Lucas 23:33 - O Novo Testamento na língua Kaingáng

³³ Kỹ ag tóg pãnónh tá junjun mũ sir, ti jijin hã vỹ: Krĩ Kuka, he mũ. Tá ag tóg krunh to ti sãg mũ sir. Ũn jykre pãno ag tỹ ag tóg krunh to ag sãg mũ gé, ti kóm, kỹ ũ vỹ ti pẽgja tá sa, jo ũ vỹ ti jakãnh tá sa.

Lucas 23:33 Iomraidhean Croise

Mateus 20:19

Kỹ ag tóg fóg ag mỹ inh fẽg ke mũ sir, ẽn ag tỹ iso é he jé, ag tỹ inh mrãnmrãn jé, ag tỹ ka to isa jé. Kurã tãgtũ ki sóg hã ra rĩr mãn ke mũ,” he tóg, Jesus ti.

Mateus 26:2

“kurã régre tũg kỹ tóg tỹ, ẽg fénhta mág tỹ Páscoa nĩ,” he mũ. “Ẽn kã ag tóg, ẽprã ke fi kósin ti senh ke mũ, kỹ ag tóg, ka to ti sanh ke mũ. Inh hã vẽ,” he tóg, Jesus ti.

Lucas 24:7

Kỹ tóg ãjag mỹ: “ẽprã ke fi kósin ẽn fẽg jé ag tóg ke mũ, ũ tỹ Topẽ vĩ mranh tĩ ag mỹ,” he ja nĩ. “Ka to ag tóg ti sanh ke mũ, hã ra tóg kurã tãgtũ ki rĩr mãn ke mũ,” he ja tóg nĩgtĩ, vẽso,” he ag tóg mũ.

João 18:32

Hã ra Jesus tóg ag tỹ fóg tỹ pã'i mỹ ti fẽg ke tag tó ja nĩ, fóg ag tỹ krunh to ti sa kỹ ti tén ke ti. Hã kỹ ag tóg Pilatos mỹ ti ven mũ.

João 3:14

“Moisés vỹ pỹn kãgrá tỹ ka to sa ja nĩgtĩ, pỹn tỹ ũn kyprãg mũ ag tỹ ki ẽvanh tugrĩn krenkren jé, ga kórég ẽn tá. Tag ri ke han jé ag tóg ke mũ, isỹ.

Han Kãme 13:29

Ag tỹ ti to rán kỹ nĩ ẽn ki króm kãn kỹ ag tóg krunh ẽn to ti térem ja nĩgtĩ, kỹ ag tóg vẽnh kej kã tá ti fi ja nĩgtĩ.

Han Kãme 2:23

“Hã ra Topẽ tóg ãjag mỹ ti fẽg ja nĩ. Hã kỹ ãjag tóg ka to ti sa ja nĩ. Ti tén ja ãjag tóg nĩ. Kỹ ũ tỹ ka to ti sãg mũ ẽn ag jykre vỹ pãno tãvĩ nĩ.

Han Kãme 5:30

“Ẽg jógjóg ag vỹ Topẽ to há nỹtĩgtĩ. Ag tỹ ũ to há nỹtĩ ẽn vỹ Jesus ti rĩn mãn ja nĩgtĩ, ãjag tỹ ũn tén mũ ẽn ti, ka to ũn sãg mũ ẽn ti.

Galácia 3:13

Kỹ Topẽ vỹ ẽg mỹ vĩ kónãn ke mũ vẽ, ẽg tỹ ti vĩ mranh ja to. Hã ra Cristo tóg Topẽ mỹ: “ha ag jagfy inh hã mỹ vĩ kónãn,” he ja nĩgtĩ'. Ti to tag tóg rán kỹ nĩ, ha mẽ: “ũ tỹ krunh to sa mũ ẽn mỹ tóg vĩ kónãn mũ, Topẽ ti,” he ja tóg nĩ. Hã kỹ ẽg tóg Cristo ki ge tugrĩn krenkren ke mũ.

1 Pedro 2:24

Ha vé, Cristo vỹ ẽg tỹ Topẽ vĩ mranh ja ẽn kajãm ja nĩgtĩ. Krunh to sa kỹ tóg ter ja nĩgtĩ. Hã tugrĩn ẽg jykre pãno tóg tũ tĩ ha, ti tỹ tỹ tũ' hen kỹ. Vẽjykre há hã han jé ẽg tóg ti ki ge kỹ nỹtĩ. Ti vẽsỹrénh tugrĩn ẽg tóg tỹ ũn há nỹtĩ.