Lucas 3:2 - O Novo Testamento na língua Kaingáng

² Ẽn kã Caifás vỹ tỹ Topẽ tũ ki rĩr tĩ ag pã'i mág nĩ, Anás mré. Kỹ vãhã Topẽ vỹ Zacarias kósin tỹ João mỹ: “ha Israel ag mỹ vẽnh ven tĩg,” he mũ, ti tỹ ẽmã tũ ja tá nĩn kỹ.

Lucas 3:2 Iomraidhean Croise

Mateus 11:7

Kỹ ag tóg mũ mũ sir, João mỹ tó jé. Ag mũ kar kỹ tóg, vẽnh e ag mỹ ti kãmén mũ. “Ãjag tỹ ẽmã tũ ja ra mũn kỹ, ti ve jé, kỹ ti jykre hỹn ne ri ke nĩ, ãjag mỹ?“ he tóg. “Ti jykre mỹ kãka tỹ vãnh tỹ man man ke ri ke nĩ? Vó, ri ke tũ ti nĩ.

Mateus 26:3

Hã ra Topẽ tũ to pã'i ag vỹ vẽnh mãn mũ sir, Topẽ vĩ to ẽg kanhrãn tĩ ag mré hã, kófa ag ke gé, Pã'i mág tỹ Caifás, he mũ ĩn tá.

Marcos 1:2

Vãsỹ Topẽ vĩ tó tĩ tỹ Isaías vỹ Jesus to tag rán ja nĩ, kỹ tóg: “ã jo sóg ũ jẽnẽnh mũ, ti tỹ vẽnh kar kãn jé, ã tĩg ken jo,” he mũ. “Ag jyvẽn jé tóg ke mũ, kỹ tóg ẽpry prun ri ke nĩ.

Lucas 1:80

Zacarias fag tỹ João ve jan hã vẽ, fag tỹ kófa nỹtĩ ra. Kỹ tóg fag mỹ mog mũ sir. Tar tóg jẽ sir. Krĩ há tóg nĩ gé. Kỹ tóg ẽmã tũ mĩ tĩ mũ ver, ti tỹ povo tỹ Israel ag mỹ Topẽ vĩ kãmén ke jo.

João 1:23

Kỹ tóg ag mỹ Isaías tỹ rá tó mũ, hã vỹ: “ũ tỹ ẽmã tũ ja tá jẽ kỹ vẽnh kar mỹ Topẽ jykre kãmén mũ ẽn vỹ tỹ inh nĩ,” he mũ. “Ũ tỹ vẽnh kar mỹ: “ẽg Senhor japry kure ra, ti jamĩn kurynh ra,” he tĩ ẽn vỹ tỹ inh nĩ,” he tóg.

João 18:24

Tag pãte Anás tóg Jesus jẽnẽg mũ sir, Caifás mỹ, Topẽ tũ to pã'i ag pã'i mág ẽn mỹ. Ti mrĩnh kỹ jẽ kỹ tóg ti jẽnẽg mũ.

Han Kãme 4:6

Topẽ tũ to pã'i mág jiji hã vỹ: Anás, he mũ. Ag pã'i mág ũ jijin hã vỹ: Caifás, he mũ. Pã'i mág kanhkã ũ jiji hã vỹ: João, he mũ, kỹ ũ jijin hã vỹ: Alexandre, he mũ. Pã'i kar ag vỹ tá vẽnh mãn kỹ nỹtĩ.