Lucas 3:8 - O Novo Testamento na língua Kaingáng

⁸ Ãjag jykre pãno tugvãnh ra, ãjag tỹ ti jũ ve jãvãnh tĩn kỹ. Vẽjykre há han ra, ẽg tỹ ãjag jykre tãg ve jé. Hã ra ãjag tóg jagnẽ mỹ: “Abraão krẽ vỹ tỹ ẽg nỹtĩ, kỹ Topẽ hỹn ẽg to jũnh ke tũ nĩ,” he tĩ. Hã tũ vẽ hã ra. Ãjag jykre pãno ẽn to ãjag tóg jagtar ke mũ, ha vem nĩ. Topẽ vỹ pó tag tỹ Abraão krẽ'krẽ hynhan ki kanhró nĩ, ãjag jẽgja kã.

Lucas 3:8 Iomraidhean Croise

Mateus 21:43

“Hã kỹ sóg ãjag mỹ: ãjag tỹ Topẽ tỹ tỹ ẽg pã'i nĩ venh ke vẽ vẽ, hã ra ãjag tóg venh ke tũ nĩ,” he mũ. “Ũ ag hã vỹ venh ke mũ, povo ũ ag, ag tỹ inh vĩ kri fi kỹ,” he tóg.

Mateus 3:8

Ãjag jykre pãno tovãnh nĩ, ti tỹ ãjag to jũ tũ nĩ jé. Vẽjykre há han nĩ, ẽg tỹ ãjag jykre tãg hã ve jé.

Mateus 3:9

Hã ra ãjag tóg jagnẽ mỹ: “Abraão vỹ tỹ ẽg jógjóg ve nĩ. Kỹ Topẽ vỹ ẽg to jũnh ke tũ nĩ,” he tĩ. Ke tũ vẽ hã ra. Ãjag jykre kórég ẽn to ãjag tóg jagtar ke mũ, ha vem nĩ. Topẽ vỹ pó tag tỹ Abraão krẽ'krẽ hynhan ki kanhró nĩ, ti tỹ Abraão krẽ'krẽ ũ ve sór kỹ.

Lucas 13:25

Ðn ki rĩr tĩ ẽn tỹ nĩfénh ja vẽ mỹr, hã kỹ ag tóg, kã ra genh ke tũ nĩ ha. Kanhkã to ken hã vẽ, ĩn ti. Ðn ki rĩr tĩ ẽn hã ne nĩfénh ke mũ', kỹ ãjag tóg sir re tá nỹtĩ kỹ tỹ tórón' tórón' kenh ke mũ.“Senhor', ẽg mỹ róm, ẽg jy nón, jãnkã ti,” he jé ãjag tóg ke mũ. Hã ra tóg sir ãjag mỹ: “ãjag ki kagtĩg sóg nĩ,” henh ke mũ.

Lucas 13:26

Kỹ ãjag tóg ti mỹ: “ẽg hã vỹ ã mré jẽn ja nĩ, ã mré ẽg tóg kron ja nĩ, ẽg kanhrãn ja ã tóg nĩ, ẽg jamã tá. Ẽg hã vẽ,” henh ke mũ.

Lucas 14:9

Kỹ fénhta ki rĩr mũ ẽn tóg ã mỹ: “toreg ver'. Ti jẽn kar kỹ hã ã tóg jẽn ke mũ,” henh ke mũ. Kỹ tóg ã mỹ'a tĩnh mũ sir, ha mẽ.

Lucas 19:40

Hã ra Jesus tóg ag mỹ: “vó, ag prẽnprẽr tũ nĩ ra pó hỹn prẽnprẽr mũ vẽ, ag mỹn sér tĩnh mũ vẽ,” he mũ.

Lucas 19:9

Kỹ tóg ti mỹ: “ũri ã tóg kren ke mũ, ã mré ke fag mré hã. Abraão krẽ'krẽ vỹ tỹ ã nĩ gé,” he mũ.

Lucas 5:21

Hã ra ti vĩ tóg pã'i ag mỹ e tĩ. Kỹ ag tóg ti to jykrén kónãn mũ. “Ti tỹ ne tó nẽ hỹn'? Topẽ to vĩ kónãn vẽ mỹr. Topẽ hã ne ti pir mỹ ũ tỹ ti vĩ mranh mũ ẽn mỹ tỹ tũ' he há nĩnh mũ',” he ag tóg mũ.

João 8:33

Kỹ ag tóg ti mỹ: “Abraão krẽ'krẽ vỹ tỹ ẽg nỹtĩ,” he mũ. “Ẽg pijé tỹ ũ camarada nỹtĩ', ũri, vãsỹ ke gé. Ne to ke nẽ, hã vỹ: patrão kórég ve mãn ke tũ ãjag nĩ, he mũ tag ti?“ he ag tóg.

João 8:39

Kỹ ag tóg ti mỹ: “hỹ, Abraão vỹ tỹ ẽg panh nĩ,” he mũ. Kỹ Jesus tóg: “ãjag tỹ tỹ Abraão krẽ nỹtĩn kỹ ti jykre han nĩ ge,” he mũ.

Han Kãme 26:20

Damasco tá ke ag mỹ sóg tó vén, kar Jerusalém tá ke ag mỹ ke gé, ga tỹ Judéia tá ke kar ag mỹ ke gé. Judeu kar ag mỹ sóg tó mũ. Kar sóg fóg ag mỹ tó mũ gé sir, kanhgág ag mỹ ke gé, ag tỹ ag jykre pãno tovãnh jé, ag tỹ Topẽ jykre han jé sir, vẽnh kar tỹ ag jykre há ve jé,” he tóg.

Roma 4:16

Hã ra tóg ẽg mỹ: “ha inh ki rã, sỹ ãjag mỹ nén ũ há ẽn han jé, ãjag tỹ inh ki ge tugrĩn,” he ja nĩgtĩ. Ti tỹ ẽg jagãgtãn hã vẽ. Ti pijé Judeu jykre han mũ ag tãvĩ mỹ vin sór mũ'. Ũ tỹ Abraão ri ke Topẽ ki ge mũ ag mỹ tóg vin sór mũ gé, fag mỹ ke gé. Ẽg kar jógjóg ve vỹ tỹ ti nĩ.

Roma 9:7

Hã ra ag tóg ón kỹ: “Abraão vỹ tỹ ẽg jógjóg ve nĩ,” he tĩ, “hã kỹ ẽg tóg tỹ Topẽ krẽ nỹtĩ,” he ag tóg tĩ. Ag tỹ kygnẽ vẽ, ha mẽ. Topẽ tóg Abraão mỹ: “ã kósin tỹ Isaque krẽ vỹ tỹ ã krẽ pẽ nỹtĩnh mũ,” he ja nĩ.

Filipos 1:11

Kỹ ãjag tóg vẽjykre há han kãn ke mũ sir, Jesus Cristo tỹ ãjag mỹ ti jykre há ẽn nĩm kỹ. Hã jé sóg Topẽ mỹ ãjag tó tĩ. Ti tỹ ãjag krĩ tỹ há' hen kỹ vẽnh kar tóg ti tỹ tỹ ũn mág nĩ venh ke mũ. Kỹ ag tóg ti mỹ vĩ há han ke mũ gé sir.