Lucas 4:1 - O Novo Testamento na língua Kaingáng

¹ Jesus vỹ Topẽ kuprĩg tỹ jagrẽ nĩ. Hã kỹ tóg goj tỹ Jordão tá vỹn ke mũ, ti kype kỹ jẽn kỹ. Ti tĩg kỹ Topẽ kuprĩg vỹ ti krĩn mũ.

Lucas 4:1 Iomraidhean Croise

Mateus 3:16

Ti tỹ Jesus kype kar kỹ ag tóg, goj kã tá kãpa mũ sir. Kỹ Jesus tóg, kanhkã ki ẽvãnh kỹ ti nor nĩ ẽn vég mũ, ha mẽ, kỹ tóg Topẽ kuprĩg kãtére ẽn vég mũ. Sórãg tẽ ri ke tóg nĩ, ti kãtére ti. Jesus kri tóg góm ke mũ.

Lucas 2:27

Topẽ kuprĩg tỹ ti krĩn kỹ tóg kejẽn Topẽ ĩn ra tĩ mũ. Ti tỹ tá jẽ ra fag tóg Jesus va kãmũ mũ, fag tỹ Topẽ mỹ sórãg pũn jé.

Lucas 3:3

Kỹ tóg tĩ mũ sir, goj tỹ Jordão jagma. Tĩg kỹ tóg vẽnh kar jyvẽn mũ. Ag mỹ tóg: “ã kype jé sóg ke mũ, ã tỹ ã jykre kórég tovãnh kỹ. Kỹ Topẽ tóg ã tỹ ti vĩ mranh ja tỹ ã mỹ vẽnh pãte fón mũ,” he mũ.

Lucas 3:38

Enos, Sete, Adão. Adão vỹ tỹ Topẽ tỹ há nĩ. Jesus jóg’jóg ve ag hã vẽ.

Lucas 4:14

Kỹ tóg tĩ mũ sir, Topẽ kuprĩg tỹ ti krĩn kỹ. Ga tỹ Galiléia ra tóg tĩ mũ. Kỹ vẽnh kar tóg ti kãme mẽ kãn mũ sir, ga ẽn tá ke kar ag.

Lucas 4:18

“Topẽ kuprĩg vỹ inh krĩn mũ. Inh jagrẽ vẽ mỹr. “Ũn jagtar ag mỹ inh vĩ tóm nĩ,” he tóg inh mỹ. Inh jẽnẽg tóg mũ, isỹ ũn sigse kỹ nỹtĩ ag kygvãn jé, isỹ ũn kyvó ag tỹ ẽvãnh há han jé, isỹ ag tỹ ũn vóg kónãn mũ ag ki rĩr há han jé, ag jatu nỹtĩ jé,

João 1:32

Kỹ tóg: “Topẽ kuprĩg ve inh,” he mũ gé. “Kanhkã tá kãtére kỹ tóg ti jẽnĩmanh kri nĩ nĩ. Tỹ tóg sórãg ve nĩ.

João 3:34

Topẽ tỹ ũn jẽnẽg mũ ẽn vỹ ti vĩ kãmén mũ. Topẽ kuprĩg vỹ Jesus tar han mũ, ti tỹ tỹ ti jagrẽ pẽ nĩn kỹ, ti tỹ ti ve mág han kỹ.

Han Kãme 1:2

Kỹ sóg ti tỹ kanhkã ra tãpry mũ rán huri ke gé. Ti tỹ kanhkã ra tãpry to hã tóg ti tỹ ũn kuprẽg mũ ag mré vẽmén ja nĩ ver. Topẽ kuprĩg tỹ ti mỹ nén tó mũ ẽn tó tóg mũ ag mỹ.

Han Kãme 10:38

Kỹ Topẽ tóg Jesus mỹ ti kuprĩg jẽnẽ ja nĩ. Kỹ tóg ti mỹ vẽjykre nĩm ja nĩ. Ga kar mĩ tóg tĩg ja nĩgtĩ. Nén há kar han ja tóg nĩgtĩ. Japo tỹ ũn vóg kónãn mũ ag tỹ tóg há' he ja nĩgtĩ gé. Topẽ hã ne ti mré han ja nĩgtĩ hã ra'.

Han Kãme 8:39

Ag tỹ goj kã tá kãpa kỹ Filipe tóg tũ' he mũ, Topẽ kuprĩg tỹ ti ma tĩg kỹ. Kỹ pã'i ẽn tóg ti ve mãn tũ nĩ sir. Kỹ tóg tĩ mũ, ti jamãn ra. Ti mỹ tóg sér tĩ sir.