Lucas 3:3 - O Novo Testamento na língua Kaingáng

³ Kỹ tóg tĩ mũ sir, goj tỹ Jordão jagma. Tĩg kỹ tóg vẽnh kar jyvẽn mũ. Ag mỹ tóg: “ã kype jé sóg ke mũ, ã tỹ ã jykre kórég tovãnh kỹ. Kỹ Topẽ tóg ã tỹ ti vĩ mranh ja tỹ ã mỹ vẽnh pãte fón mũ,” he mũ.

Lucas 3:3 Iomraidhean Croise

Mateus 3:11

Kỹ tóg vẽnh kar mỹ: “goj hã tỹ sóg ãjag kygpég tĩ, ãjag tỹ ãjag jykre pãno tovãnh kỹ,” he mũ. “Cristo tóg inh nón kãtĩg ke mũ. Kỹ ti hã tóg Topẽ kuprĩg tỹ ãjag jagrẽ han ke mũ. Kỹ tóg tỹ pĩ ve nĩ. Ti tỹ ãjag kygpenh ken hã vẽ. Inh kãfór ti nĩ, jãvo sóg tỹ ti krẽm ke pẽ nĩ,” he tóg.

Lucas 1:16

Israel ag mỹ tóg Topẽ vĩ tónh mũ, kỹ ũ tỹ hẽn ri ke ag vỹ ti vĩ mẽ kỹ, kri fi kỹ, ag jykre pãno tovãnh ke mũ, Topẽ jykre kuryj hã han jé, fag ke gé.

Lucas 1:77

“Ag kanhrãn jé ã tóg ke mũ, Topẽ tỹ ẽg krenkren han sór ẽn to. Ẽg tỹ ti vĩ mranh tỹ tóg ẽg mỹ vẽnh pãte fón ke mũ, hã ki tóg ẽg krenkren han ke mũ, Topẽ ti,” he tóg.

Lucas 4:1

Jesus vỹ Topẽ kuprĩg tỹ jagrẽ nĩ. Hã kỹ tóg goj tỹ Jordão tá vỹn ke mũ, ti kype kỹ jẽn kỹ. Ti tĩg kỹ Topẽ kuprĩg vỹ ti krĩn mũ.

João 1:28

Ẽmã tỹ Betânia tá ag tóg ti venh kãmũ ja nĩgtĩ, goj tỹ Jordão mã tá. Tá tóg ag kygpég jẽ nĩ.

João 3:26

Kỹ ti mré mũ ag tóg João mỹ: “ũ tỹ Jordão mãtá ã mré nĩ ja ẽn vỹ ag kygpég jẽ nĩ, ã tỹ ẽg mỹ ũn kãmén ja ẽn ti. Hã ra vẽnh kar vỹ ti mré mũ mũ ha, hã kỹ ag tóg ã venh kãmũ mãn tũ nĩ ha,” he mũ. Ag tỹ Jesus to vẽ.

Han Kãme 13:24

João vỹ ti kãtĩg ke jo vẽnh kar mỹ: “ãjag jykre tovãnh ra, isỹ ãjag kygpe jé,” he ja nĩgtĩ, ẽg povo tỹ Judeu kar mỹ.

Han Kãme 19:4

Kỹ tóg: “João tóg ag kygpe ja nĩgtĩ, ag tỹ ag jykre pãno tovãnh kỹ,” he mũ. “Kỹ tóg vẽnh kar mỹ: ũ tỹ inh nón kãtĩg ke mũ ẽn ki gem nĩ, hã vỹ: Jesus, he mũ, he ja nĩ,” he tóg, Paulo ti.

Han Kãme 22:16

Kỹ ẽmẽ kã nĩ tũg nĩ. Jẽgnẽ ra, ã tỹ kype kỹ jẽ jé, Topẽ tỹ ã tỹ ti vĩ mranh tỹ tũ' he jé. Ti mré vĩ, ti jiji tó kỹ,” he tóg inh mỹ, Ananias ti,” he tóg, Paulo ti.