Lucas 23:4 - O Novo Testamento na língua Kaingáng

⁴ Kỹ Pilatos tóg ag kar mỹ: “ti tỹ nén ũ kórég han ja vég tũ sóg nĩ,” he mũ.

Lucas 23:4 Iomraidhean Croise

Mateus 27:19

Ti tỹ vẽnh jyvẽn jafã tá nĩ ra ti prũ fi tóg, ti mỹ vẽnh vĩ jẽnẽg mũ, kỹ fi tóg ti mỹ: “vẽjykre kuryj han ti tĩ,” he mũ, Jesus to. “Hã kỹ ti vóg sór tũg nĩ. Kuty tag kã sóg ti to vẽnh péti kónãn. Ẽg tỹ ti tugrĩn jagtar ke ve inh, inh vẽnh péti ki,” he fi tóg.

Marcos 15:14

Kỹ tóg ag mỹ: “hẽ ri ken kỹ? Ti kórég tỹ ne han ti?“ he mũ. Hã ra ag tóg prẽr mãn', prẽr mãn' he mũ sir. “!..Krunh to ti sã..!“ he ag tóg, prẽnprẽr kỹ.

Lucas 23:22

Kỹ tóg ag mỹ vĩ tãgtũ han mũ gé. “Ti kórég tỹ ne han ti? Sỹ vég tũ tóg tĩ. Ti tỹ ne to ter ke nẽ? Sỹ ki kagtĩg tóg tĩ. Hã kỹ sóg ti mrãnmrãn kar kỹ ti tovãnh ke mũ,” he tóg.

João 18:38

Kỹ Pilatos tóg: “ne nỹ tỹ ki hã tó nĩ'? Sỹ ki kagtĩg tóg tĩ,” he mũ. Kỹ tóg re ra tĩg mãn mũ, pã'i ag mré vẽmén jé, kỹ tóg ag mỹ: “ti pijé vẽjykre kórég han tĩ',” he mũ.

Han Kãme 25:25

“Hã ra tóg nén ũ vẽnh mỹ han ja tũ nĩ, ti tỹ to ter jé. Kỹ tóg Imperador ve sór mũ. Hã kỹ sóg ti jẽnẽnh ke mũ,” he tóg.

Han Kãme 3:13

“Ẽg jógjóg ve ag vỹ Topẽ to há ja nỹtĩgtĩ, Abraão ti, Isaque ti, Jacó ti ke gé. Topẽ ẽn vẽ mỹr, ũ tỹ ti tỹ há' he mũ ti. Topẽ ẽn vỹ ti kósin tỹ ũn mág han. Ti hã vỹ tỹ Jesus nĩ. Hã ra ãjag tóg fóg tỹ pã'i tỹ Pilatos mỹ ti fẽg ja nĩgtĩ, kỹ tóg: ti kavãn jé sóg ke mũ, he mũ vẽ.

Hebreu 7:26

Ẽg to ti há nĩ, ti tỹ ẽg jagfy Topẽ tũ ki rĩr nĩn kỹ. Topẽ kósin vỹ tỹ ti nĩ. Kygnẽ ja tũ pẽ ti nĩ. Nén ũ kórég venh ke tũ ẽg nĩ, ti ki. Topẽ vĩ mranh tĩ ag mré ke tũ vẽ. Kỹ tóg tỹ, kanhkã tãn kar ag kri ke nĩ gé sir, ũri.

1 Pedro 1:19

Hã ra tóg ti kyvénh hã to ẽg kygjãm. Kỹ tóg tũ' he jãvãnh nĩ. Nén ũ kaja kãfór kar ti nĩ, ti kyvénh ti. Ũn há tãvĩ vỹ tỹ ti nĩ, ũ tỹ ti kyvénh tỹ ẽg kygjãm mũ ẽn ti, hã vỹ: Cristo, he mũ. Kygnẽ ja tũ pe ti nĩ.

1 Pedro 2:22

Nén ũ kórég han ja tũ ti nĩ. Ũ pijé ti ón venh ke mũ', ti ón vãnh nĩn kỹ.

1 Pedro 3:18

Cristo hã to jykrén nĩ, ha mẽ. Ter ja tóg nĩ, ẽprã ke ag tỹ Topẽ mỹ név nỹtĩ tugrĩn. Ti ter pir ki tóg kajãm kãn. Jykre kuryj tóg nĩ, Jesus ti, hã ra tóg ũn jykre pãno ag jagfy ter ja nĩ. Ti tỹ Topẽ mỹ ẽg tatĩn tĩg sór vẽ. Ti tén ja ag tóg nĩ, hã ra Topẽ kuprĩg vỹ ti rĩn mãn.