29 Kỹ ag tóg ti mỹ: “ẽg mré nĩm nĩ. Rãké tóg nỹ ha. Kutyg tóg rã ha,” he mũ. Kỹ tóg ag mré rã mũ.
Kỹ ti patrão tóg: “vẽsỹkã tĩg mãn ge,” he mũ. “Vãnh kã mĩ tĩg, ẽmã kãsir pẽ kã mĩ ke gé, ẽpry ra, ẽmĩn jagma,” he tóg. “Ag kutãn nĩ, fénhta jo ĩn fór jé,” he tóg.
Ti tỹ ag mỹ kãmén tĩ ki ag tóg ẽmã ẽn tá junjun mũ sir. Kỹ tóg mã ra tĩg sór mũ.
Ag mré jẽn ke jo tóg ẽmĩ mãg mũ. Kỹ tóg Topẽ mré vĩ mũ, kar tóg kupãn kỹ tỹ vẽnh ken mũ.
Tá ũ fi tóg nĩ nĩ, fi jiji hã vỹ: Lídia, he mũ. Kur kósóg vẽne he fi tóg nĩ nĩ. Tỹ fi tóg ẽmã tỹ Tiatira tá ke nĩ. Topẽ kamẽg fi tóg tĩ. Ẽn fi vỹ Paulo vĩ mẽg mũ sir. Kỹ Topẽ tóg fi mỹ krĩ há nĩm mũ, kỹ fi tóg Paulo vĩ jẽmẽ kỹ Jesus ki rã mũ.