Lucas 23:26 - O Novo Testamento na língua Kaingáng

²⁶ Kỹ ag tóg ti pére mũ mũ, krunh to ti sa jé. Ag mũn kỹ ag tóg ũ kãtĩg vég mũ. Ẽpỹ tá tóg kãtĩ mũ. Ti jijin hã vỹ: Cirene tá Simão, he mũ. Ti kri ag tóg Jesus krunh ti fig mũ, ti tỹ ti jé va tĩg jé, ti nón.

Lucas 23:26 Iomraidhean Croise

Mateus 5:41

Ti tỹ ã mỹ: “mũ nỹ, tag tá, kakó ja tá inh fón jé,” hen kỹ ti mré tĩg nĩ, kỹ ti mỹ: “kór há tá inh ã fón tĩg mũ ha,” hem nĩ.

Lucas 14:27

Ha vé, ag tỹ inh krunh tỹ inh kri fi kỹ sóg tĩg ke mũ, ag tỹ to isa kỹ isén jé, ha vem nĩ. Vẽnh nenh ke tũ sóg nĩ. Ũ tỹ inh ri ke han sór tũ nĩn kỹ tóg inh mré kãtĩg ke tũ nĩ, kỹ tóg tỹ inh mré ke nĩnh ke tũ nĩ gé,” he tóg.

Lucas 23:25

Kỹ tóg ũ ẽn kavãg mũ sir, ũ tỹ vẽnh génh to se kỹ jẽ ẽn ti, ũ tỹ ũ tén ja ẽn ti. Kỹ tóg ag mỹ Jesus ti fẽg mũ sir, ag tỹ ti ki ag tỹ nén han sór mũ ẽn han jé.

Lucas 9:23

Kỹ tóg vẽnh kar mỹ: “ãjag tỹ inh mré kãmũ kỹ tóg há tĩnh mũ,” he mũ.“Kỹ ãjag jykre tovãnh nĩ, ãjag tỹ isũ tãvĩ han jé. Ha vé, ag tỹ inh krunh tỹ inh kri fi kỹ sóg tĩg ke mũ, ag tỹ to isa kỹ isén jé, ha vem nĩ. Vẽnh nenh ke tũ sóg nĩ. Isỹ tag han ri ke han nĩ, kurã kar ki,” he tóg.

Han Kãme 13:1

Antioquia tá ũ ag tóg nỹtĩ, Topẽ vĩ tó tĩ ũ ag, Jesus jykre tỹ vẽnh kanhrãn nỹtĩ ag ke gé. Kỹ ũ jijin hã vỹ: Barnabé, he mũ, kar ũ jijin hã vỹ: Simão Negro, he mũ. Ũ tóg tỹ Lúcio nĩ, Cirene tá ke tag ti. Kỹ ũ tóg tỹ Manaém nĩ, pã'i tỹ Herodes mré mog mũ tag ti. Kỹ ũ tóg tỹ Saulo nĩ gé.

Han Kãme 2:10

Frígia tá, Panfília tá, Egito tá, ga tỹ Líbia tá, ẽmã tỹ Cirene ẽn mã tá. Ũ ag tóg ẽmã tỹ Roma tá kãmũ mũ gé.

Han Kãme 6:6

Ẽn ag vin ag tóg mũ, Jesus tỹ ũn vin mũ ag jo. Kỹ ag tóg ag to Topẽ mré vĩ mũ, ag nĩgé tỹ ag mẽ kỹ. Hã kỹ ag tóg ag mỹ vẽnh rãnhrãj ẽn nĩm mũ, ag tỹ vẽjẽn ki rĩr jé.

Han Kãme 6:9

Hã ra ũ ag tóg Judeu ag vẽnh kanhrãn jafã tá ti vĩ kafãn mũ. Ẽmã tỹ Cirene tá ke ag vẽ, ẽmã tỹ Alexandria tá ke ag ke gé, ga tỹ Cilícia tá ke ag ke gé, ga tỹ Ásia tá ke ag ke gé.