Lucas 24:27 - O Novo Testamento na língua Kaingáng

²⁷ Kỹ tóg ti to nén rán ja kãmén kãn mũ sir, Moisés tỹ rá ti, Topẽ vĩ tó tĩ ag kar tỹ rá ti.

Lucas 24:27 Iomraidhean Croise

Marcos 4:34

“Tag vỹ ge nĩnh mũ,” he tóg tĩ, ũn e ag mỹ. Hã ra tóg ti mré mũ tĩ ag hã mỹ kãmén há han mũ, ag pin kỹ.

Lucas 24:25

Kỹ tóg ag mỹ: “ãjag tỹ ne jé vãsỹ Topẽ vĩ tó tĩ ag vĩ kri fi ja tũ nĩ nẽ?“ he mũ. “Krĩ tũ ãjag nỹtĩ, to jykrén há han tũ ãjag tóg nĩ,” he tóg.

Lucas 24:44

Kỹ tóg ag mỹ: “hã tó ja inh nĩ, ãjag mỹ, iser ke to hã, isỹ ãjag mré nĩ mũ ẽn kã,” he mũ. “Vãhã sóg ve kãn ja nĩgtĩ, Moisés tỹ iso nén rán ja ti, Topẽ vĩ tó tĩ ag kar tỹ nén rán ja ti ke gé, Topẽ to jãn ki ke gé,” he tóg.

João 1:45

Kỹ tóg Natanael venh tĩ mũ. Ti mỹ tóg: “Cristo ve inh huri,” he mũ. “Moisés vỹ ti kãtĩg ke rán ja nĩgtĩ, ũ ag ke gé. Jesus to ken hã vẽ, Nazaré tá ke ẽn, José kósin ẽn ti,” he tóg.

João 12:41

Isaías vỹ Jesus ve ja nĩgtĩ, ti tỹ tỹ ũn mág nĩ ti, ũn tar ti. Jesus mur ke to hã ke ja vẽ, vãsỹ. Ti tỹ ti ve hã kỹ tóg ti to tag tó ja nĩgtĩ.

João 5:37

Kar kỹ ẽg jóg mág vỹ, inh kãmén tĩ gé. Ti vĩ jẽmẽg tũ ãjag nĩ. Kỹ ãjag tóg ti vég tũ nĩ gé.

João 5:39

Topẽ vĩ to ãjag tóg ke tĩ. Há ti nĩ. “Ẽg tỹ Topẽ vĩ rá to ken kỹ ẽg hỹn rĩr krỹg ja tũ venh ke mũ,” he ãjag tóg tĩ. Inh hã vỹ ki rán kỹ nĩ, ha mẽ. Hã kỹ ki ve há han nĩ.

Han Kãme 10:43

“Vãsỹ Topẽ vĩ tó tĩ ag kar vỹ ti kãmén ja nĩgtĩ, kỹ ag tóg: “ũ tỹ ti ki rã mũ mỹ tóg vẽnh pãte fón ke mũ, Topẽ ti, ti tỹ ti vĩ mranh mũ ti,” he ja nĩgtĩ. “Cristo tugrĩn tóg vẽnh pãte fón ke mũ,” he ja ag tóg nĩgtĩ,” he tóg, Pedro ti.

Han Kãme 3:18

Hã kỹ Topẽ tóg vãsỹ rán kỹ nĩ ẽn han. Topẽ vĩ tó tĩ ag kar tóg vãsỹ Jesus jagtar ke ti tó ja nĩgtĩ, Topẽ tỹ ag mỹ: ha tó, hen kỹ. “Topẽ tỹ ũn jẽnẽg mũ ẽn tỹ jagtar ke vẽ, Cristo ti,” he ja ag tóg nĩgtĩ.

Han Kãme 3:22

Hã kỹ Moisés vỹ tag tó ja nĩ, ha mẽ: Topẽ vỹ ãjag mỹ ti vĩ tó tĩ ũ jẽnẽnh ke mũ, ti tỹ ãjag mỹ Topẽ vĩ tó jé, inh ri kén. Ẽn vĩ jẽmẽm nĩ.

Han Kãme 3:24

“Topẽ vĩ tó tĩ ag kar vỹ tó ja nĩgtĩ, ẽg tỹ ũri vég mũ tag ti. Samuel vỹ tag tó vén ja nĩgtĩ, kar kỹ ti nón ke ag tóg vãhã tag tó ja nĩ gé.

Han Kãme 7:37

“Moisés tóg povo tỹ Israel ag mỹ: Topẽ vỹ ãjag mỹ ti vĩ tó tĩ ũ jẽnẽnh mũ, ãjag mré ke ũ, ti tỹ ãjag mỹ Topẽ vĩ tó jé, inh ri kén, he ja nĩgtĩ.

Han Kãme 8:35

Kỹ Filipe tóg ti mỹ vẽnh rá tag kãmén mũ sir. Jesus kãmén tóg mũ. Ti mỹ tóg vẽnh vĩ há ẽn tó mũ. Hã ra tóg mẽ há han mũ.

Nén Venh Ke 19:10

Kỹ sóg ti krẽm mũg ke mũ, sỹ ti mỹ: “Topẽ vỹ tỹ ã nĩ,” he jé. Hã ra tóg inh mỹ: “ke tũg ra,” he mũ. “Topẽ mỹ rãnhrãj tĩ vỹ tỹ inh nĩ, ã ri ke, ã kanhkã ag ri ke.Ũ tỹ Jesus tỹ ki hã tó mũ ki króm mũ ẽn ag kar ri ke sóg nĩ,” he tóg. “Topẽ hã mỹ: Topẽ vỹ tỹ ã nĩ, hem nĩ,” he tóg inh mỹ, Topẽ tỹ jẽnẽ jafã ẽn ti. Topẽ vĩ tó tĩ ag vỹ Jesus tỹ ki hã tó mũ ẽn hã kãmén tĩ.