Lucas 24:39 - O Novo Testamento na língua Kaingáng

³⁹ “Inh nĩgé ve ra, inh pẽn ve ra, inh hã vẽ. Inh mẽgmẽ ra, isugnỹm han ra. Vẽnh kuprĩg pijé fár nĩgtĩ', ti pijé kuka nĩ'. Inh fár ve ra, inh kuka ti,” he tóg.

Lucas 24:39 Iomraidhean Croise

Lucas 23:46

Kỹ Jesus vỹ prẽr mág pẽ han mũ. Kỹ tóg: “!..panh'..!“ he mũ. “!..Sỹ ã mỹ vẽnh fẽg vẽ, inh kuprĩg ti..!“ he tóg. Tag tó kar tóg hun ke mũ sir.

Lucas 24:38

Kỹ tóg ag mỹ: “ãjag ne tóg jũrũn ke mũ',” he mũ. “Ãjag tỹ ne jé: vẽnh kuprĩg hỹn, he nẽ, iso?“ he tóg.

Lucas 24:40

Vĩ kỹ tóg ag mỹ ti nĩgé ven mũ, ti pẽn ke gé.

João 20:20

Kỹ tóg ag mỹ ti nĩgé nug ven mũ, ti jẽn'yr ti ke gé. Kỹ tóg ag mỹ sér tĩ sir, ag tỹ ẽg Senhor ven kỹ, fag mỹ ke gé.

João 20:25

Ag tỹ Tomé ẽn ve kỹ ag tóg ti mỹ: “ẽg Senhor ve ẽg,” he mũ. Hã ra tóg ag mỹ: “ti nĩgé nug ve sór inh mũ, isỹ ag tỹ prégu tỹ ti nĩgé nugnón ja ẽn mẽ jé, inh nĩgé tỹ,” he mũ. “Kỹ sóg ti jẽn'yr ki mẽnh ke mũ gé, sỹ ti kusón ja ẽn mẽ jé. Ke tũ nĩ (mũ) ra isóg ti rĩr mãn kri nĩm ke tũ pẽ nĩ,” he tóg, Tomé ti.

João 20:27

Kỹ tóg vẽsỹmér Tomé mỹ: “ã nĩgé tỹ inh nĩgé nugnor mẽ,” he mũ. “Ã nĩgé tỹ inh jẽn'yr kusón ja ẽn ti mẽ gé. Kri nĩm nĩ, to: vẽnh ó vẽ, he mãn tũg nĩ,” he tóg.

Han Kãme 1:3

Ti ter kar kỹ Jesus tóg ag mỹ vẽnh ven tỹ hẽn ri ke han ja nĩ, kurã tỹ 40 (ke) ki, ti tỹ ũn kuprẽg ja ẽn ag mỹ. Ag tỹ ti ve kỹ ti mré vẽmén kỹ ag tóg ti rĩr jẽ ki kanhrãn mũ, apóstolo ag. Ag mỹ tóg Topẽ tỹ tỹ ẽg pã'i nĩ kãmén mũ.

1 Tessalônica 5:23

Topẽ vỹ ãjag krĩ kuprãg tĩ. Ti mỹ sóg to vĩ tĩ, ti tỹ ãjag tar han jé, ti tỹ ãjag jykre há han jé, ãjag fe ti ke gé, ãjag krĩ ti ke gé. Ẽg Senhor tỹ Jesus Cristo kãtĩg mãn kỹ tóg ẽg jykre tugnỹm ke mũ sir. Hã jé tóg ẽg jykre há han sór mũ.

Hebreu 12:9

Ha vé, ẽg han mũ fag vỹ ẽg mrãnmrãn tĩ, ẽg kanhrãn jãvãnh nĩn kỹ, kỹ ẽg tóg fag kamẽg tĩ. Kỹ ẽg tóg Topẽ kamẽg kãfór han ke mũ, ũ tỹ ẽg rĩnrĩr han mũ ti, ẽg jóg mág ti.

1 João 1:1

Topẽ tỹ ver nén kar han tũg ki tóg nĩ nĩ, Topẽ vĩ ti, hã vỹ: Jesus Cristo, he mũ. Topẽ tỹ Jesus mré nén ũ kar hynhan kỹ tóg rĩr nĩ, Topẽ vĩ ti. Sỹ ãjag mỹ Jesus Cristo tag kãmén ke vẽ. Mẽ inh, ti vĩ ti. Ti ve inh ke gé, inh kanẽ tỹ. Ti vóg inh, inh nĩgé tỹ.