Lucas 24:30 - O Novo Testamento na língua Kaingáng

³⁰ Ag mré jẽn ke jo tóg ẽmĩ mãg mũ. Kỹ tóg Topẽ mré vĩ mũ, kar tóg kupãn kỹ tỹ vẽnh ken mũ.

Lucas 24:30 Iomraidhean Croise

Mateus 14:19

Kỹ tóg ũn e ẽn ag mỹ tó mũ, ag tỹ re tá nĩgnĩ kỹ nỹtĩ jé. Kỹ tóg ẽmĩ tỹ 5 (ke) ẽn mãg mũ, pirã régre ẽn ke gé. Kỹ tóg kanhkã ki ẽvãnh mũ sir. Vẽjẽn ẽn to tóg Topẽ mré vĩ mũ sir. Kỹ tóg vãhã ẽmĩ kénh kỹ ti mré mũ tĩ ag mỹ vin mũ sir, ag tỹ kãnhkrén jé, ũn e ẽn ag mỹ.

Mateus 15:36

Kỹ tóg ẽmĩ tỹ 7 (ke) mãg mũ, pirã mré, kỹ tóg to Topẽ mré vĩ mũ. Kỹ tóg vẽnh kãkugpãg mũ, ẽmĩ ti. Kỹ tóg ti mré mũ tĩ ag mỹ vin mũ, ag tỹ vẽnh e ẽn ag mỹ kãnhkrén jé.

Mateus 26:26

Kỹ ag tóg jẽg mũ. Ag jẽg nỹtĩ ra Jesus tóg ẽmĩ mãg mũ sir. Kỹ tóg to Topẽ mré vĩ mũ. Kỹ tóg vẽnh kã kupãn kỹ ti mré mũ tĩ ag mỹ: “té, ha kó,” he mũ. “Inh hã vẽ,” he tóg, ẽmĩ to.

Marcos 14:22

Ag tỹ ver jẽg nỹtĩ ra Jesus tóg ẽmĩ mãg mũ. To tóg Topẽ mré vĩ mũ sir. Kỹ tóg vẽnh kã kupãn kỹ ti mré mũ ti ag mỹ: “té, ha kó,” he mũ. “Inh hã vẽ,” he tóg, ẽmĩ to.

Marcos 6:41

Kỹ tóg ẽmĩ mré pirã génh kỹ kanhkã ki ẽvãnh mũ. Kỹ tóg Topẽ mré vĩ mũ sir. Kỹ tóg ẽmĩ kupãg mũ sir. Ti mré mũ tĩ ag mỹ tóg vin mũ, ag tỹ ũn e ẽn mỹ kãnhkrén jé. Pirã régre tỹ tóg vẽnh kãpópãm mũ gé sir.

Marcos 8:6

Kỹ tóg vẽnh kar mỹ: “nĩgnĩ ra, ga kri,” he mũ. Kỹ tóg ẽmĩ tỹ 7 (ke) ẽn mãn kỹ Topẽ mré vĩ mũ. “Inh mỹ tóg há tĩ,” he tóg. Kỹ tóg kupãg' mũ sir. Ti mré mũ tĩ ag mỹ tóg vin mũ sir, ag tỹ vẽnh kar mỹ kãnhkrén jé sir.

Lucas 22:19

Kỹ tóg ẽmĩ mãg mũ sir. To tóg Topẽ mré vĩ mũ. Kupãn kỹ tóg ag mỹ kãnhkrég mũ. Kỹ tóg ag mỹ: “inh hã vẽ,” he mũ. “Ãjag jagfy sóg vẽnh fẽg ke mũ. Kỹ inh mĩ ẽkrén nĩ, ãjag tỹ ẽmĩ tag konh ken kỹ,” he tóg.

Lucas 24:29

Kỹ ag tóg ti mỹ: “ẽg mré nĩm nĩ. Rãké tóg nỹ ha. Kutyg tóg rã ha,” he mũ. Kỹ tóg ag mré rã mũ.

Lucas 24:35

Kỹ ag tóg ag mỹ: “hỹ, ti ve ẽg ke gé,” he mũ gé. Kỹ ag tóg ag mỹ ag tỹ nén ve ja ẽn tó mũ sir, ag tỹ ag mũ ki ti ve ja ti, ti tỹ ag mỹ ẽmĩ kupãn ja ti ke gé. “Hã ki ẽg tóg ti ki kanhrãn mũ,” he ag tóg mũ.

Lucas 9:16

Kỹ tóg ẽmĩ tỹ 5 (ke) ẽn gég mũ, pirã régre ẽn mré. Kỹ tóg, kanhkã ki ẽvãnh kỹ Topẽ mré vĩ mũ sir. Kỹ tóg ẽmĩ vẽnh kãpópãm mũ sir. Kỹ tóg ti mré mũ tĩ ag mỹ vin mũ, ag tỹ ũn e ẽn ag mỹ kãnhkrén jé, pirã ẽn mré hã.

João 6:11

Ag nĩgnĩ kỹ tóg ẽmĩ ẽn mãg mũ, kỹ tóg Topẽ mỹ: “há ti nĩ,” he mũ. Kỹ tóg ag mỹ kãnhkrég mũ sir, kãkufár ẽn ke gé. Kỹ vẽnh kar vỹ ko mũ sir.

Han Kãme 2:42

Ẽn ag vỹ kurã kar ki Jesus tỹ ũn vin mũ ag vĩ jẽmẽ jé vẽnh mãn tĩ, jagnẽ ve jé ke gé. Kỹ ag tóg Jesus jamĩ ko mũ sir. Kỹ ag tóg ti mré vĩ mũ gé, kurã kar ki.

Han Kãme 2:46

Kurã kar ki ag kar tóg Topẽ ĩn ra mũ tĩ, ag tỹ ti mré vĩ jé, fag ke gé. Ag ĩn kã ki ag tóg Jesus jamĩ ko mũgtĩ gé. Ag mỹ tóg sér tĩ sir, fag mỹ ke gé.

Han Kãme 27:35

Kar kỹ tóg pũ mãg mũ sir. Vẽnh kar rĩnve tóg Topẽ mré vĩ mũ, kỹ tóg kupãn kỹ ko mũ sir.