Lucas 24:32 - O Novo Testamento na língua Kaingáng

³² Kỹ ag tóg jagnẽ mỹ: “ti tỹ ẽg mré vẽmén kỹ tóg ẽg fe ki rã,” he mũ. “Ẽg mỹ tóg ti to rán kỹ nĩ ẽn kãmén kãn, ẽg mũn kỹ. Ti hã ja vẽ,” he ag tóg mũ.

Lucas 24:32 Iomraidhean Croise

Marcos 4:34

“Tag vỹ ge nĩnh mũ,” he tóg tĩ, ũn e ag mỹ. Hã ra tóg ti mré mũ tĩ ag hã mỹ kãmén há han mũ, ag pin kỹ.

Lucas 24:45

Kỹ tóg ag mỹ kãmén há han mũ. Hã kỹ ag tóg ti to nén rán ja ki kanhrãn kãn mũ. To jykrén há han ag tóg mũ sir.

João 6:63

“Ũ tỹ ẽg rĩnrĩr han mũ vỹ tỹ Topẽ kuprĩg ti nĩ. Isỹ ãjag tỹ inh nĩ ko' henh ke tag to ken hã vẽ, hã vỹ: inh ki rã, he mũ. Inh vĩ tag ki króm tugrĩn ãjag rĩnrĩr nỹtĩnh ke mũ.

Han Kãme 28:23

Kỹ ag tóg ti mỹ kurã nĩm mũ. Kỹ ũn e ag tóg vẽnh mãn mũ sir, ti tỹ ĩn krẽm nĩ ẽn tá. Ag mỹ tóg Topẽ tỹ tỹ ẽg pã'i nĩ kãmén mũ. Jesus kãmén tóg mũ, ag tỹ hẽn ri ke mũn ti ki ge jé. Moisés tỹ ag mỹ vẽjykre nĩm ja ẽn kãmén tóg mũ gé sir. Kusã ki kãmũ kỹ ag tóg tỹ vẽmén nỹtĩ ki kutyg mũ.

Hebreu 4:12

Topẽ vĩ hã tugrĩn ẽg tóg rĩnrĩr nỹtĩ. Ti vĩ hã tỹ tóg nén kar hynhan ja nĩ. Rógro jã régre vỹ nén ũ kym há nỹgtĩ. Hã ra Topẽ vĩ vỹ ti tỹ nén ũ kym há kãfór nĩ. Kỹ ti vĩ tóg ẽg ki rã tĩ, ẽg nĩ ki, ẽg kuka ki, ẽg krĩ ki, ẽg kuprĩg ti ki ke gé, ẽg há kar ki. Kỹ tóg ẽg tỹ nén to jykrén mũ kar ki kanhró nĩ. Ẽg tỹ nén han sór mũ ki kanhró kar ti nĩ gé, Topẽ ti.