Lucas 3:11 - O Novo Testamento na língua Kaingáng

¹¹ Kỹ tóg ag mỹ: “ã kur régre nĩn kỹ ũn kur tũ ẽn mỹ ũ nĩm nĩ,” he mũ. “Ã vẽjẽn tỹ ũn kókĩr ẽn mỹ vẽnh kãpãm nĩ gé,” he tóg.

Lucas 3:11 Iomraidhean Croise

Mateus 25:40

Kỹ sóg ag mỹ: ũn jagtar ag jagãgtãn ja ãjag tóg nĩgtĩ, inh mré ke ag, fag mré hã, kỹ tóg tỹ ãjag tỹ inh jagãgtãn ri ke nĩ, henh ke mũ, isỹ tỹ pã'i mág nĩ kurã ẽn kã,” he tóg.

Lucas 11:41

Ũ jagãgtãn ra, ãjag tỹ nén ũ tỹ. Vẽjykre há kar han ra, kỹ tóg ãjag tỹ nén ũ kar jãnhkri nĩ ri ke nĩ sir,” he tóg.

Lucas 18:22

Kỹ tóg ti mỹ: “nén ũ pir vỹ tũ nĩ ver,” he mũ. “Ã tũ vãm kãn nĩ, ã tỹ ũn jagtar ag mỹ vin jé, jãnkamy ti. Kỹ ã tóg kanhkã tá tũ mág nĩnh mũ sir. Kar kãtĩg nĩ, ã tỹ inh mré tĩg jé,” he tóg.

Lucas 19:8

Kỹ tóg ti ĩn krẽm nĩ nĩ. Kỹ Zaqueu tóg vẽso jykrén kỹ ti mỹ vẽnh kãmén mũ. “Ha vé, isũ kuju vin jé sóg ke mũ, ũn jagtar ag mỹ. Ũ ag lograr he ja sóg nĩgtĩ, ag tũ ki, hã ra sóg ag mỹ ti kãfór nĩm sór mũ ha. Sỹ jãnkamy pir ki ũ lograr he jan ki sóg ti mỹ ũ tỹ 4 (ke) vin sór mũ,” he tóg mũ.

João 13:29

Judas vỹ ag jãnkamy ki rĩr tĩ. Hã kỹ ag kã mĩ ũ tóg: “ti hỹn ti mỹ: “ẽg mỹ fénhta to kũpra ũ han tĩg, he mũ, ke tũ nĩ kỹ ti tỹ ũn jagtar ag mỹ nén ũ nĩm ke hỹn,” he ag tóg mũ.

Han Kãme 10:2

Ẽn vỹ Topẽ to há nĩ, ti mré ke kar ke gé. Kỹ tóg Topẽ kamẽg tĩ. Povo tỹ Israel ag kã mĩ tóg ũn jagãgtar ag jagãgtãn tĩgtĩ, ti tỹ tỹ Judeu ag mré ke tũ hã ra. Topẽ mré tóg vĩ tĩ gé.

Han Kãme 10:31

Kỹ tóg inh mỹ: “Cornélio',” he mũ. “Topẽ vỹ ã vĩ mẽg mũ. Ã tỹ ũn jagtar ag mỹ nén vin ẽn vég tóg mũ,” he tóg.

Han Kãme 10:4

Ti tỹ ti ve kỹ ti fe tóg jũrũn ke mũ, kỹ tóg: “ne nẽ?“ he mũ. Hã ra tóg ti mỹ: “Topẽ vỹ ã vĩ mẽg mũ. Ã tỹ ũn jagãgtar ag mỹ nén nĩm tĩ ẽn vég tóg mũ gé. Hã kỹ tóg ã to jykrén mũ,” he tóg.

Éfeso 4:28

Vãsỹ ãjag kã mĩ ũ vỹ ũ tỹ nén ũ pigju mẽ ja nĩgtĩ. Kỹ ẽn han mãn tũg nĩ. Ãjag rãnhrãj nón ãjag mũnh ke mũ ũri, ãjag tỹ ãjag rãnhrãj to nén ũ kar ve jé. To vãsãn nĩ, ti tỹ ãjag mỹ kén jé, ãjag tỹ tỹ ũn jagãgtar ag jagãgtãn jé.

1 Timóteo 6:17

Ẽprã ũn riko ag mỹ tóm nĩ, ag tỹ vẽso: “tỹ inh ũn riko pẽ nĩ,” he tũ nĩ jé. Ag riko vỹ kãnhmar tũ' henh ke mũ. Ag jé Topẽ hã ki nén ũ kar ve sór. Ti hã vỹ ẽg mỹ nén ũ kar nĩm tĩ, ẽg fe tỹ mrin ken jé.

1 Timóteo 6:18

Ũn riko ag jé vẽjykre kuryj han. Ag jé ag tũ tỹ vẽnh kãpãm. Ag jé ũn jagãgtar ag jagãgtãn to krónh ke tũg.

Hebreu 6:10

Rãnhrãj há han ãjag tóg tĩ. Ti to ãjag há tãvĩ nỹtĩ. Ti tũ ki rĩr há han ãjag tóg tĩ gé. Topẽ vỹ tag vég tĩ, ãjag rãnhrãj há tag. Ti pijé kã jatu nĩgtĩ'. Vẽjykre vẽnh mỹ han tũ pẽ ti nĩgtĩ, Topẽ ti.

Tiago 1:27

Ẽg tỹ ẽg jóg tỹ Topẽ to há nỹtĩn kỹ, kỹ ẽg tóg tag han ke mũ, ha mẽ: ũn panh ter mũ kar jagãgtãn kãn jé ẽg tóg ke mũ, ũn mén ter ja fag ke gé, ũn jagtar fag. Kỹ ẽg tóg nén ũ vẽnhmỹ han ke tũ nĩ gé sir. Topẽ kato tẽ mũ ag jykre han ke tũ ẽg tóg nĩ gé. Kỹ ẽg tóg ti mỹ kavéj tũ nỹtĩ sir.

Tiago 2:14

Inh kanhkã', ũ tóg kejẽn: “ti ki sóg rã kỹ nĩ,” he tĩ, Topẽ to. Hã ra tóg ti vĩ han tũ nĩgtĩ. Kỹ tóg ón kỹ ti ki rã kỹ nĩ ja nĩ. Kren ke tũ tóg nĩ sir.

1 João 3:17

Ha vé, ũ tóg tag ki nén ũ mág vég tĩ. Jãvo ti mré Jesus ki rã kỹ nĩ ũ tóg tỹ nén ũ tũ nĩ. Hã ra tóg ti jagãgtãn sór tũ nĩ. Ẽn vỹ Topẽ to há tũ nĩ gé.

1 João 4:20

Ũ tóg kejẽn: “Topẽ to sóg há nĩ,” he tĩ. Hã ra tóg ũ tỹ ẽg mré Jesus ki rã kỹ jẽ to kórég nĩ. Ti ón vẽ. Ẽg régre mré ẽg mũgtĩ, gan kri. Ẽg tỹ ẽg régre to há tũ nỹtĩn kỹ ẽg hỹn hẽ ri kenh ke mũ, ẽg tỹ Topẽ to há nỹtĩ jé, ẽg tỹ ũn vég tũ ẽn to? Ẽg tỹ ẽg régre to há tãvĩ nỹtĩn kỹ ẽg tóg Topẽ to há nỹtĩ gé.