Lucas 24:44 - O Novo Testamento na língua Kaingáng

⁴⁴ Kỹ tóg ag mỹ: “hã tó ja inh nĩ, ãjag mỹ, iser ke to hã, isỹ ãjag mré nĩ mũ ẽn kã,” he mũ. “Vãhã sóg ve kãn ja nĩgtĩ, Moisés tỹ iso nén rán ja ti, Topẽ vĩ tó tĩ ag kar tỹ nén rán ja ti ke gé, Topẽ to jãn ki ke gé,” he tóg.

Lucas 24:44 Iomraidhean Croise

Mateus 1:22

Hã ra Topẽ tóg vãsỹ ti vĩ tó tĩ ũ mỹ:

Mateus 16:21

Kỹ tóg komẽr hã ti mré mũ tĩ ag mỹ ti jagtar ke kãmén mũ. “Kãnhmar sóg Jerusalém ra tĩg mũ ha,” he tóg. “Tá sóg hã ra jagtar ke mũ. Kófa ag vỹ iso kórég nỹtĩnh mũ, ha vem nĩ, Topẽ tũ to pã'i ag, Topẽ vĩ to ẽg kanhrãn tĩ ag ke gé. Ag tỹ isén ke vẽ, hã ra sóg kurã tãgtũ ki rĩr mãn ke mũ,” he tóg, Jesus ti.

Mateus 26:54

Hã ra sóg nén tỹ iso rán kỹ nĩ ẽn ve kãn sór mũ,” he tóg.

Mateus 26:56

Hã ra sóg nén tỹ iso rán kỹ nĩ ẽn vég mũ,” he tóg. Kỹ ti mré mũ tĩ ag tóg ti ré kỹ pétẽ kãn mũ sir, vẽnh pigju jé.

Marcos 9:31

Ti tỹ ti mré mũ tĩ ag kanhrãn sór vẽ, hã kỹ tóg ke mũ. Kỹ tóg ag mỹ: “ẽprã ke fi kósin ẽn vỹ jagtar nĩnh mũ,” he mũ. “Inh hã vẽ. Ẽprã ke ag vỹ ag tỹ isỹ nén han sór mũ ẽn han ke mũ. Ag tỹ isén ke vẽ. Hã ra sóg kurã tãgtũ tũg kỹ rĩr mãn mũ,” he tóg.

Lucas 21:22

Topẽ tỹ ag vóg kónãn ke kurã vẽ sir, ag jykre kórég to, hã kỹ tóg vãsỹ rán kỹ nĩ. Vẽnh rá ẽn ve jé ãjag tóg ke mũ, kurã ẽn kã.

Lucas 22:37

Nén ũ tóg iso rán kỹ nĩ, hã vỹ: ag mỹ tóg tỹ ũn jykre pãno nĩ, he mũ. Sỹ vãhã tag venh ke vẽ ha. Sỹ iso nén rán kỹ nĩ ẽn ve kãn ke vẽ ha, vãhã,” he tóg.

Lucas 24:46

Kỹ tóg ag mỹ: “hã kỹ Cristo vỹ vẽsỹrénh kỹ rĩr mãn gé, ti ter kar kỹ, kurã tãgtũ tũg kỹ. Tag ve kãn sóg huri,” he mũ.

Lucas 9:22

Kỹ tóg ag mỹ: “tỹ sóg, ẽprã ke fi kósin ẽn nĩ,” he mũ. “Ijagtar jagy han ke vẽ. Kófa ag tỹ iso: kórég ti nĩ, henh ke vẽ, Topẽ tũ to pã'i ag ke gé, Topẽ vĩ to ẽg kanhrãn tĩ ag ke gé. Ag tỹ isén ke vẽ. Kurã tãgtũ tũg kỹ sóg rĩr mãn mũ hã ra,” he tóg.

Lucas 9:44

“ha mẽ há han,” he mũ. “Ẽprã ke fi kósin ẽn vỹ jagtar nĩnh ke mũ. Inh hã vẽ,” he tóg. “Ẽprã ke ag vỹ ag tỹ inh ki nén han sór mũ ẽn han ke mũ,” he tóg.

João 3:14

“Moisés vỹ pỹn kãgrá tỹ ka to sa ja nĩgtĩ, pỹn tỹ ũn kyprãg mũ ag tỹ ki ẽvanh tugrĩn krenkren jé, ga kórég ẽn tá. Tag ri ke han jé ag tóg ke mũ, isỹ.

João 5:39

Topẽ vĩ to ãjag tóg ke tĩ. Há ti nĩ. “Ẽg tỹ Topẽ vĩ rá to ken kỹ ẽg hỹn rĩr krỹg ja tũ venh ke mũ,” he ãjag tóg tĩ. Inh hã vỹ ki rán kỹ nĩ, ha mẽ. Hã kỹ ki ve há han nĩ.

João 5:46

Ãjag tỹ Moisés vĩ kri fi (hã) ra ãjag tóg inh vĩ kri finh ke mũ vẽ. Moisés vỹ iso livro han ja nĩ, ha mẽ.

