Lucas 3:16 - O Novo Testamento na língua Kaingáng

¹⁶ Kỹ tóg ag mỹ: “inh pijé tỹ Cristo nĩ',” he mũ. “Goj hã tỹ sóg ãjag kygpég tĩ. Cristo vỹ Inh nón kãtĩg mũ, ha mẽ. Inh kãfór ti nĩ. Sỹ tỹ ti mỹ rãnhrãj tĩ nĩnh ke vẽ vẽ, sỹ ti pẽn né kunũnh jé. Hã ra sóg tỹ ti krẽm ke pẽ jẽ. Topẽ kuprĩg tỹ tóg ãjag jagrẽ han ke mũ, kỹ tóg pĩ ri ke nĩ,” he tóg.

Lucas 3:16 Iomraidhean Croise

Mateus 3:11

Kỹ tóg vẽnh kar mỹ: “goj hã tỹ sóg ãjag kygpég tĩ, ãjag tỹ ãjag jykre pãno tovãnh kỹ,” he mũ. “Cristo tóg inh nón kãtĩg ke mũ. Kỹ ti hã tóg Topẽ kuprĩg tỹ ãjag jagrẽ han ke mũ. Kỹ tóg tỹ pĩ ve nĩ. Ti tỹ ãjag kygpenh ken hã vẽ. Inh kãfór ti nĩ, jãvo sóg tỹ ti krẽm ke pẽ nĩ,” he tóg.

Mateus 3:12

“Ti kãtĩg vỹ ẽg tỹ rãgró rẽn ri ke nĩ. Ti rẽn kar kỹ ẽg tóg ti fár pũn tĩ. Ti kanẽ hã vin han ẽg tóg tĩ. Cristo kãtĩg kỹ tóg ge nĩnh mũ. Ti to há nỹtĩ ag mỹ tóg: “ha kãmũ jẽg,” henh ke mũ. Kỹ tóg ti to há tũ ag vãm ke mũ, pĩ ki, hã ra tóg nhyn kenh ke tũ pẽ nĩ,” he tóg, João ti.

João 1:26

Kỹ tóg: “goj tỹ sóg ag kygpég tĩ,” he mũ. “Hã ra ũ tóg ãjag kã mĩ tĩnh mũ ha, ãjag tỹ ũn ki kagtĩg ũ.

João 1:27

Ẽn vỹ inh nón kãtĩg ke mũ, hã ra tóg inh kãfór nĩ. Sỹ tỹ ti mỹ rãnhrãj tĩ nĩnh ke vẽ vẽ, sỹ ti pẽn né kunũnh ke vẽ vẽ. Hã ra sóg tỹ ti krẽm ke pẽ jẽ,” he tóg, João ti.

João 1:33

Inh pijé Jesus ki kanhró nĩ vẽ'. Hã ra Topẽ tóg inh mỹ: “ha ag kygpenh tĩg,” he ja nĩ. Kỹ tóg inh mỹ: “ã tỹ inh kuprĩg ve kỹ ã tóg ti ki kanhró nĩnh mũ,” he ja nĩ gé. “Kanhkã tá kãtére kỹ tóg ag kã ũn pir kri góm kenh ke mũ. Ẽn vỹ inh kuprĩg tỹ ag kygpenh ke mũ,” he ja tóg nĩ inh mỹ, Topẽ ti, Jesus to.

João 7:38

“!..Topẽ vĩ ki tag vỹ rán kỹ nĩ, ha mẽ: !..ãjag tỹ inh ki ge kỹ tóg ãjag kã ki goj ror han ke mũ, isỹ ãjag mỹ goj nĩm ke ti.. !..kỹ goj tag vỹ ãjag rĩnrĩr pẽ han ke mo..!“ he tóg.

Han Kãme 1:5

“João vỹ goj tỹ ẽg kygpe ja nĩgtĩ,” he tóg. “Hã ra ãjag tóg kãnhmar Topẽ kuprĩg tỹ jagrẽ nỹtĩnh ke mũ. Sỹ ãjag kygpenh ken hã vẽ,” he tóg, Jesus ti.

Han Kãme 10:44

Pedro tỹ tag tó kỹ vãhã Topẽ kuprĩg tóg ag ki rã mũ, ũ tỹ ti vĩ mẽg mũ ag ki.

Han Kãme 2:33

“Topẽ tóg ti mỹ: kunĩg, inh pẽgja tá nĩ, he ja nĩ. Kỹ tóg ti mỹ ti tỹ ẽg mỹ nén tó ja ẽn nĩm, hã vỹ: Topẽ kuprĩg, he mũ. Hã kỹ tóg ẽg mỹ tỹ ẽg jagrẽ han mũ, Jesus ti. Hã kỹ ãjag tóg ũri tag vég mũ,” he tóg.

1 Corinto 12:13

Topẽ kuprĩg vỹ tỹ ũn pir nĩ. Kỹ ẽg kar vỹ kygpe kỹ nỹtĩ, ti kuprĩg tỹ, hã vỹ: Cristo há pir, he mũ. Ẽg kã mĩ ũ ag tóg tỹ Judeu nỹtĩ. Ũ ag tóg tỹ fóg nỹtĩ gé. Ũ ag tóg tỹ kanhgág nỹtĩ gé. Hã ra tóg tỹ ẽg kar jagrẽ nĩ. Kỹ ẽg tóg tỹ ũn pir nỹtĩ.