Lucas 3:13 - O Novo Testamento na língua Kaingáng

¹³ Kỹ tóg ag mỹ: “pã'i mág tỹ jãnkamy to ãjag mỹ nén tó mũ ẽn hã ri ke mãn nĩ,” he mũ. “Ker kãfãn kỹ mãn sór hẽ',” he tóg ag mỹ.

Lucas 3:13 Iomraidhean Croise

Mateus 7:12

“Ãjag tỹ ũ to: “ti tỹ inh mỹ tag han ra tóg há tĩ vẽ,” hen kỹ inhhã ti mỹ han nĩ, fi mỹ ke gé. Moisés tỹ ẽg jyvẽn hã vẽ, Topẽ vĩ tó tĩ ag tỹ ẽg jyvẽn hã vẽ,” he tóg, Jesus ti.

Lucas 19:8

Kỹ tóg ti ĩn krẽm nĩ nĩ. Kỹ Zaqueu tóg vẽso jykrén kỹ ti mỹ vẽnh kãmén mũ. “Ha vé, isũ kuju vin jé sóg ke mũ, ũn jagtar ag mỹ. Ũ ag lograr he ja sóg nĩgtĩ, ag tũ ki, hã ra sóg ag mỹ ti kãfór nĩm sór mũ ha. Sỹ jãnkamy pir ki ũ lograr he jan ki sóg ti mỹ ũ tỹ 4 (ke) vin sór mũ,” he tóg mũ.

Lucas 3:12

Kỹ ũ tỹ governo mỹ imposto kaja mãg tĩ ag vỹ João to kãmũ mũ gé. Kỹ ag tóg ti mỹ: “ẽg kanhrãn tĩ', ẽg hỹn hẽ ri kenh mũ?” he mũ gé.

Lucas 3:14

Kỹ porisa ag vỹ: “kỹ ẽg hỹn hẽ ri kenh mũ?” he mũ gé sir. Kỹ tóg ag mỹ: “ũ tũ mãn sór tũg nĩ,” he mũ. “Ũ to vãsãn tũg nĩ. Ũ to ón tũg nĩ. Ag jãnkamy mãn tũg nĩ. Ãjag rãnhrãj to ãjag tóg jãnkamy vég tĩ. Kỹ ti kãfór mãn sór tũg nĩ,” he tóg.

1 Corinto 6:10

Ũn tũ péju(g) tĩ ẽn pijé venh ke mũ'. Ũ tỹ nén kar to én mẽ pijé venh ke mũ'. Ũn kron mẽ pijé venh ke mũ'. Ũ tỹ ẽg to vĩ kónãn tĩ pijé venh ke mũ'. Ũ tỹ ẽg vatánh tá ẽg tũ mãg tĩ pijé venh ke mũ'. Topẽ tỹ tỹ ẽg pã'i nĩ venh ke tũ ag tóg nĩ, vẽjykre tỹ ge han tĩ ag.

Éfeso 4:28

Vãsỹ ãjag kã mĩ ũ vỹ ũ tỹ nén ũ pigju mẽ ja nĩgtĩ. Kỹ ẽn han mãn tũg nĩ. Ãjag rãnhrãj nón ãjag mũnh ke mũ ũri, ãjag tỹ ãjag rãnhrãj to nén ũ kar ve jé. To vãsãn nĩ, ti tỹ ãjag mỹ kén jé, ãjag tỹ tỹ ũn jagãgtar ag jagãgtãn jé.

Hebreu 12:1

Ha vé, ũ tỹ ẽg jo Topẽ tovãnh tũ ag vỹ e tãvĩ nỹtĩ. Ẽg pénĩn ag e nỹtĩ, ẽg ve kỹ. Kỹ tóg há tĩ, ẽg tỹ Topẽ japry jagma mũ há han ke ti. Ẽg tỹ corrida han ri ke ti nĩ. Ẽg tỹ tỹ vaj kỹ corrida han ken kỹ ẽg tóg ũri vẽnhkán há han ke mũ. “Ne nỹ isar han mũ, corrida to?“ he ẽg tóg tĩ. Ẽg tỹ nén han ke mũ ẽn tovãnh ẽg tóg tĩ, Topẽ jykre ri ke ti nĩ, tag ti. “Tag mỹ Topẽ to isar han mũ vỹ?“ hem nĩ, ãjag tỹ nén han ke mũ ẽn kar to.