Lucas 3:19 - O Novo Testamento na língua Kaingáng

¹⁹ Kỹ tóg pã'i mág tỹ Herodes jyvẽn mũ gé, ti prũ fi to, hã vỹ: Herodias fi, he mũ. Ti jãvy prũ ja fi vẽ, hã ra tóg fi péju kỹ fi tỹ prũg mũ. Nén ũ vẽnh mỹ e han tóg tĩ, hã kỹ tóg ti jyvẽn mũ.

Lucas 3:19 Iomraidhean Croise

Mateus 11:2

Kejẽn João Batista tóg se kỹ nĩ nĩ. Ti tỹ se kỹ nĩ ra tóg Jesus kãme mẽg mũ. Kỹ tóg ti mỹ vẽnh vĩ jẽnẽg mũ, ti mré mũ tĩ ag tỹ.

Mateus 14:1

Kỹ kejẽn pã'i mág tỹ Herodes vỹ mẽg mũ, Jesus kãme ti.

Mateus 14:6

Hã ra tóg kejẽn Herodes mur ja kurã tá krỹg mũ. Kỹ fénhta ẽn kã Herodias fi kósin fi vỹ ag jo vẽnh grén mũ sir, ti mré jẽg mũ ag jo. Kỹ tóg Herodes mỹ sĩnvĩ nĩ.

Lucas 3:1

Kejẽn tóg Tibério tỹ Roma tá tỹ vẽnh kar kri pã'i mág pẽ nĩ kri 15 (ke) anos han mũ. Ẽn kã Pôncio Pilatos vỹ tỹ, ga tỹ Judéia kri pã'i tỹ governador nĩ. Kỹ Herodes vỹ tỹ Galiléia kri pã'i tỹ governador nĩ gé. Jo ti jãvy tỹ Filipe vỹ tỹ ga tỹ Ituréia tá pã'i tỹ governador nĩ gé, ga tỹ Traconites tá ke gé. Jãvo Lisânias vỹ tỹ ga tỹ Abilene tá tỹ pã'i tỹ governador nĩ.

Lucas 3:18

Hã kỹ João tóg vẽnh kar mỹ Topẽ vĩ sér tó mũ, ag jyvẽn kỹ.