỹ vẽnh génh kỹ nỹtĩ, ẽg pã'i ag ke gé, Topẽ kato tẽgtẽ jé, Topẽ tỹ ũn kuprẽg mũ ẽn ag kato, he ja tóg nĩgtĩ.

Han Kãme 4:27

Hã ra tóg ki hã tó ja nĩ. Ẽmã tag ki ag tóg vẽnh génh kỹ nỹtĩ, ã kósin tỹ Jesus kato, ũn kuryj nĩ ẽn kato. Pã'i mág tỹ Herodes vỹ ti kato tẽ mũ gé, pã'i tỹ Pilatos ke gé, fóg ag kar, Judeu ag kar ke gé.

Colossos 1:13

Ẽg kygva tóg huri, hã kỹ ẽg tóg tỹ kuty tãn ag mré ke tũ nỹtĩ ha. Topẽ kósin mré ke vỹ tỹ ẽg nỹtĩ, ũri, Topẽ tỹ ũ to: inh fe, he mũ ẽn mré.

Tiago 2:5

Inh kanhkã', jẽmẽ há han ra. Ãjag to sóg há nĩ mỹr, hã kỹ sóg ãjag jyvẽn mũ. Topẽ vỹ ũn jagtar ag kuprẽg, ag tỹ ti to rikon jé, ti ki ge kỹ. Ga kri mũn kỹ ag tóg jagtar nỹtĩ. Ẽg Senhor ki ge kỹ ag tóg há nỹtĩ hã ra. Topẽ tỹ tỹ ẽg pã'i nĩ ve jé ag tóg ke mũ, ag tỹ ti to há nỹtĩn kỹ.

1 Pedro 2:9

Ãjag hã kuprẽg tóg, ãjag tỹ tỹ ti tũ to pã'i mág nỹtĩ jé, ãjag tỹ tỹ ti povo nỹtĩ jé, vyr mỹ. Ãjag kuprẽg tóg, ãjag tỹ ti tỹ nén han mũ kãmén jé, ti jykre tar ti. Vãsỹ ãjag tóg kuty mĩ mũ ja nĩgtĩ. Hã ra tóg ãjag tatĩ kãtĩg, ãjag tỹ ũri kurã mĩ mũ jé, jẽngrẽ mĩ.