Lucas 23:41 - O Novo Testamento na língua Kaingáng

⁴¹ Ẽg tỹ ẽg tỹ nén han ja kajãm vẽ jãvo. Ẽg jykre pãno to ẽg vẽsỹrénh nỹtĩ nĩ. Ẽg jãvo tóg jykre kuryj nĩ. Ti pijé nén ũ kórég han ja nĩ',” he tóg.

Lucas 23:41 Iomraidhean Croise

Mateus 27:19

Ti tỹ vẽnh jyvẽn jafã tá nĩ ra ti prũ fi tóg, ti mỹ vẽnh vĩ jẽnẽg mũ, kỹ fi tóg ti mỹ: “vẽjykre kuryj han ti tĩ,” he mũ, Jesus to. “Hã kỹ ti vóg sór tũg nĩ. Kuty tag kã sóg ti to vẽnh péti kónãn. Ẽg tỹ ti tugrĩn jagtar ke ve inh, inh vẽnh péti ki,” he fi tóg.

Mateus 27:24

Ag tỹ tóg hẽ ri ke tũ nĩ. Vẽnh génh kutẽ ri ke tóg nĩ, hã kỹ tóg goj jé prẽr mũ. Kỹ tóg nĩpég mũ sir, vẽnh kar rĩnve, kỹ tóg ag mỹ: “inh jykre pijé',” he mũ. “Inh nĩgé kavénh ke tũ sóg nĩ, ti kyvénh tỹ. Ũn jykre kuryj vẽ, kỹ sóg ti tén sór tũ nĩ. Ãjag jykre vẽ,” he tóg.

Mateus 27:4

Kỹ tóg ag mỹ: “ti kórég han inh,” he mũ. “Ti pijé, nén ũ kórég han ja nĩgtĩ', hã kỹ tóg vẽnh mỹ nĩ, ti tỹ inh vĩ to ter kỹ,” he tóg.

Mateus 27:54

Hã ra capitão tóg, porisa ag mré Jesus ki rĩr jẽ nĩ. Ga tỹ ragra ke ẽn vég ag tóg mũ, nén kar ti, Jesus ter ẽn kã. Kỹ tóg ag mỹ e tĩ. Kỹ ag tóg: “Topẽ kósin ja vẽ mỹr,” he mũ.

Lucas 23:40

Hã ra ti kóm krunh to sa ũ tóg ti mỹ vĩ jũ han mũ. Ti mỹ tóg: “kỹ ã mỹ Topẽ kamẽg tũ?“ he mũ. “Vẽsỹrénh ã tóg mũ gé, ti kóm.

Lucas 23:42

Kỹ tóg Jesus mỹ: “Senhor', inh ki ẽkrén nĩ, ã tỹ tỹ pã'i ki rãn kỹ,” he mũ.

1 Tessalônica 2:10

Isỹ nén han mũ ve kãn ãjag tóg, kỹ Topẽ vỹ inh vég tĩ gé. Topẽ jykre hã han isóg tĩ, vẽjykre kuryj ti. Nén ũ vẽnhmỹ han vãnh sóg nĩgtĩ. Ãjag rĩnve sóg han, ãjag tỹ Jesus ki ge kỹ nỹtĩn kỹ.

Tiago 4:7

Hã kỹ Topẽ mỹ: “he,” hem nĩ, ti tỹ ãjag krĩn kỹ. Japo mỹ: “nejé,” hem nĩ, ti tỹ ãjag krĩn sór kỹ. Kỹ tóg ãjag tovãnh ke mũ sir, ãjag tỹ ti mỹ: “nejé,” hen kỹ.

1 Pedro 1:19

Hã ra tóg ti kyvénh hã to ẽg kygjãm. Kỹ tóg tũ' he jãvãnh nĩ. Nén ũ kaja kãfór kar ti nĩ, ti kyvénh ti. Ũn há tãvĩ vỹ tỹ ti nĩ, ũ tỹ ti kyvénh tỹ ẽg kygjãm mũ ẽn ti, hã vỹ: Cristo, he mũ. Kygnẽ ja tũ pe ti nĩ.

1 Pedro 2:23

Ag tỹ ti mỹ vĩ kónãn mũ ra tóg ag mỹ vĩ kónãn ja tũ nĩ. Ag tỹ ti vóg kónãn mũ ra tóg ag mỹ vĩ ja tũ nĩ gé. Topẽ hã mĩ tóg ẽkrén ja nĩgtĩ. “Ti hã ne ag jykre tugnỹm ke mũ', inh jykre ti ke gé,” he ja ti nĩ, Cristo ti.