Lucas 24:26 - O Novo Testamento na língua Kaingáng

²⁶ “Cristo vẽsỹrénh ke vẽ, vẽsỹrénh kar kỹ tóg tỹ ũn mág nĩnh ke mũ vãhã,” he tóg.

Lucas 24:26 Iomraidhean Croise

Lucas 24:44

Kỹ tóg ag mỹ: “hã tó ja inh nĩ, ãjag mỹ, iser ke to hã, isỹ ãjag mré nĩ mũ ẽn kã,” he mũ. “Vãhã sóg ve kãn ja nĩgtĩ, Moisés tỹ iso nén rán ja ti, Topẽ vĩ tó tĩ ag kar tỹ nén rán ja ti ke gé, Topẽ to jãn ki ke gé,” he tóg.

Lucas 24:46

Kỹ tóg ag mỹ: “hã kỹ Cristo vỹ vẽsỹrénh kỹ rĩr mãn gé, ti ter kar kỹ, kurã tãgtũ tũg kỹ. Tag ve kãn sóg huri,” he mũ.

Lucas 24:7

Kỹ tóg ãjag mỹ: “ẽprã ke fi kósin ẽn fẽg jé ag tóg ke mũ, ũ tỹ Topẽ vĩ mranh tĩ ag mỹ,” he ja nĩ. “Ka to ag tóg ti sanh ke mũ, hã ra tóg kurã tãgtũ ki rĩr mãn ke mũ,” he ja tóg nĩgtĩ, vẽso,” he ag tóg mũ.

João 2:22

Ti tỹ kejẽn ti ter kar kỹ rĩr mãn kỹ ti mré mũ tĩ ag tóg ti vĩ tag ki ẽkrén kỹ ki kanhrãn mũ. Kỹ ag tóg Topẽ vĩ ki rán kỹ nĩ ẽn to jykrén há han mũ vãhã, ti vĩ to ke gé. Kỹ ag tóg ti ki ge há han mũ vãhã.

João 20:9

Vãhã ag tóg ki kanhró nỹtĩ. Tag to hã ag tóg ti vĩ to jykrén há han ja tũ nĩ ver, ti to nén rán kỹ nĩ ẽn to, ti tỹ ti ter kar kỹ rĩr mãn ke ẽn to.

Han Kãme 17:3

Ag mỹ tóg Cristo kãmén mũ, ti jagtar ja ti, ti ter kar rĩr mãn ja ẽn ti. “Jesus hã vẽ, hã vỹ: Cristo, he mũ. Vãsỹ tóg rán kỹ nĩ, Cristo jagtar ke ti, ti rĩr mãn ke ti ke gé,” he tóg.

Hebreu 12:2

Jesus hã mĩ ẽkrén nĩ. Ti hã vỹ ẽg tỹ Topẽ ki rã han. Kỹ tóg ẽg tỹ ti tovãnh ke tũ han ẽn ki kanhró nĩ gé. Krunh to sa kỹ tóg ter mỹr. Ag tỹ ti to é he mũ ra tóg ti mỹ tỹ nén ũ tũ tĩ. Ti tỹ kar kỹ nén venh ke ẽn mĩ tóg ẽkrén ja nĩ, nén tỹ ti mỹ sér nĩnh ke ẽn mĩ. Hã kỹ tóg ũri Topẽ pẽgja tá nĩ nĩ.

1 Pedro 1:3

Topẽ mỹ sóg vĩ há han tĩ, ẽg Senhor tỹ Jesus Cristo panh mỹ. Ẽg jagãgtãn tãvĩ han tóg tĩ. Jesus Cristo rĩn mãn tóg, ti ter kar kỹ, kỹ tóg Jesus tugrĩn ẽg mur mãn ri ke han tĩ gé. Kỹ tóg ẽg mỹ sér tĩ,