Lucas 23:25 - O Novo Testamento na língua Kaingáng

²⁵ Kỹ tóg ũ ẽn kavãg mũ sir, ũ tỹ vẽnh génh to se kỹ jẽ ẽn ti, ũ tỹ ũ tén ja ẽn ti. Kỹ tóg ag mỹ Jesus ti fẽg mũ sir, ag tỹ ti ki ag tỹ nén han sór mũ ẽn han jé.

Lucas 23:25 Iomraidhean Croise

Mateus 27:26

Kỹ Pilatos tóg Barrabás kavãg mũ sir. Jesus to tóg porisa ag mỹ: “ha ti mrãnmrãn,” he mũ sir. Ag tỹ ti mrãnmrãn kar kỹ tóg ag mỹ ti fẽg mũ, ag tỹ ka to ti sa jé.

Marcos 15:15

Kỹ tóg ag mỹ Barrabás kavãg mũ sir. Jesus mrãnmrãn tóg mũ sir, mrãn ke jafã tỹ, kỹ tóg ag mỹ ti fẽg mũ sir, ag tỹ ka to ti sa jé.

Lucas 23:2

Tá ag tóg ti mỹ: “vẽnh kar krĩn kónãn tóg tĩ, ag tỹ vẽjykre há tovãnh jé,” he mũ. “Kỹ tóg ẽg mỹ: “pã'i mág tỹ imperador mỹ imposto nĩm tũg nĩ,” he tĩ gé. Kỹ tóg vẽso: “tỹ inh Cristo nĩ, pã'i mág ti,” he tĩ gé,” he ag tóg mũ.

Lucas 23:24

To tóg jykrén mũ, kỹ tóg ag mỹ: “he,” he mũ, ag tỹ ti kutãn to.

Lucas 23:26

Kỹ ag tóg ti pére mũ mũ, krunh to ti sa jé. Ag mũn kỹ ag tóg ũ kãtĩg vég mũ. Ẽpỹ tá tóg kãtĩ mũ. Ti jijin hã vỹ: Cirene tá Simão, he mũ. Ti kri ag tóg Jesus krunh ti fig mũ, ti tỹ ti jé va tĩg jé, ti nón.

Lucas 23:5

Hã ra ag tóg ti tovãnh jãvãnh pẽ nỹtĩ. Kỹ ag tóg ti mỹ: “hã ra tóg vẽnh kar krĩ rỹ han tĩgtĩ,” he mũ. “Ga tỹ Judéia kar mĩ tóg tĩg ja nĩ, ga tỹ Galiléia mĩ ke gé, tag mĩ ke gé. Tĩg kỹ tóg vẽnh kar krĩn kónãn tĩgtĩ,” he ag tóg.

João 18:40

Hã ra ag kar tóg prẽnprẽr mũ sir. “!..Jesus pijé'..! Barrabás kava ra..!“ he ag tóg mũ sir, prẽnprẽr kỹ. Hã ra Barrabás ẽn vỹ tỹ ũn jykre kórég pẽ nĩ.

João 19:16

Kỹ Pilatos tóg ag mỹ: “ha krunh to ti sanh mũjẽg ge,” he mũ sir.

Han Kãme 3:14

Hã ra ãjag tóg ũ tỹ vẽjykre kuryj han mũ to, nejé, he ja nĩgtĩ, Topẽ tỹ ũn kuprẽg mũ ẽn to, Jesus ẽn to. Hã ra ãjag tóg ũ tỹ ũn tén mũ to: ti kava ra, he ja nĩgtĩ.