Han Kãme 13:33

“Ẽg jógjóg ag vỹ Topẽ vĩ ẽn mẽ ja nĩgtĩ. Hã ra tóg ũri han mũ, Topẽ ti, ti tỹ vãsỹ nén tó ja ẽn ti. Ẽg jógjóg ag krẽ'krẽ ag mỹ tóg han mũ, ti tỹ vãsỹ nén tó ja ẽn ti. Hã kỹ tóg Jesus rĩn mãn, ti ter kỹ. Kỹ tóg ti mỹ: “tỹ ã tóg inh kósin jẽ. Ũri sóg ã han,” he ja nĩgtĩ. Topẽ mỹ jãn jafã tỹ 2 ki tóg rán kỹ nĩ,” he tóg.

Han Kãme 13:40

Hã ra ti to é he tũg nĩ. Ke tũ nĩ mũ ra ãjag tóg venh ke mũ, vãsỹ Topẽ vĩ tó tĩ tỹ nén tó ja ẽn ti,

Han Kãme 2:27

Inh kuprĩg vỹ vẽnh kuprĩg jamã tá nĩg mág han ke tũ nĩ. Inh fár vỹ vag ke tũ nĩ gé, sỹ tỹ ã tỹ kuprẽg ja nĩn kỹ.

Han Kãme 3:18

Hã kỹ Topẽ tóg vãsỹ rán kỹ nĩ ẽn han. Topẽ vĩ tó tĩ ag kar tóg vãsỹ Jesus jagtar ke ti tó ja nĩgtĩ, Topẽ tỹ ag mỹ: ha tó, hen kỹ. “Topẽ tỹ ũn jẽnẽg mũ ẽn tỹ jagtar ke vẽ, Cristo ti,” he ja ag tóg nĩgtĩ.

Han Kãme 7:37

“Moisés tóg povo tỹ Israel ag mỹ: Topẽ vỹ ãjag mỹ ti vĩ tó tĩ ũ jẽnẽnh mũ, ãjag mré ke ũ, ti tỹ ãjag mỹ Topẽ vĩ tó jé, inh ri kén, he ja nĩgtĩ.

Hebreu 10:1

Ẽg tỹ Judeu ag jykre ve kỹ ẽg tóg ve sĩ han tĩ, Topẽ tỹ ẽg mỹ nén han sór mũ ti. Prỹg kar ki ag tóg Topẽ mỹ tãnh kỹ pũn', tãnh kỹ pũn' he tĩ. Hã ra tóg ag mẽg tỹ ag jagfy ter mũ ra ag jykre tỹ há' he ki kagtĩg ja nĩgtĩ.

Hebreu 3:5

Moisés vỹ Topẽ tũ ag ki rĩr ja nĩgtĩ. Topẽ mỹ rãnhrãj tĩ vỹ tỹ ti nĩ ja nĩgtĩ. Kỹ tóg Topẽ ĩn krẽm ke fag ki rĩr nĩ ja nĩgtĩ. Hã ra tóg Cristo tỹ nén han ke ẽn kãmén ja nĩ gé.

Hebreu 7:1

Melquisedeque ẽn vỹ tỹ pã'i mág nĩ ja nĩgtĩ, ẽmã tỹ Salém kri. Kỹ tóg Topẽ tũ ki rĩr nĩ ja nĩgtĩ gé, ũ tỹ vẽnh kar kri ke nĩ ẽn tũ ki. Abraão vỹ pã'i tỹ 4 (ke) ẽn mré vẽnh génh han ja nĩ. Ti tỹ ag kãgtén kar kỹ Melquisedeque ẽn vỹ, ti kato tẽ, kỹ tóg ti mỹ: “Topẽ vỹ ã ve há han. Kỹ tóg ã ve há han mãn ke mũ gé,” he mũ.

Hebreu 9:8

Topẽ kuprĩg vỹ, ẽg mỹ kãmén mũ, ũri, vẽjykre si ẽn ti. Kur tỹ ĩn vãfynyn vỹ ge nĩ, ha mẽ. Ti vãfynyn ve ẽn tỹ ver ĩn krẽm nĩn kỹ ẽg tóg ti vãfynyn ũ tá jun ke tũ nĩ ver, Topẽ nĩg jafã tá.

Nén Venh Ke 19:10

Kỹ sóg ti krẽm mũg ke mũ, sỹ ti mỹ: “Topẽ vỹ tỹ ã nĩ,” he jé. Hã ra tóg inh mỹ: “ke tũg ra,” he mũ. “Topẽ mỹ rãnhrãj tĩ vỹ tỹ inh nĩ, ã ri ke, ã kanhkã ag ri ke.Ũ tỹ Jesus tỹ ki hã tó mũ ki króm mũ ẽn ag kar ri ke sóg nĩ,” he tóg. “Topẽ hã mỹ: Topẽ vỹ tỹ ã nĩ, hem nĩ,” he tóg inh mỹ, Topẽ tỹ jẽnẽ jafã ẽn ti. Topẽ vĩ tó tĩ ag vỹ Jesus tỹ ki hã tó mũ ẽn hã kãmén tĩ.