Lucas 3:14 - O Novo Testamento na língua Kaingáng

¹⁴ Kỹ porisa ag vỹ: “kỹ ẽg hỹn hẽ ri kenh mũ?” he mũ gé sir. Kỹ tóg ag mỹ: “ũ tũ mãn sór tũg nĩ,” he mũ. “Ũ to vãsãn tũg nĩ. Ũ to ón tũg nĩ. Ag jãnkamy mãn tũg nĩ. Ãjag rãnhrãj to ãjag tóg jãnkamy vég tĩ. Kỹ ti kãfór mãn sór tũg nĩ,” he tóg.

Lucas 3:14 Iomraidhean Croise

Mateus 8:5

Kỹ Jesus tóg kejẽn ẽmã tỹ Cafarnaum tá jun mũ. Kỹ fóg tỹ capitão tóg, ti venh kãtĩ mũ.

Lucas 19:8

Kỹ tóg ti ĩn krẽm nĩ nĩ. Kỹ Zaqueu tóg vẽso jykrén kỹ ti mỹ vẽnh kãmén mũ. “Ha vé, isũ kuju vin jé sóg ke mũ, ũn jagtar ag mỹ. Ũ ag lograr he ja sóg nĩgtĩ, ag tũ ki, hã ra sóg ag mỹ ti kãfór nĩm sór mũ ha. Sỹ jãnkamy pir ki ũ lograr he jan ki sóg ti mỹ ũ tỹ 4 (ke) vin sór mũ,” he tóg mũ.

Lucas 3:10

Kỹ ũn e ag tóg ti mỹ: “kỹ ẽg hỹn hẽ ri kenh mũ, ẽg tỹ Topẽ jykre han jé?” he mũ.

Lucas 3:13

Kỹ tóg ag mỹ: “pã'i mág tỹ jãnkamy to ãjag mỹ nén tó mũ ẽn hã ri ke mãn nĩ,” he mũ. “Ker kãfãn kỹ mãn sór hẽ',” he tóg ag mỹ.

Han Kãme 10:7

Kỹ tóg tĩ mũ sir. Kỹ capitão ẽn tóg ti mré rãnhrãj tĩ régre ag jé prẽr mũ, soldado pir mré, ũ tỹ Topẽ kamẽg tĩ ũ.

Filipos 2:15

Hã tugnĩn ũ tóg ãjag to jykrén kónãn ke tũ nĩ, ãjag tỹ kygnẽg tũ nĩn kỹ. Kỹ ãjag tóg tỹ Topẽ krẽ nỹtĩ gé, ãjag tỹ ti jykre há han kỹ. Ẽprã ke kar vỹ jykre pãno nỹtĩ, Topẽ vĩ mranh kỹ. Kỹ ãjag tóg ag mỹ jẽngrẽ ri ke nỹtĩ, ãjag tỹ ag mỹ Topẽ vĩ kãmén kỹ.

Filipos 4:11

Hã ra sóg ãjag mỹ isỹ nén ve sór mũ ẽn ti tó ja tũ nĩ. Sỹ nén vég mũ kar vỹ inh mỹ há nĩ.

Tito 2:3

Kỹ kófa fag jyvẽn nĩ gé. “Vẽso jykrén nĩ,” hem nĩ fag mỹ. “Ũ to vĩ kónãn tũg nĩ. Vinho to én sór tũg nĩ. Vẽjykre há hã han nĩ, vẽnh kar tỹ ve jé.

Nén Venh Ke 12:10

Kỹ sóg kanhkã tá vẽnh vĩ ũ mẽg mũ gé. Jamã há ra tóg: “tág',” he mũ. “Ẽg krenkren han tóg huri, Topẽ ti. Kỹ vẽnh kar tóg vé, Topẽ tỹ tỹ ũn mág pẽ nĩ ti. Vãhã Cristo tóg vẽnh kar mỹ ti tỹ tỹ ũn tar nĩ ẽn ven huri. Ag tỹ ũn kutẽm mũ ẽn tóg ẽg mré ke ag kato vĩ kónãn ja nĩgtĩ, Topẽ mỹ, kurã ki, kuty tá ke gé. Hã ra tóg kutẽm kỹ jẽ ha.