Lucas 23:6 - O Novo Testamento na língua Kaingáng

⁶ Kỹ Pilatos tóg: “ti mỹ tỹ Galiléia tá ke nĩ'?“ he mũ.

Lucas 23:6 Iomraidhean Croise

Mateus 26:69

Hã ra Pedro vỹ, re tá nĩ nĩ, ĩn vãso kã. Kỹ pã'i camarada ũ fi tóg ti venh kãkutẽ kỹ ti mỹ: “Jesus mré ã tóg tĩ ja nĩ gé, Galiléia tá ke ẽn mré,” he mũ.

Lucas 13:1

Kejẽn fóg tỹ pã'i tỹ Pilatos tóg, ga tỹ Galiléia tá ke ũ ag kãgtén ja nĩ, ag tỹ Topẽ mỹ ag mẽg tãnh kỹ pũn mũ ẽn kã. Kỹ ag kyvénh tóg, ag mẽg kyvénh mré kutẽ ja nĩ. Kỹ ũ ag tóg, Jesus mỹ kãmén mũ, ag tỹ Pilatos tỹ ũn kãgtén mũ ag to: “ag hỹn Topẽ vĩ mranh mág,” hen kỹ.

Lucas 23:5

Hã ra ag tóg ti tovãnh jãvãnh pẽ nỹtĩ. Kỹ ag tóg ti mỹ: “hã ra tóg vẽnh kar krĩ rỹ han tĩgtĩ,” he mũ. “Ga tỹ Judéia kar mĩ tóg tĩg ja nĩ, ga tỹ Galiléia mĩ ke gé, tag mĩ ke gé. Tĩg kỹ tóg vẽnh kar krĩn kónãn tĩgtĩ,” he ag tóg.

Lucas 23:7

Kỹ ag tóg ti mỹ: “hỹ,” he mũ. Hã ra Herodes vỹ tỹ ga tỹ Galiléia tá pã'i mág nĩ. Hã kỹ Pilatos tóg ti hã mỹ ti jẽnẽg mũ. Ẽn kã tóg Jerusalém tá nĩ gé, Herodes ti.

Han Kãme 5:37

Kar kỹ ũ vỹ jẽ ja nĩ gé, ti jiji hã vỹ: Judas, he mũ. Galiléia tá ke ẽn vẽ. Ag tỹ vẽnh kar jigji ránrán mũ ra tóg tá jẽ ja nĩ, kỹ ũ tỹ hẽn ri ke ag tóg ti nón mũ kỹ ti tén ja nĩgtĩ gé, kỹ ũ tỹ ti vĩ han mũ ag tóg krig' ke kãn ja nĩ,” he tóg.