Lucas 24:46 - O Novo Testamento na língua Kaingáng

⁴⁶ Kỹ tóg ag mỹ: “hã kỹ Cristo vỹ vẽsỹrénh kỹ rĩr mãn gé, ti ter kar kỹ, kurã tãgtũ tũg kỹ. Tag ve kãn sóg huri,” he mũ.

Lucas 24:46 Iomraidhean Croise

Mateus 26:24

“Tĩg jé sóg ke mũ, isỹ tỹ ẽprã ke fi kósin nĩn kỹ, hã kỹ tóg rán kỹ nĩ. Hã ra Topẽ tóg ũ tỹ ag mỹ inh fẽg ke mũ ẽn mỹ vĩ kónãn pẽ han ke mũ. Ti mur tũ nĩ ra tóg ti mỹ há tĩ vẽ,” he tóg.

Lucas 24:44

Kỹ tóg ag mỹ: “hã tó ja inh nĩ, ãjag mỹ, iser ke to hã, isỹ ãjag mré nĩ mũ ẽn kã,” he mũ. “Vãhã sóg ve kãn ja nĩgtĩ, Moisés tỹ iso nén rán ja ti, Topẽ vĩ tó tĩ ag kar tỹ nén rán ja ti ke gé, Topẽ to jãn ki ke gé,” he tóg.

Lucas 24:7

Kỹ tóg ãjag mỹ: “ẽprã ke fi kósin ẽn fẽg jé ag tóg ke mũ, ũ tỹ Topẽ vĩ mranh tĩ ag mỹ,” he ja nĩ. “Ka to ag tóg ti sanh ke mũ, hã ra tóg kurã tãgtũ ki rĩr mãn ke mũ,” he ja tóg nĩgtĩ, vẽso,” he ag tóg mũ.

João 20:9

Vãhã ag tóg ki kanhró nỹtĩ. Tag to hã ag tóg ti vĩ to jykrén há han ja tũ nĩ ver, ti to nén rán kỹ nĩ ẽn to, ti tỹ ti ter kar kỹ rĩr mãn ke ẽn to.

Han Kãme 17:3

Ag mỹ tóg Cristo kãmén mũ, ti jagtar ja ti, ti ter kar rĩr mãn ja ẽn ti. “Jesus hã vẽ, hã vỹ: Cristo, he mũ. Vãsỹ tóg rán kỹ nĩ, Cristo jagtar ke ti, ti rĩr mãn ke ti ke gé,” he tóg.

Han Kãme 4:12

Ũ pijé ẽg kren han ke mũ vẽ'. Hã ra Topẽ tóg Jesus fẽg, ti hã tỹ ẽprã ke kar ag krenkren han jé, fag ke gé. Ẽg kren han ke mũ ũ venh ke tũ ẽg nĩ mỹr,” he tóg, Pedro ti.

1 Pedro 1:3

Topẽ mỹ sóg vĩ há han tĩ, ẽg Senhor tỹ Jesus Cristo panh mỹ. Ẽg jagãgtãn tãvĩ han tóg tĩ. Jesus Cristo rĩn mãn tóg, ti ter kar kỹ, kỹ tóg Jesus tugrĩn ẽg mur mãn ri ke han tĩ gé. Kỹ tóg ẽg mỹ sér tĩ,